സൗദി അറേബ്യയിലെ ഒരു വിവാഹ വേദിയില് നിന്നുള്ള ദൃശ്യങ്ങളാണ് ഇപ്പോള് സോഷ്യല് മീഡിയയില് ചര്ച്ചകള്ക്ക് വഴിയൊരുക്കിയിരിക്കുന്നത്. വധുവിന്റെ സഹോദരന് വരന്റെ കുടുംബാംഗങ്ങള്ക്ക് 24 കാരറ്റ് സ്വര്ണ്ണ ബിസ്ക്കറ്റുകള് സമ്മാനമായി നല്കുന്നു എന്ന അവകാശവാദത്തോടെയാണ് ഈ വീഡിയോ പ്രചരിച്ചത്. വീഡിയോയില്, സ്വര്ണ്ണക്കട്ടികള് അടുക്കിവെച്ച വലിയ ട്രേകളുമായി ആളുകള് അതിഥികള്ക്കിടയിലൂടെ നീങ്ങുന്നതും ഓരോരുത്തര്ക്കും ഓരോ സ്വര്ണ്ണ ബിസ്ക്കറ്റ് വീതം നല്കുന്നതും വ്യക്തമായി കാണാം. 'രാജകീയം' എന്ന് ഒരു വിഭാഗം ഈ ആഡംബരത്തെ വിശേഷിപ്പിച്ചപ്പോള്, വെറുമൊരു പ്രഹസനം മാത്രമാണിതെന്ന് മറ്റ് ചിലര് വിമര്ശിച്ചു. ലക്ഷക്കണക്കിന് ആളുകള് കണ്ട ഈ വീഡിയോയിലെ ദൃശ്യങ്ങള് കണ്ട് ലോകമെമ്പാടുമുള്ള വായനക്കാര് അമ്പരന്നു പോയി.
എക്സ് പ്ലാറ്റ്ഫോമിലൂടെ പുറത്തുവന്ന ഈ ദൃശ്യങ്ങളില്, തിളങ്ങുന്ന സ്വര്ണ്ണ ബിസ്ക്കറ്റുകള് കൈമാറുന്ന രീതി കണ്ടാല് ആരും അത് യഥാര്ത്ഥ സ്വര്ണ്ണമാണെന്ന് തെറ്റിദ്ധരിച്ചുപോകും. സാധാരണയായി വിവാഹങ്ങളില് വസ്ത്രങ്ങളോ ആഭരണങ്ങളോ സമ്മാനമായി നല്കാറുണ്ടെങ്കിലും, ഇത്രയധികം പേര്ക്ക് 24 കാരറ്റ് സ്വര്ണ്ണ ബിസ്ക്കറ്റുകള് വിതരണം ചെയ്യുക എന്നത് സാമ്പത്തികമായി പ്രായോഗികമാണോ എന്ന സംശയം പലരും ഉയര്ത്തിയിരുന്നു. വീഡിയോയിലെ ആഡംബരം കണ്ട് ഇത് ഗള്ഫ് രാജ്യങ്ങളിലെ അതിസമ്പന്നമായ ഏതോ വിവാഹമാണെന്ന് കരുതി നിരവധി പേര് വീഡിയോ ഷെയര് ചെയ്യുകയും ചെയ്തു.
എന്നാല്, വീഡിയോയ്ക്ക് പിന്നിലെ യഥാര്ത്ഥ വസ്തുത ഉടന് തന്നെ പുറത്തുവന്നു. അതിഥികള്ക്ക് നല്കിയത് സ്വര്ണ്ണ ബിസ്ക്കറ്റുകളല്ല, മറിച്ച് സ്വര്ണ്ണനിറത്തിലുള്ള ഫോയിലില് പൊതിഞ്ഞ ലക്ഷ്വറി ചോക്ലേറ്റുകളാണെന്ന് സോഷ്യല് മീഡിയ ഉപയോക്താക്കള് തന്നെ ചൂണ്ടിക്കാട്ടി. മിഡില് ഈസ്റ്റിലെ ആഡംബര വിവാഹങ്ങളില് സാധാരണയായി കണ്ടുവരുന്ന 'പാച്ചി' പോലുള്ള പ്രീമിയം ബ്രാന്ഡ് ചോക്ലേറ്റുകളായിരുന്നു ഇവ. സ്വര്ണ്ണ ബിസ്ക്കറ്റിന്റെ അതേ രൂപത്തിലും പാക്കിംഗിലുമുള്ള ഈ ചോക്ലേറ്റുകള് കണ്ടാണ് പലരും ഇത് യഥാര്ത്ഥ സ്വര്ണ്ണമാണെന്ന് തെറ്റിദ്ധരിച്ചത്. ഇതോടെ സോഷ്യല് മീഡിയയിലെ വലിയൊരു വിഭാഗം ഈ 'മധുരമുള്ള' സര്െ്രെപസിനെ അഭിനന്ദിച്ചും കമന്റുകളുമായി എത്തി.
At a Saudi wedding the bride’s brother gifts the groom’s family 24-karat gold biscuits.pic.twitter.com/3F0BwnuZSq
— Massimo (@Rainmaker1973) February 11, 2026
