ക്രിസ്മസിനോട് അനുബന്ധിച്ച് റിയല്മി ഒരു പ്രത്യേക ഓഫര് സെയില് നടത്തിയിരുന്നു. ക്രിസ്മസ് സെയില് എന്നാണ് പേരെങ്കിലും ക്രിസ്മസിന് മുന്പ് ആരംഭിച്ച ഈ ഓഫര് സെയില് ക്രിസ്മസിന് ശേഷവും തുടരുകയാണ്. ന്യൂ ഇയര് കഴിയും വരെ ഈ ഓഫര് സെയില് ഡിസ്കൗണ്ടുകള് പ്രതീക്ഷിക്കാം. റിയല്മി ക്രിസ്മസ് സെയില് ഡിസ്കൗണ്ട് ലഭ്യമാകുന്ന മോഡലുകള് ഏതൊക്കെയെന്ന് റിയല്മി ഇന്ത്യയുടെ ഇ-സ്റ്റോര് ലിസ്റ്റ് ചെയ്തിട്ടുണ്ട്. ഇതില് ചില സ്മാര്ട്ട്ഫോണുകള് ക്രിസ്മസ് സെയിലിലെ ബെസ്റ്റ്സെല്ലേഴ്സ് എന്ന പേരിലും റിയല്മി ലിസ്റ്റ് ചെയ്തിട്ടുണ്ട്.
റിയല്മി ക്രിസ്മസ് സെയില് ബെസ്റ്റ് സെല്ലേഴ്സ് ആയി ലിസ്റ്റ് ചെയ്യപ്പെട്ടിരിക്കുന്നതില് 25000 രൂപയില് താഴെ വിലയില് നാല് മോഡലുകളാണ് ഉള്ളത്. ഈ ബെസ്റ്റ് സെല്ലേഴ്സിന്റെ കൂട്ടത്തില് 17499 രൂപയുടെ ഒരു റിയല്മി ഫോണും ഇടം പിടിച്ചിട്ടുണ്ട്, റിയല്മി 15x 5ജി ആണ് അത്. ഈ വര്ഷം ഒക്ടോബറില് റിയല്മി ഇന്ത്യയില് അവതരിപ്പിച്ച സ്മാര്ട്ട്ഫോണ് മോഡലാണ് റിയല്മി 15x 5ജി. ലോഞ്ച് ചെയ്യുന്ന സമയത്ത് റിയല്മി 15x 5ജിയുടെ 6GB + 128GB അടിസ്ഥാന വേരിയന്റിന് 16,999 രൂപയും 8GB + 128GB വേരിയന്റിന് 17,999 രൂപയും 8GB + 256GB ടോപ് വേരിയന്റിന് 19999 രൂപയുമായിരുന്നു വില. ഇപ്പോള് റിയല്മി ക്രിസ്മസ് സെയിലില് അടിസ്ഥാന മോഡലിന് 17499 രൂപയും, 18999 രൂപയുമാണ് വിലയിട്ടിരിക്കുന്നത്. 500 രൂപ കൂപ്പണ് ഡിസ്കൗണ്ടിന് ശേഷമുള്ള വിലയാണ് ഇത്.
റിയല്മി ക്രിസ്മസ് ബെസ്റ്റ്സെല്ലര് എന്ന് വിശേഷിപ്പിച്ചിരിക്കുന്ന ഈ സ്മാര്ട്ട്ഫോണിന് ആമസോണും മികച്ച ഡിസ്കൗണ്ട് വാഗ്ദാനം ചെയ്യുന്നുണ്ട്. റിയല്മി വെബ്സൈറ്റിലെ അതേ വിലയില് തന്നെയാണ് റിയല്മി 15x 5ജി ആമസോണില് ലിസ്റ്റ് ചെയ്തിരിക്കുന്നത്. എന്നാല് 1500 രൂപയുടെ ബാങ്ക് ഡിസ്കൗണ്ട് ലഭ്യമാണ്. ഇത് പ്രയോജനപ്പെടുത്തിയാല് 15,999 രൂപ വിലയില് ഈ ഫോണ് സ്വന്തമാക്കാന് സാധിയ്ക്കും. ഒക്ട കോര് മീഡിയടെക് ഡൈമെന്സിറ്റി 6300 6nm പ്രോസസര് (2x കോര്ടെക്സ്-A76 @ 2.4GHz 6x കോര്ടെക്സ്-A55 @ 2GHz) ആണ് റിയല്മി 15x 5ജിയുടെ കരുത്ത്. 144Hz 6.8-ഇഞ്ച് (1570×720) പിക്സല് HD+IPS LCD സ്ക്രീന്, 1200 nits വരെ പീക്ക് ബ്രൈറ്റ്നസ്, ആം മാലി-G57 MC2 GPU, 6GB/ 8GB LPDDR4X റാം, 128GB/ 256GB (UFS 2.2) സ്റ്റോറേജ് എന്നിവ ഇതിലുണ്ട്.
1/1.95' സോണി IMX852 സെന്സറുള്ള 50MP മെയിന് ക്യാമറയും ( f/1.8 അപ്പേര്ച്ചര്), LED ഫ്ലാഷും അടങ്ങുന്ന ഡ്യുവല് റിയര് ക്യാമറ സജ്ജീകരണവും സെല്ഫിക്കും വീഡിയോ കോളുകള്ക്കുമായി 50MP ഫ്രണ്ട് ക്യാമറയും ഈ റിയല്മി ഫോണില് ഉണ്ട്. 1/2.88' OV50D40 സെന്സര്, f/2.4 അപ്പര്ച്ചര് എന്നിവയോട് കൂടിയാണ് ഈ ഫ്രണ്ട് ക്യാമറ എത്തുന്നത്. 60W ഫാസ്റ്റ് ചാര്ജിംഗുള്ള 7000mAh ബാറ്ററിയാണ് ഇതിലുള്ളത്. ഇത് രണ്ട് ദിവസം വരെ ഉപയോഗിക്കാനാകുമെന്ന് കമ്പനി പറയുന്നു. സൈഡ്-മൗണ്ടഡ് ഫിംഗര്പ്രിന്റ് സെന്സര്, IP68 + IP69 റേറ്റിങ്, മിലിട്ടറി- ഗ്രേഡ് ഡ്യൂറബിലിറ്റി (MIL-STD 810H സര്ട്ടിഫിക്കേഷന്), ഹൈബ്രിഡ് ഡ്യുവല് സിം (നാനോ+നാനോ/ മൈക്രോ എസ്ഡി), 5G SA / NSA, ഡ്യുവല് 4G VoLTE, എന്നിവയാണ് മറ്റ് പ്രധാന ഫീച്ചറുകള്.
