ഇന്നലെയായിരുന്നു പ്രേക്ഷകര് ഏറെ കാത്തിരുന്ന വിജയ് ദേവരകൊണ്ട- രശ്മിക വിവാഹം. ആരാധകരും സെലിബ്രിറ്റികളുമുള്പ്പെടെ നിരവധിപ്പേരായിരുന്നു താരങ്ങള്ക്ക് ആശംസകള് അറിയിച്ചെത്തിയത്. ഇപ്പോഴിതാ ഇരുവര്ക്കും ആശംസകള് നേര്ന്ന് വൈകാരിക കുറിപ്പ് പങ്കുവെച്ചിരിക്കുകയാണ് ബോളിവുഡ് താരം കൃതി സനോണ്. ഇവരുടെ വിവാഹചിത്രം ഇന്സ്റ്റഗ്രാമില് സ്റ്റോറിയായി പങ്കിട്ടുകൊണ്ടായിരുന്നു കൃതിയുടെ ആശംസ.
‘ഈ ഫ്രെയിമില് ഒരുപാട് സ്നേഹവും സന്തോഷവും. രണ്ടുപേര്ക്കും അഭിനന്ദനങ്ങള് .നിങ്ങള്ക്ക് ഒരേ സമയം ജീവനും സമാധാനവും തോന്നിപ്പിക്കുന്ന മനോഹരമായ ഓര്മ്മകളും സ്നേഹവും നിറഞ്ഞ ഒരു ജീവിതം ആശംസിക്കുന്നു. റാഷു.. നിന്നില് എനിക്ക് വളരെ സന്തോഷമുണ്ട്, കണ്ണീരോടെയുളള ആ പുഞ്ചിരി എന്നെ വികാരഭരിതയാക്കി. ഞാന് ഇതുവരെ കണ്ടിട്ടുളളതില്വെച്ച് ഏറ്റവും ശുദ്ധമായ ഹൃദയമുളള ആളുകളില് ഒരാളാണ് നിങ്ങള്. എല്ലാ സന്തോഷത്തിനും നിങ്ങള് അര്ഹയാണ് എന്റെ സുഹൃത്തേ. നിങ്ങള് രണ്ടുപേര്ക്കും ഒരു വലിയ ആലിംഗനം അയയ്ക്കുന്നു’ എന്നാണ് കൃതി കുറിച്ചത്. കോക്ക്ടെയില് 2 വില് രശ്മികയും കൃതിയും ഒരുമിച്ച് അഭിനയിക്കുന്നുണ്ട്.
