കണ്ണൂര്: കേരളത്തില് വീണ്ടും കാട്ടാന ആക്രമണത്തില് ദുരന്തം. ആറളം ഫാമില് കാട്ടാനയുടെ ചവിട്ടേറ്റ് യുവാവിന് ദാരുണാന്ത്യം. ആറളം ഫാം പത്താം ബ്ലോക്കിലെ അനീഷാണ് മരിച്ചത്. അനീഷിന്റെ മൃതദേഹം പേരാവൂര് താലൂക്ക് ആശുപത്രിയില് സൂക്ഷിച്ചിരിക്കുകയാണ്.
പരിയാരം മെഡിക്കല് കോളജില് പോസ്റ്റ്മോര്ട്ടം നടപടികള് പൂര്ത്തിയാക്കിയ ശേഷം മൃതദേഹം ബന്ധുക്കള്ക്ക് വിട്ടുനല്കും. പുലര്ച്ചെ പ്രാഥമിക കര്ത്തവ്യങ്ങള്ക്കായി വീടിന് പുറത്തിറങ്ങിയപ്പോഴാണ് ആക്രമണം ഉണ്ടായതെന്നാണ് വിവരം.
നേരെത്തെയും പ്രദേശത്ത് കാട്ടാന ആക്രമണമുണ്ടായിട്ടുണ്ട്. കഴിഞ്ഞ ആറ് വര്ഷത്തിനിടെ 11 പേര്ക്ക് ഇവിടെ കാട്ടാനയുടെ ആക്രമണത്തില് ജീവന് നഷ്ടമായി. സ്ഥിരമായി കാട്ടാന ഇറങ്ങുന്ന സ്ഥലമാണിത്. കാട്ടാനകള് തമ്പടിക്കുന്ന മേഖലയുമാണ്.
