പ്രശസ്ത നിര്മാതാവും അന്തരിച്ച നടി ശ്രീദേവിയുടെ ഭര്ത്താവുമായ ബോണി കപൂര് മെര്സിഡീസ് ബെന്സ് പുറത്തിറക്കിയ പുതിയ V-ക്ലാസ് ആഡംബര എംപിവി സ്വന്തമാക്കിയിരിയ്ക്കുകയാണ്. മുംബൈയിലെ പ്രമുഖ മെഴ്സിഡസ് ഡീലര്ഷിപ്പില് നിന്നും ബോണി ആഡംബര വാഹനം ഏറ്റുവാങ്ങുന്ന ദൃശ്യങ്ങള് പുറത്ത് വന്നിട്ടുണ്ട്. 1.40 കോടി രൂപയാണ് ഇതിന്റെ പ്രാരംഭ എക്സ്-ഷോറൂം വില. ഒബ്സിഡിയന് ബ്ലാക്ക്, ഹൈ-ടെക് സില്വര്, ആല്പൈന് ഗ്രേ, സോഡാലൈറ്റ് ബ്ലൂ, ക്രിസ്റ്റല് വൈറ്റ് എന്നീ അഞ്ച് ആകര്ഷകമായ നിറങ്ങളില് ഈ ലക്ഷ്വറി എംപിവി ലഭ്യമാകും.
നാല് സീറ്റുകളുള്ള ലക്ഷ്വറി ലേഔട്ടിലും ആറ് സീറ്റുകളുള്ള കോണ്ഫിഗറേഷനിലും V-ക്ലാസ് സ്വന്തമാക്കാം. പെട്രോള്, ഡീസല് എഞ്ചിന് ഓപ്ഷനുകളില് V-ക്ലാസ് ഓഫര് ചെയ്യുന്നു. 2.0 ലിറ്റര് ടര്ബോചാര്ജ്ഡ് എഞ്ചിനുള്ള V300d മോഡല് 237 bhp പവര് ഉത്പാദിപ്പിക്കുന്നു. പെട്രോള് പതിപ്പായ V300 മോഡലിന് 231 bhp കരുത്താണുള്ളത്. രണ്ട് എഞ്ചിനുകളും 9-സ്പീഡ് ടോര്ക്ക് കണ്വെര്ട്ടര് ഓട്ടോമാറ്റിക് ട്രാന്സ്മിഷനുമായി ബന്ധിപ്പിച്ചിരിക്കുന്നു. സുഗമമായ യാത്രയ്ക്കായി ഇന്ത്യന് റോഡ് സാഹചര്യങ്ങള്ക്കനുസൃതമായി പ്രത്യേകം ട്യൂണ് ചെയ്ത എയര്മാറ്റിക് (AIRMATIC) സസ്പെന്ഷന് സംവിധാനവും ഇതില് ഉള്പ്പെടുത്തിയിട്ടുണ്ട്.
സുരക്ഷയുടെ കാര്യത്തിലും V-ക്ലാസ് വിട്ടുവീഴ്ച ചെയ്യുന്നില്ല. ഏഴ് എയര്ബാഗുകള്, ഇലക്ട്രോണിക് പാര്ക്കിംഗ് ബ്രേക്ക്, 360 ഡിഗ്രി ക്യാമറ, അഡാപ്റ്റീവ് ക്രൂയിസ് കണ്ട്രോള്, ഹില് അസിസ്റ്റ്, ഡ്രൈവര് മോണിറ്ററിംഗ് സിസ്റ്റം, ഓട്ടോ ഡിമ്മിംഗ് ഐആര്വിഎം, ടയര് പ്രഷര് മോണിറ്ററിംഗ് സിസ്റ്റംസ് തുടങ്ങിയ സജ്ജീകരണങ്ങള് ഇതിലുണ്ട്. യൂറോ NCAP ക്രാഷ് ടെസ്റ്റില് 5 സ്റ്റാര് റേറ്റിംഗ് ഈ വാഹനം സ്വന്തമാക്കിയിട്ടുണ്ട്.
ഡ്രൈവര് മോണിറ്ററിംഗ് സിസ്റ്റം ദീര്ഘദൂര യാത്രകളില് ഡ്രൈവര്ക്ക് കൂടുതല് സുരക്ഷ നല്കുന്നു. ബോണി കപൂറിന്റെ മക്കളായ ജാന്വി കപൂര്, ഖുഷി കപൂര് എന്നിവര്ക്കും ആഡംബര വാഹനങ്ങളോട് കമ്പമുള്ളവരാണ്. മെര്സിഡീസ് മെയ്ബാക്ക്, റേഞ്ച് റോവര് തുടങ്ങിയ പ്രമുഖ ബ്രാന്ഡുകളുടെ കാറുകള് ഇവരുടെ ഗരാജില് നേരത്തെയുണ്ട്.
