ഭര്ത്താവ് ഫഹീമിന് പിറന്നാള് ആശംസകള് നേര്ന്നുകൊണ്ട് നൂറിന് സമൂഹമാധ്യമത്തില് പങ്കുവെച്ച പോസ്റ്റാണ് ശ്രദ്ധനേടുന്നത്. എപ്പോഴും സ്നേഹം തിരഞ്ഞെടുത്തതിനും, ചിലപ്പോള് എനിക്ക് എന്നെത്തന്നെ മനസ്സിലാക്കാന് പോലും കഴിയാത്ത വിധത്തില് എന്നെ മനസ്സിലാക്കിയതിനും നന്ദി. എന്നാണ് നൂറന് കുറിച്ചത്.
ഉറ്റ സുഹൃത്തുക്കളിൽ നിന്ന് പ്രണയികളായി, ഇപ്പോൾ എന്റെ ഭർത്താവുമായി, ഇപ്പോഴും എനിക്ക് ഒരിക്കലും മറക്കാൻ കഴിയാത്ത അതേ പഴയ പ്രണയം പോലെയാണ് തോന്നുന്നത് .കാര്യങ്ങൾ ബുദ്ധിമുട്ടാകുമ്പോൾ പോലും എന്നെ ഒരിക്കലും കൈവിടാത്തതിന് നന്ദി. എപ്പോഴും സ്നേഹം തിരഞ്ഞെടുത്തതിനും, ചിലപ്പോൾ എനിക്ക് എന്നെത്തന്നെ മനസ്സിലാക്കാൻ പോലും കഴിയാത്ത വിധത്തിൽ എന്നെ മനസ്സിലാക്കിയതിനും നന്ദി.
നിങ്ങൾ ചെയ്യുന്ന ചെറിയ കാര്യങ്ങൾ, നിശബ്ദമായ ശ്രമങ്ങൾ, പിന്തുണ, നിങ്ങൾ കാണിക്കുന്ന സ്നേഹം, അവ ഒരിക്കലും ശ്രദ്ധിക്കപ്പെടാതെ പോകുന്നു. ഞാൻ എല്ലാം കാണുന്നു. എനിക്ക് എല്ലാം അനുഭവപ്പെടുന്നു. നിങ്ങൾ എന്ന മനുഷ്യനോട് ഞാൻ വളരെ നന്ദിയുള്ളവളാണ്….എന്റെ പ്രിയപ്പെട്ട മനുഷ്യന് ജന്മദിനാശംസകൾ എന്നായിരുന്നു ഫഹീമിനൊപ്പമുളള ചിത്രങ്ങള് പങ്കുവെച്ച് നൂറിന് കുറിച്ചത്.
പ്രദീപ് രംഗനാഥനും മമിത ബൈജുവും പ്രധാനവേഷത്തലെത്തുന്ന ഡ്യൂഡ് എന്ന ചിത്രത്തിലെ ‘ഊരും ബ്ലഡ്’ എന്ന ഗാനത്തിലെ വരികളും നൂറിന് കുറിപ്പില് ഉള്പ്പെടുത്തിയിട്ടുണ്ട്. നിരവധിപ്പേരാണ് ഫഹീമിന് ആശംസകളറിയിച്ചെത്തുന്നത്.
2023 ജൂലൈ 24 നായിരുന്നു ഫഹിം സഫറുമായുളള നൂറിന്റെ വിവാഹം. ദീര്ഘനാളത്തെ പ്രണയത്തിനു ശേഷമായിരുന്നു ഇവരുടെ വിവാഹം. വിവാഹത്തിന് മുന്പേ നല്ല സുഹൃത്തുക്കള് ആയിരുന്ന ഫഹീമും നൂറിനും ആ സൗഹൃദം വിവാഹ ശേഷവും തുടരുകയാണ് .
2017 ല് ഒമര് ലുലു സംവിധാനം ചെയ്ത ചങ്ക്സ് എന്ന ചിത്രത്തിലൂടെയാണ് നൂറിന് സിനിമയില് അരങ്ങേറ്റം കുറിച്ചത്. ഒരു അഡാര് ലൗ എന്ന സിനിമയില് നായികയായെത്തി. സാന്താക്രൂസ്, വെള്ളേപ്പം, ബര്മൂഡ തുടങ്ങിയവയാണ് മറ്റു ചിത്രങ്ങള്.
ജൂണ്, മാലിക്, ഗാങ്സ് ഓഫ് 18, മധുരം തുടങ്ങിയ ചിത്രങ്ങളിലൂടെയാണ് ഫഹീം സഫര് ശ്രദ്ധനേടുന്നത്. മധുരത്തിന്റെ തിരക്കഥാകൃത്തുക്കളില് ഒരാളാണ്. ദിലീപും വിനീത് ശ്രീനിവാസനും ഒന്നിക്കുന്ന ഭഭബ സിനിമയുടെ തിരക്കഥ എഴുതുന്നത് നൂറിനും ഭര്ത്താവ് ഫഹീമും ചേര്ന്നാണ്.
