പ്രശസ്ത കർണ്ണാടക സംഗീതജ്ഞരായ ജയവിജയന്മാരിലെ ജയന്റെ മകന് എന്ന ലേബലിലാണ് മലയാള സിനിമയിലേക്കെത്തിയ താരമാണ് മനോജ് കെ. ജയന്. വില്ലനായും നായകനായും സഹനടനായുമൊക്കെ ചുരുക്കം സിനിമകളിലൂടെ തന്നെ പ്രേക്ഷകഹൃദയം കീഴടക്കാന് താരത്തിന് കഴിഞ്ഞു. പ്രത്യേക പരിചയപ്പെടുത്തലുകളൊന്നും ആവശ്യമില്ലാത്ത താരം വ്യത്യസ്ത കഥാപാത്രങ്ങൾ കൊണ്ട് സിനിമ പ്രേമികളെ പലപ്പോഴും അതിശയിപ്പിച്ചിട്ടുണ്ട്. മൂന്നു പതിറ്റാണ്ടിലധികമായി മലയാളസിനിമയില് സജീവമായി നിലനില്ക്കുകയാണ് താരം.
ഇപ്പോഴിതാ താന് മദ്യപാനം നിര്ത്തിയതിനെക്കുറിച്ച് മനോജ് കെ ജയന് പറഞ്ഞ വാക്കുകളാണ് ആരാധകര് ഏറ്റെടുക്കുന്നത്. വര്ഷങ്ങള് മുമ്പ് മദ്യപിച്ചിരുന്നുവെങ്കിലും പിന്നീട് നിര്ത്തിയെന്നാണ് മനോജ് കെ ജയന് പറയുന്നത്. അവസാനമായി മദ്യപിച്ചത് അനന്തഭദ്രത്തിന്റെ ചിത്രീകരണം കഴിഞ്ഞപ്പോഴാണെന്നും മകള്ക്ക് വേണ്ടിയാണ് മദ്യപാനം നിര്ത്തിയതെന്നും മനോജ് കെ ജയന് പറയുന്നു.
‘‘മോള് വളര്ന്നു വന്നപ്പോള് നിര്ത്തിയതാണ്. അവൾ ഒന്നിലോ രണ്ടിലോ എത്തിയപ്പോൾ ഞാൻ കരുതി ഇനി വേണ്ട എന്ന്. സെറ്റിൽ പോയാലും കഴിക്കുന്നില്ലെന്ന് അന്ന് തീരുമാനിച്ചു. ഇപ്പോൾ പതിനാറ് വർഷമായി. ബിയറോ ഷാംപെയ്നോ പോലുമില്ല. പുകവലിയുമില്ല, കള്ളുകുടിയുമില്ല...
അനന്തഭദ്രം എന്ന ചിത്രത്തിന്റെ ചിത്രീകരണ സമയത്താണ് ഞാൻ അവസാനമായി മദ്യപിച്ചത്. ഞാന് അവസനമായി ഒരു സ്മോള് അടിച്ച് പിരിഞ്ഞത് ആ സിനിമയിലാണ്. അനന്തഭദ്രത്തിനും രാജമാണിക്യത്തിനും ശേഷം ഞാന് മദ്യം തൊട്ടിട്ടില്ല.
അക്കാലത്തും വെറും രണ്ട് പെഗ്ഗ് മാത്രമായിരുന്നു എന്റെ അളവ്. കേരളത്തിലെ ഒരു ബാറിലും ഞാന് പോകാറില്ല. ഞാൻ എന്റേതായ സ്പേസിൽ ചെറിയൊരു കോണിയാക്കും വാങ്ങി, ഞാൻ തന്നെ സോഡയും ഒഴിച്ച്, ടിവി കണ്ട് തനിയെ ഇരുന്നായിരുന്നു മദ്യപിച്ചിരുന്നത്. ഞാനും ഞാനും മാത്രം...’’മനോജ് കെ ജയന് പറയുന്നു. ഏകദേശം പതിനാറ് വർഷമായി ലഹരി പദാർത്ഥങ്ങളിൽ നിന്ന് പൂർണ്ണമായും വിട്ടുനിൽക്കുന്ന മനോജ് കെ. ജയന്റെ ഈ മാറ്റം മകള്ക്കു വേണ്ടിയാണെന്നുള്ളതാണ് ആരാധകരെയും ഏറെ സന്തോഷിപ്പിക്കുന്നത്. മുമ്പൊരിക്കല് അമൃത ടിവിയില് എംജി ശ്രീകുമാര് അവതാരകനായി എത്തിയ പരിപാടിയില് അതിഥിയായി എത്തിയപ്പോഴാണ് മനോജ് കെ ജയന് മനസ് തുറന്നത്.
മനോജ് കെ.ജയന്റെ ആദ്യഭാര്യയായ ഉര്വശിയില് ജനിച്ച മകളാണ് കുഞ്ഞാറ്റ എന്ന തേജലക്ഷ്മി. തന്റെ ലോകം അച്ഛനാണെന്ന് പലപ്പോഴും കുഞ്ഞാറ്റ തുറന്നു പറഞ്ഞിട്ടുണ്ട്. മനോജ് കെ. ജയന്റെ ജീവിതത്തിലും കുഞ്ഞാറ്റയോളം വലുതായി ഒന്നുമില്ലെന്നു തന്നെ പറയാം. അത്രയ്ക്കും വലിയൊരു ആത്മബന്ധമാണ് ഈ അച്ഛനും മകളും തമ്മിലുള്ളത്.
അച്ഛനും അമ്മയ്ക്കും പിന്നാലെ സിനിമയിൽ അരങ്ങേറ്റം കുറിക്കാനൊരുങ്ങുകയാണ് തേജലക്ഷ്മി. സുന്ദരിയായവൾ സ്റ്റെല്ല’ എന്ന ചിത്രത്തിലൂടെയാണ് തേജലക്ഷ്മി സിനിമാ ലോകത്തേക്കെത്തുന്നത്. സർജാനോ ഖാലിദാണ് ചിത്രത്തിലെ നായകൻ. നവാഗതനായ ബിനു പീറ്റർ രചനയും സംവിധാനവും നിർവഹിക്കുന്ന ചിത്രമാണിത്.
