തെന്നിന്ത്യന് പ്രേക്ഷകരുടെ പ്രിയപ്പെട്ട അഭിനേത്രിയാണ് രമ്യ നമ്പീശന്. മലയാളത്തില് സഹോദരി ഉപനായിക വേഷങ്ങളിലൂടെ തുടക്കം കുറിച്ച താരം പിന്നീട് നായികനിരയിലേക്ക് ഉയര്ന്ന് കാമ്പുള്ള കഥാപാത്രങ്ങള് മലയാള സിനിമയ്ക്ക് നല്കി. അഭിനേത്രി എന്നതിലുപരി ഗായിക, നർത്തകി എന്നീ നിലകളിലും രമ്യ സാന്നിധ്യം അറിയിച്ചിട്ടുണ്ട്. താരത്തിന്റെ മ്യൂസിക് ബാന്ഡും ഏറെ പ്രശസ്തമാണ്.
സോഷ്യല് മീഡിയയിലും നിറസാന്നിധ്യമാണ് രമ്യ. തന്റെ എല്ലാ വിശേഷങ്ങളും മേക്കോവര് ഫോട്ടോഷൂട്ടുകളുമടക്കം എല്ലാം താരം അതിലൂടെ പങ്കിടാറുണ്ട്. വ്യത്യസ്ത ഔട്ട്ഫിറ്റുകളില് സ്റ്റൈലിഷായി തിളങ്ങുന്ന താരത്തിന്റെ ചിത്രങ്ങള് ട്രെന്ഡിംഗായി മാറാറുമുണ്ട്.
ഇപ്പോഴിതാ ബ്ലാക്ക് സാരിയില് ബോള്ഡ് ലുക്കിലുള്ള ചിത്രങ്ങള് പങ്കിടുകയാണ് താരം. ബ്ലാക്ക് നെറ്റ് സാരിയ്ക്കൊപ്പം ഓഫ് ഷോള്ഡര് ഫുള് സ്ലീവ് ബ്ലൗസാണ് താരം ധരിച്ചിരിക്കുന്നത്. ബണ് ഹെയര്സ്റ്റൈലും ഷാര്പ്പ് മേക്കപ്പും കൈയിലണിഞ്ഞിരിക്കുന്ന ഫ്ലോറല് ലേസ് നെറ്റ് ബോ ഹാന്ഡ് ഗ്ലൗസും താരത്തിന് എലഗന്റ് ലുക്ക് നല്കുന്നു. പതിവു പോലെ രമ്യയുടെ പുത്തന് ചിത്രങ്ങളും ഏറ്റെടുക്കുകയാണ് ആരാധകര്.
