കലാഭവൻ മണിയെന്ന കലാകാരനേയും മനുഷ്യസ്നേഹിയേയും മലയാളികൾക്ക് നഷ്ടപ്പെട്ടിട്ട് പത്ത് വർഷം തികയുന്നു. മറ്റാർക്കും നികത്താൻ പറ്റാത്ത വിടവ് സമ്മാനിച്ചാണ് നാൽപ്പത്തിയഞ്ചാം വയസിൽ അദ്ദേഹം തിരശ്ശീലയ്ക്ക് പിന്നിലേക്ക് മറഞ്ഞത്. കലാഭവൻ മണിയെ ഓർമിക്കാത്ത ദിവസങ്ങൾ മലയാളികളുടെ ജീവിതത്തിൽ കുറവായിരിക്കും.
ഇന്ന് മണിയുടെ മകള് ശ്രീലക്ഷ്മിയുടെ പിറന്നാളാണ്.ശ്രീലക്ഷ്മിക്ക് ആശംസകള് നേര്ന്ന് പോസ്റ്റ പങ്കുവെച്ചിരിക്കുകയാണ് മണിയുടെ സഹോദരനും നര്ത്തകനുമായ ആര് എല് വി രാമകൃഷ്ണന്. അമ്മുവിന് കുഞ്ഞച്ഛന്റെ വക ഒരായിരം പിറന്നാൾ ആശംസകൾ എന്നാണ് ആര് എല് വി രാമകൃഷ്ണന് ഫെയ്സ്ബുക്കില് കുറിച്ചത്.
‘അമ്മുവിന് കുഞ്ഞച്ഛന്റെ വക ഒരായിരം പിറന്നാൾ ആശംസകൾ....ഏപ്രിൽ 2 മണി ചേട്ടൻ വാസന്തിയും ലക്ഷ്മിയും എന്ന ചിത്രത്തിന് ലഭിച്ച സ്പെഷ്യൽ ജൂറി അവാർഡ് വാങ്ങാൻ പോയിരിക്കുകയായിരുന്നു. അപ്പോഴാണ് ചേടത്തി അമ്മയെ ഡെലിവറിയ്ക്കായി ഹോസ്പിറ്റലിൽ അഡ്മിറ്റ് ചെയ്തത്. അവാർഡ് വാങ്ങി തിരികെയെത്തിയപ്പോഴേക്കും ഡെലിവറി കഴിഞ്ഞു. പെൺകുഞ്ഞ്.. മണി ചേട്ടൻ തന്റെ കുഞ്ഞു മകളെ കൈയിൽ എടുത്ത് മനസിൽ മന്ത്രിച്ചു. ലക്ഷ്മി...... എന്നപേര്....
അതെ ശ്രീലക്ഷ്മിയുടെ ജന്മദിനമാണിന്ന്. തന്റെ എല്ലാ സൗഭാഗ്യങ്ങൾക്കും കാരണമായ വാസന്തിയും ലക്ഷ്മിയുടെ പിന്നെ ഞാനും എന്ന ചിത്രത്തിന്റെ അംഗീകാരത്തിന്റെ ഓർമ്മയ്ക്കായി ആ പേര് തന്റെ തന്റെ പൊന്നോമനയ്ക്കിട്ടു. ശ്രീലക്ഷ്മി.... ഇന്ന് അവൾ പഠിച്ച് വലിയ കുട്ടിയായി.... ചേട്ടൻ ആഗ്രഹിച്ച പോലെ MBBS പഠനം പൂർത്തിയാക്കി പ്രാക്ടീസ് ചെയ്യുന്നു... അമ്മുവിന് കുഞ്ഞച്ഛന്റെ വക ഒരായിരം പിറന്നാൾ ആശംസകൾ നേരുന്നു’ എന്നായിരുന്നു രാമകൃഷ്ണന്റെ വാക്കുകള്.
നിരവധിപ്പേരാണ് ശ്രീലക്ഷ്മിക്ക് പിറന്നാള് ആശംസകള് നേര്ന്ന് എത്തുന്നത്. രാമകൃഷ്ണൻ വഴിയാണ് മണിയുടെ ഭാര്യ നിമ്മിയുടേയും മകളുടേയും വിശേഷങ്ങൾ ആരാധകർ അറിയുന്നത്.എറണാകുളത്തെ ശ്രീ നാരായണ കോളേജ് ഓഫ് മെഡിക്കല് സയന്സില് നിന്നാണ് ശ്രീലക്ഷ്മി എംബിബിഎസ് പഠനം പൂർത്തിയാക്കിയത്. കലാഭവന് മണിയുടെ ആഗ്രഹമായിരുന്നു പാവപ്പെട്ടവര്ക്ക് സൗജന്യമായി ചികിത്സ സഹായം നല്കുന്ന ഒരു ആശുപത്രിയും മകളെ ഡോക്ടറായി കാണണമെന്നതും. ഇപ്പോഴിതാ അച്ഛന്റെ ആഗ്രഹം പൂര്ത്തിയാക്കിയിരിക്കുകയാണ് ശ്രീലക്ഷ്മി.
