ബോളിവുഡില് നിരവധി ആരാധകരുളള താരദമ്പതികളാണ് കാജോളും അജയ് ദേവ്ഗണും. ഇപ്പോള് അജയ് ദേവ്ഗണിന്റെ ജന്മദിനത്തില് കാജോള് സോഷ്യല് മീഡിയയില് പങ്കുവച്ച പോസ്റ്റ് ആരാധകര്ക്കിടയില് ചിരി പടര്ത്തിയിരിക്കുകയാണ്. അജയ്യുടെ പ്രായത്തെക്കുറിച്ച് തമാശരൂപേണ കുറിച്ചുകൊണ്ടാണ് കാജോള് ആശംസകള് നേര്ന്നത്.
കേക്കിലെ മെഴുകുതിരികളുടെ എണ്ണം കൂടുമ്പോള് അത് ഒരു ആഘോഷം എന്നതിലുപരി ഒരു അഗ്നിബാധയ്ക്കുളള സാധ്യത പോലെ തോന്നിക്കുമെന്നും , അജയ് ഇപ്പോള് ആ ഘട്ടത്തില് എത്തിയിരിക്കുകയാണെന്നും കാജോള് തമാശയായി കുറിച്ചു.
'ചില ഘട്ടങ്ങളില് കേക്കിലെ മെഴുകുതിരികള് കാണുമ്പോള് അത് ഒരു ആഘോഷത്തേക്കാള് കൂടുതല് ഒരു അഗ്നിബാധയ്ക്കുള്ള സാധ്യത പോലെ തോന്നിപ്പിക്കും... നിങ്ങള് ആ ഘട്ടത്തില് എത്തിക്കഴിഞ്ഞു എന്ന് എനിക്ക് തോന്നുന്നു.. എന്തായാലും ജന്മദിനാശംസകള്... നിങ്ങള്ക്ക് എപ്പോഴും കേക്ക് കഴിക്കാന് സാധിക്കട്ടെ'', കാജോള് കുറിച്ചു.
1999 ഫെബ്രുവരി 24-നായിരുന്നു അജയ് ദേവ്ഗണും കജോളും വിവാഹിതരാകുന്നത്. ബോളിവുഡിലെ ഏറ്റവും മാതൃകാപരമായ ദമ്പതികളായാണ് ഇവര് അറിയപ്പെടുന്നത്. നിസ, യുഗ് എന്നിങ്ങനെ രണ്ട് മക്കളാണ് ഇവര്ക്കുളളത്.
