സിനിമാതാരമായി മാറിയിട്ടില്ലെങ്കിലും മലയാളത്തില് ഏറ്റവും കൂടുതല് ആരാധകരുള്ള താരപുത്രിയാണ് ഡോ. മീനാക്ഷി ദിലീപ്. മലയാള സിനിമയിലെ ജനപ്രിയ താരം ദിലീപിന്റെയും മഞ്ജു വാര്യരുടെയും മകൾ മീനാക്ഷി സെലിബ്രിറ്റികളേക്കാള് റീച്ചുള്ള താരപുത്രിയാണ്. മാതാപിതാക്കളോളം തന്നെ ആരാധകർക്കിടയിൽ ചർച്ചയാകുന്ന പേരാണ് മീനൂട്ടിയുടേത്.
മഞ്ജു-ദിലീപ് ബന്ധം പിരിഞ്ഞപ്പോൾ പിതാവിനൊപ്പം പോകാൻ തയ്യാറായപ്പോഴാണ് ആദ്യമായി മീനാക്ഷി ശ്രദ്ധിക്കപ്പെട്ടു തുടങ്ങിയത്. പിന്നീടിങ്ങോട്ട് എല്ലാ പ്രശ്നങ്ങളിലും അച്ഛന് കരുത്തായും പിന്തുണയായും എന്നും മീനാക്ഷിയുണ്ട്. ഇന്നിപ്പോള് 26-ാം ജന്മദിനത്തിന്റെ നിറവിലാണ് ഡോക്ടര് കൂടിയായ മീനാക്ഷി.
ഇപ്പോഴിതാ തന്റെ ജീവിതത്തിലെ പ്രതിസന്ധികളിൽ തണലായി നിന്ന മകൾക്ക് സ്നേഹനിർഭരമായ ആശംസകൾ പങ്കുവയ്ക്കുകയാണ് ദിലീപ്. വെക്കേഷനിടെ പകര്ത്തിയ മീനാക്ഷിയ്ക്കൊപ്പമുള്ള ചിത്രം പങ്കിട്ടാണ് ദിലീപിന്റെ ആശംസ. ‘‘ഹാപ്പി ബര്ത്ത്ഡേ മീനൂട്ടി...’’ എന്ന് കുറിച്ച്, മകള്ക്കൊപ്പമുള്ള ചിത്രം പങ്കിട്ടാണ് ദിലീപ് ആശംസകള് പങ്കിട്ടിരിക്കുന്നത്. മീനാക്ഷിയെ ടാഗ് ചെയ്താണ് പിറന്നാൾ ആശംസിച്ച് ദിലീപ് പോസ്റ്റ് പങ്കിട്ടിരിക്കുന്നത്. സിനിമാതാരങ്ങളും സുഹൃത്തുക്കളും ആരാധകരുമടക്കം നിരവധി പേരാണ് താരപുത്രിക്ക് ആശംസകള് കുറിച്ച് കമന്റ് ബോക്സില് എത്തിയിരിക്കുന്നത്.
എന്നാല് ഈ പോസ്റ്റിനു താഴെ ആരാധകര് കാത്തിരിക്കുന്ന ഒരു ലൈക്കുണ്ട്. മറ്റാരുടേതുമല്ല, അമ്മയായ മഞ്ജുവാര്യരുടേതാണത്. നേരിട്ട് കണ്ടുമുട്ടാറില്ലെങ്കിലും മകളോട് ഇപ്പോഴും പരസ്യമായി സ്നേഹം പ്രകടിപ്പിക്കാൻ മഞ്ജു മടിക്കാറില്ല. മകളുടെ ഓരോ ഇൻസ്റ്റഗ്രാം പോസ്റ്റിനും സ്നേഹം പങ്കിട്ട് മഞ്ജു എത്താറുണ്ട്. എന്നാൽ മീനാക്ഷിയുടെ പുതിയ ചിത്രത്തിന് മഞ്ജുവിന്റെ ലൈക്കില്ല. മഞ്ജു നേരിട്ട് ആശംസകള് അറിയിച്ചില്ലെങ്കിലും പോസ്റ്റിന് ലൈക്ക് ഇടുമെന്ന് പ്രതീക്ഷിച്ചു എന്നാണ് പലരും നല്കുന്ന കമന്റുകള്. കാവ്യമാധവന്റെ ആശംസയും ആരാധകര് ആകാംക്ഷയോടെ കാത്തിരിക്കുകയാണ്.
അതേസമയം മീനാക്ഷിയും ദിലീപും ഒരുമിച്ചെത്തിയ ചിത്രം സോഷ്യല് മീഡിയയും ആരാധകരും ഏറ്റെടുത്ത് കഴിഞ്ഞു. ഡോക്ടറായ മീനാക്ഷി ഇപ്പോൾ ആസ്റ്ററിൽ ഡെർമറ്റോളജി വിഭാഗത്തിലാണ് ജോലി ചെയ്ത് വരുന്നത്. മകളെ ഡോക്ടറാക്കുകയെന്നത് തന്റെ വലിയ ആഗ്രഹമായിരുന്നുവെന്ന് മുൻപ് ദിലീപ് പറഞ്ഞിട്ടുണ്ട്.
