തിരുവനന്തപുരം : സംസ്ഥാനത്ത് വീടുകളിലെ പ്രസവങ്ങള് ഉയരുന്നതായി ആരോഗ്യവകുപ്പിന്റെ് ഞെട്ടിക്കുന്ന കണക്കുകള് പുറത്ത് . കഴിഞ്ഞ ഏഴ് വര്ഷങ്ങളില് കേരളത്തില് 3,369 വിട്ട് പ്രസവങ്ങള് നടന്നതായാണ് വിവരാവകാശ രേഖകള് വ്യക്തമാകുന്നത് . ഹൈക്കോടതി അഭിഭാഷകന് അഡ്വ. കുളത്തൂര് ജയ്സിങ്ങിന് ആരോഗ്യവകുപ്പ് ഡയറക്ട്രേററ്റ് നല്കിയ മറുപടിയിലാണ് ഈ വിവരങ്ങളുളളത് .
സംസ്ഥാനത്ത് ഏറ്റവും കൂടുതല് വീട്ട് പ്രസവങ്ങള് നടക്കുന്നത് മലപ്പുറം ജില്ലയിലാണ്. 2019 മുതല് 2026 ജനുവരി വരെ മലപ്പുറത്ത് മാത്രം 1,681 വീട്ട് പ്രസവങ്ങള് നടന്നു. ഒരു വര്ഷത്തിനിടെ 50 കേസുകളാണ് ജില്ലയില് റിപ്പോര്ട്ട് ചെയ്തത് . ഇതില് ഏറ്റവും പുതിയ കണക്കനുസരിച്ച് 2026 ല് ജനുവരിയില് മാത്രം 14 പ്രസവങ്ങള് നടന്നു . ഇതില് മൂന്ന് നവജാത ശിശുമരണങ്ങള് റിപ്പോര്ട്ട് ചെയ്തു.
2024-25 കാലയളവില് 12 ശിശു മരണങ്ങളാണ് വീട്ടിലെ പ്രസവത്തെ തുടര്ന്ന് ഉണ്ടായത് . 2025 ജനുവരി മുതല് ഡിസംബര് വരെയുളളള കാലയാളവില് 2 പ്രസവ മരണങ്ങളും സംസ്ഥാനത്ത് റിപ്പോര്ട്ട് ചെയ്തിട്ടുണ്ട് . ഇടുക്കി (27), തിരുവനന്തപുരം (20), വയനാട് (17), എറണാകുളം (16) എന്നീ ജില്ലകളിലും കഴിഞ്ഞ ഒരു വര്ഷത്തിനിടെ കൂടുതല് വീട്ട് പ്രസവങ്ങള് റിപ്പോര്ട്ട് ചെയ്തിട്ടുണ്ട്.
സംസ്ഥാനത്തെ വീട്ട് പ്രസവങ്ങളുടെ എണ്ണത്തില് കഴിഞ്ഞ ഏതാനും വര്ഷങ്ങളായി ഉണ്ടായ മാറ്റം താഴെ പറയുന്ന പ്രകാരമാണ്:
2019-20: 467 പ്രസവങ്ങള്.
2020-21: 576 പ്രസവങ്ങള്.
2021-22: 586 പ്രസവങ്ങള്.
2022-23: 584 പ്രസവങ്ങള്.
2023-24: 520 പ്രസവങ്ങള്.
2024-25: 428 പ്രസവങ്ങള്.
2025 ജനുവരി - ഡിസംബര്: 188 പ്രസവങ്ങള്.
2026 ജനുവരി: 14 പ്രസവങ്ങള്. ആരോഗ്യ രംഗത്ത് കേരളം ലോകത്തിന് മാതൃകയാണെന്ന് സര്ക്കാര് അവകാശപ്പെടുമ്പോഴും ഈ വര്ദ്ധനവ് സംസ്ഥാനത്തെ ആശങ്കപ്പെടുത്തുന്നു .
