തെന്നിന്ത്യന് സിനിമാപ്രേക്ഷകരുടെ പ്രിയപ്പെട്ട അഭിനേത്രികളിലൊരാളാണ് രമ്യ നമ്പീശന്. വൈവിധ്യമാര്ന്ന കഥാപാത്രങ്ങളുമായാണ് താരം എപ്പോഴും എത്താറുള്ളത്. ടെലിവിഷനില് നിന്നും ‘സായാഹ്നം’ എന്ന ചിത്രത്തിലൂടെ സിനിമയിലേക്കെത്തിയ താരം ഇന്ന് തെന്നിന്ത്യയിലെ നിറസാന്നിധ്യമാണ്. മലയാളത്തില് നായിക ഉപനായിക വേഷങ്ങളിലടക്കം തിളങ്ങിയ താരം മലയാളത്തില് നിന്നും മികച്ച അവസരങ്ങള് ലഭിക്കാതെ വന്നതോടെയാണ് തമിഴിലേക്ക് ചേക്കേറിയത്.
അഭിനയത്തിന് പുറമെ ഗായിക, നർത്തകി എന്നീ നിലകളിലും സാന്നിധ്യം അറിയിച്ചിട്ടുണ്ട് രമ്യ. ഇവന് മേഘരൂപന് എന്ന സിനിമയിലെ ‘ആണ്ടെ ലോണ്ടേ’ എന്ന ഗാനം ആലപിച്ചുകൊണ്ടാണ് രമ്യ പിന്നണി ഗാനരംഗത്തേക്ക് എത്തിയത്. പിന്നീടിങ്ങോട്ട് മികച്ച ഒരുപാട് ഗാനങ്ങളില് രമ്യയുടെ ശബ്ദം മലയാളികള് കേട്ട് ആസ്വദിച്ചു. രമ്യ പാടിയ ‘തട്ടത്തിന് മറയത്ത്’ എന്ന സിനിമയിലെ ‘മുത്തുച്ചിപ്പി പോലൊരു...’ എന്ന ഗാനം വമ്പന് ഹിറ്റായി മാറിയിരുന്നു. താരത്തിന്റെ മ്യൂസിക് ബാന്റും പ്രശസ്തമാണ്. സോഷ്യല് മീഡിയയിലും നിറസാന്നിധ്യമാണ് താരം.
ഇപ്പോഴിതാ റെഡ് പ്രിന്റഡ് കുര്ത്തിയിലുള്ള പുത്തന് ചിത്രങ്ങള് പങ്കിടുകയാണ് താരം. വുഡന് വളകളും ഹെവി പെന്ഡന്റ് ഓക്സിഡൈസ്ഡ് മാലകളുമാണ് താരം ഇതിനൊപ്പം അണിഞ്ഞിരിക്കുന്നത്. ഷാര്പ്പ് ലുക്കിലുള്ള താരത്തിന്റെ പുത്തന് ചിത്രങ്ങള് ഏറ്റെടുക്കുകയാണ് ആരാധകര്.
ഹെര് ആണ് രമ്യയുടേതായി ഒടുവില് പുറത്തിറങ്ങിയ മലയാള സിനിമ. റേഞ്ചര്, ബെയ്ല എന്നിവയാണ് താരത്തിന്റെ പുതിയ സിനിമകള്. കേരള സർക്കാരിന്റെ സാംസ്കാരിക വകുപ്പും കെ.എസ്.എഫ്.ഡി.സിയും ചേർന്ന് നിർമ്മിക്കുന്ന ‘ബി 32 മുതൽ 44 വരെ’ എന്നതിലും രമ്യ നമ്പീശനുണ്ട്. സംവിധായിക ശ്രുതി ശരണ്യം തന്നെയാണ് ചിത്രത്തിന്റെ കഥയും തിരക്കഥയും ഒരുക്കിയിരിക്കുന്നത്. രമ്യ നമ്പീശനൊപ്പം അനാർക്കലി മരയ്ക്കാർ, സെറിൻ ഷിഹാബ്, അശ്വതി ബി, നവഗതയായ റെയ്ന രാധാകൃഷ്ണൻ എന്നിവരും ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നു.
വെങ്കട്ട് പ്രഭു സംവിധാനം ചെയ്യുന്ന തമിഴ് ചിത്രമായ സെയോണിൽ (SK 26) ശിവകാർത്തികേയന്റെ അമ്മയായി നടി രമ്യ നമ്പീശൻ അഭിനയിക്കുന്നുണ്ടെന്നാണ് റിപ്പോര്ട്ട്. ശിവകാർത്തികേയന്റെ കഥാപാത്രത്തിന്റെ ചെറുപ്പകാലത്തുള്ള ഫ്ലാഷ്ബാക്ക് രംഗങ്ങളിളാണ് രമ്യ അമ്മയായി അഭിനയിക്കുന്നത്.
