മലയാള സിനിമയിലെ കരുത്തുറ്റ സാന്നിധ്യമാണ് പാർവതി തിരുവോത്ത്. ശക്തമായ നിലപാട് കൊണ്ടും, അഭിനയ മികവ് കൊണ്ടും സിനിമ ഇൻഡസ്ട്രിയിൽ തന്റേതായ ഒരിടം കണ്ടെത്തിയ താരം 2006 ൽ പുറത്തിറങ്ങിയ ഔട്ട് ഓഫ് എന്ന ചിത്രത്തിലൂടെയാണ് തന്റെ സിനിമ ജീവിതം ആരംഭിച്ചത്. പിന്നീട് അന്യഭാഷകളിലടക്കം താരം തിളങ്ങി.
ഇപ്പോഴിതാ മുംബൈയിൽ നടന്ന ഇൻക അവാർഡ് റെഡ് കാർപറ്റിൽ തിളങ്ങുന്ന പാർവതി തിരുവോത്തിന്റെ ചിത്രങ്ങളാണ് സോഷ്യൽ മീഡിയയിൽ ട്രെൻഡിംഗാകുന്നത്. സ്ലീവ്ലെസ്സ് ഗൗണിലാണ് താരം തിളങ്ങുന്നത്. ഹെവി വർക്കുള്ള ഫ്ലോറൽ ഗൗണിൽ ഹോട്ട് ഗ്ലാമർ ലുക്കിലാണ് താരം. ഓഫ് വൈറ്റ് ഗൗണിൽ നിറഞ്ഞു നിൽക്കുന്ന ഫ്ലോറൽ വർക്കുകൾ പാർവതിയുടെ സൗന്ദര്യം ഇരട്ടിയാക്കുന്നുണ്ട്. സോഷ്യൽ മീഡിയയിൽ പങ്കിട്ട ചിത്രങ്ങൾ വളരെ വേഗത്തിൽ ആരാധകർ ഏറ്റെടുത്തു. ശരിക്കും ഒരു മാലാഖയെപ്പോലെ എന്നാണ് പലരും നൽകുന്ന കമന്റുകൾ.
ഏപ്രിൽ 16-ന് മുംബൈയിലെ നീതാ മുകേഷ് അംബാനി കൾച്ചറൽ സെന്ററിൽ നടന്ന ഈ ചടങ്ങ്, ഇന്ത്യൻ സിനിമയിലെ പ്രമുഖരെ ഒന്നിച്ചുകൂട്ടി. കരൺ ജോഹറും റാണ ദഗുബാട്ടിയുമായിരുന്നു പുരസ്കാര ചടങ്ങിന്റെ അവതാരകർ. കമൽഹാസൻ, രേഖ, ജാവേദ് അക്തർ, ഋഷബ് ഷെട്ടി, നാഗചൈതന്യ, ദുൽഖർ സൽമാൻ, നിവിൻ പോളി തുടങ്ങി നിരവധിപ്പേർ പങ്കെടുത്തു.
