ന്യൂഡല്ഹി: സ്വന്തം അമ്മയെ ആവര്ത്തിച്ച് ബലാത്സംഗത്തിന് ഇരയാക്കിയ യുവാവിനെ പോലീസ് അറസ്റ്റ് ചെയ്തു. മുമ്പുണ്ടായിരുന്ന ഒരു ബന്ധത്തിന്റെ പേരില് താന് അവരെ ശിക്ഷിക്കുകയാണെന്ന് ആരോപിച്ചാണ് ഇയാള് പീഡനം നടത്തിയതെനന്നാണ് വിവരം. 65 വയസ്സുള്ള അമ്മയെ രണ്ടുതവണയാണ് 39 കാരനായ പ്രതി ഇവര് താമസിക്കുന്ന വീടിനുള്ളിലിട്ട് ബലാത്സംഗം ചെയ്തത്.
പോലീസ് പറയുന്നതനുസരിച്ച്, 25 വയസ്സുള്ള മകളോടൊപ്പം ആ സ്ത്രീ ഹൗസ് ഖാസി പോലീസ് സ്റ്റേഷനില് എത്തി പരാതി നല്കി. സൗദി അറേബ്യയിലേക്കുള്ള ഒരു തീര്ത്ഥാടനം കഴിഞ്ഞ് കുടുംബം തിരിച്ചെത്തിയതിന് തൊട്ടുപിന്നാലെയാണ് ആക്രമണങ്ങള് നടന്നത്. സര്ക്കാര് ഉദ്യോഗസ്ഥനായി വിരമിച്ച ഭര്ത്താവിനും ഇളയ മകള്ക്കും പ്രതിയായ മകനുമൊപ്പം താമസിച്ചുവരികയായിരുന്നു 65 കാരി. വിവാഹിതയായ ഇവരുടെ മൂത്തമകള് തൊട്ടടുത്ത് തന്നെ കുടുംബമായി താമസിക്കുകയും ചെയ്യുന്നുണ്ട്.
ജൂലൈ 17 ന്, ഇരയും ഭര്ത്താവും ഇളയ മകളും സൗദി അറേബ്യയിലേക്ക് പോയി. യാത്രയ്ക്കിടെ, പ്രതി തന്റെ പിതാവിനെ വിളിച്ച് ഉടന് ഡല്ഹിയിലേക്ക് മടങ്ങാന് നിര്ബന്ധിച്ചു. കുട്ടിക്കാലത്ത് അവര്ക്ക് അനേകം അവിഹിതബന്ധം ഉണ്ടായിരുന്നതായി ആരോപിക്കുകയും അമ്മയെ വിവാഹമോചനം ചെയ്യാന് പിതാവിനോട് ആവശ്യപ്പെടുകമായിരുന്നു. ഓഗസ്റ്റ് 1 ന് കുടുംബം ഡല്ഹിയില് തിരിച്ചെത്തിയ ശേഷം പ്രതി അമ്മയെ ഒരു മുറിയില് പൂട്ടിയിട്ട്, ബുര്ഖ ഊരാന് നിര്ബന്ധിച്ച് മര്ദ്ദിച്ചുവെന്ന് പരാതിയില് പറയുന്നു.
കുട്ടിക്കാലത്ത് തന്നെ 'നശിപ്പിച്ച'തായി അയാള് അവരോട് പറഞ്ഞതായി ആരോപിക്കപ്പെടുന്നു. സ്ത്രീ വീട് വിട്ട് മൂത്ത മകളുടെ വീട്ടില് അഭയം തേടി. ഓഗസ്റ്റ് 11 ന് അവള് തിരിച്ചെത്തിപ്പോഴും ആവര്ത്തിച്ചു. രാത്രി 9:30 ഓടെ, തന്റെ അമ്മയോട് സ്വകാര്യമായി സംസാരിക്കണമെന്ന് പ്രതി തന്റെ കുടുംബത്തോട് പറഞ്ഞു. വീണ്ടും അവളെ ഒരു മുറിയില് പൂട്ടിയിട്ട്, ബലാത്സംഗം ചെയ്തു. അമ്മയുടെ 'മുന് ബന്ധങ്ങള്ക്ക്' താന് അവരെ ശിക്ഷിക്കുകയാണെന്ന് പറഞ്ഞു. ഓഗസ്റ്റ് 14 ന് പുലര്ച്ചെ 3:30 ഓടെയും അവളെ ബലാത്സംഗം ചെയ്തു.
പിറ്റേന്ന്, സ്ത്രീ തന്റെ ഇളയ മകളോട് രഹസ്യമായി പറഞ്ഞു, പോലീസിനെ സമീപിക്കാന് അവള് അവളെ പ്രോത്സാഹിപ്പിച്ചു. ഇരുവരും ഹൗസ് ഖാസി പോലീസ് സ്റ്റേഷനില് പോയി രേഖാമൂലം പരാതി നല്കി.
