ഏറ്റുമാനൂര്: ബസുകളുടെ പടിക്കെട്ടുകളുടെ ഉയരവും വീതിയും നിശ്ചയിക്കുന്നത് കേന്ദ്രസര്ക്കാര് മാനദണ്ഡപ്രകാരമാണെന്ന് തന്നെ പരിഹസിച്ച് നടി സ്നേഹ ശ്രീകുമാറിന് മറുപടിയുമായി ഏറ്റുമാനൂരിലെ എന്ഡിഎ സ്ഥാനാര്ത്ഥി ആതിര ഡി നായര്. താന് പറഞ്ഞ കാര്യങ്ങള് വസ്തുതയ്ക്ക് നിരക്കുന്നതാണെന്നും കേന്ദ്ര മാനദണ്ഡങ്ങള് പാലിച്ചു മാത്രമാണ് കെഎസ്ആര്ടിസി ബസുകള് രൂപകല്പന ചെയ്യുന്നതെന്നും പറഞ്ഞു.
കേന്ദ്ര ഗതാഗത മന്ത്രാലയം നിശ്ചയിച്ചിട്ടുള്ള 'ബസ് ബോഡി കോഡ്' (അകട 052) അനുസരിച്ചാണ് ജന്റം ബസുകള് ഉള്പ്പെടെയുള്ളവയുടെ ചവിട്ടുപടികളുടെ അളവുകള് നിശ്ചയിക്കുന്നതെന്ന് ആതിര വ്യക്തമാക്കി. പ്രധാനമന്ത്രി ഗരീബ് കല്യാണ് അന്ന യോജന പ്രകാരമാണ് റേഷന് കടകളിലൂടെ കേന്ദ്രം അരി നല്കുന്നത്. സംസ്ഥാന സര്ക്കാര് അത് വിതരണം ചെയ്യുക മാത്രമാണ് ചെയ്യുന്നതെന്നും പറഞ്ഞു.
കെഎസ്ആര്ടിസി ബസുകളുടെ രൂപകല്പനയുമായി ബന്ധപ്പെട്ട് സോഷ്യല് മീഡിയയില് ഉയര്ന്ന പരിഹാസങ്ങള്ക്കാണ് ആതിര മറുപടി നല്കിയത്. ഏറ്റുമാനൂരിലെ ട്വന്റി ട്വന്റി സ്ഥാനാര്ത്ഥിയാണ് ആതിര ഡി. നായര്. തിരഞ്ഞെടുപ്പ് പ്രചാരണത്തിനിടെ സംസ്ഥാനത്തെ കെഎസ്ആര്ടിസി ബസുകളുടെ പടികളുടെ ഉയരം കുറച്ചതും സൗജന്യ റേഷന് പദ്ധതികളും കേന്ദ്രസര്ക്കാരിന്റെ ഇടപെടലുകള് മൂലമാണെന്ന് ആതിര പ്രസംഗത്തില് പറഞ്ഞത് സാമൂഹ്യമാധ്യമങ്ങളില് വലിയ ചര്ച്ചയായിരുന്നു. ഇതിനെതിരെ നടി സ്നേഹശ്രീകുമാര് രംഗത്ത് വന്നതാണ് വിവാദമായത്.
തിരഞ്ഞെടുപ്പില് മത്സരിക്കുന്ന ഏറ്റവും പ്രായം കുറഞ്ഞ 'ജെന്സി' സ്ഥാനാര്ത്ഥിയായ ആതിര സോഷ്യല് മീഡിയയിലൂടെ സജീവമാകുന്നത്. കിഴക്കമ്പലത്ത് ട്വന്റിട്വന്റി നടത്തുന്നതിന് സമാനമായ രീതിയിലുള്ള വികസനം ഏറ്റുമാനൂരില് നടപ്പിലാക്കും. പച്ചക്കറികള്ക്കും നിത്യോപയോഗ സാധനങ്ങള്ക്കും 50 ശതമാനം വരെ വിലക്കുറവ് ഉറപ്പാക്കും. കേന്ദ്രസര്ക്കാരിന്റെ ജനക്ഷേമ പദ്ധതികള് തടസ്സമില്ലാതെ സാധാരണക്കാരിലേക്ക് എത്തിക്കും. തുടങ്ങിയ വലിയ വാഗ്ദാനങ്ങളുമായാണ് ആതിര ഡി നായര് കളത്തിലിറങ്ങിയിരിക്കുന്നത്.
