ഭാര്യ പ്രഗതി ഷെട്ടിക്ക് ജന്മദിനാശംസകള് നേര്ന്ന് ഹൃദ്യമായ കുറിപ്പ് പങ്കുവെച്ച് നടനും സംവിധായകനുമായ ഋഷഭ് ഷെട്ടി.പ്രഗതിയുടെ കുട്ടിക്കാലം മുതലുളള ദൃശ്യങ്ങള് കോര്ത്തിണക്കിയ മനോഹരമായ വീഡിയോ പങ്കുവെച്ചുകൊണ്ടായിരുന്നു ഋഷഭിന്റെ ആശംസ.
‘നിന്നിലെ നിശ്ചയദാര്ഢ്യവും, മാതൃത്വവും , ജോലിയോടുളള നിന്റെ അര്പ്പണബോധവും എന്നെ എപ്പോഴും അത്ഭുതപ്പെടുത്താറുണ്ട്. എല്ലാ കാര്യങ്ങളും ഇത്ര കൃത്യമായി കൊണ്ടുപോകുന്ന നിന്നെ ഓര്ക്കുമ്പോള് അഭിമാനം തോന്നുന്നു. ജീവിതത്തിലെ എല്ലാ പ്രതിസന്ധികളിലും തണലായി , വെളിച്ചമായി നീയുണ്ട്. നിന്റെ സ്നേഹവും പ്രശസ്തിയും ഇനിയും ഉയരങ്ങളിലെത്തട്ടെ, ജന്മദിനാശംസകള് പ്രഗതി’- ഋഷഭ് ഷെട്ടി കുറിച്ചു.
കോസ്റ്റിയൂം ഡിസൈനറാണ് പ്രഗതി. ഋഷഭ് ഷെട്ടി സംവിധാനം ചെയ്ത് അഭിനയിച്ച ബ്ലോക്ക്ബസ്റ്റര് ചിത്രം കാന്താരയുടെ പ്രീക്വല് ആയ കാന്താര :ചാപ്റ്റര് 1 ന്റെ കോസ്റ്റിയൂം ഡിസൈന് നിര്വഹിച്ചതും പ്രഗതിയായിരുന്നു.
2014 ല് ഋഷഭ് ഷെട്ടി അഭിനയിച്ച ‘ഉളിദവരു കണ്ടതെ’ എന്ന ചിത്രത്തിന്റെ സ്ക്രീനിങ്ങിനിടെയാണ് ഇരുവരും ആദ്യമായി കണ്ടുമുട്ടുന്നത്. 2017 ലാണ് ഇവര് വിവാഹിതരായത്. റണ്വിത്, രാധ്യ എന്നിവരാണ് മക്കള്.
