അബ്ദുള്ള ഡോകാഡിയയും കുടുംബാംഗങ്ങളും മരിച്ചതിനെ തുടര്ന്ന് തണ്ണിമത്തന് കഴിക്കുന്നത് മരണത്തിന് കാരണമാകുമോ എന്നതിനെ കുറിച്ചുള്ള ചര്ച്ചകള് വ്യാപകമാകുകയാണ്. ഇതിനെക്കുറിച്ച് ഡോക്ടര്മാര് നല്കുന്ന വിശദീകരണം ഇങ്ങിനെ.
ന്യൂട്രീഷ്യനിസ്റ്റ് രൂപാലിദത്തയുടെ അഭിപ്രായത്തില് തണ്ണിമത്തന് വഴി ഭക്ഷ്യവിഷബാധയുണ്ടാകാന് സാധ്യതയുണ്ട്. ചില സാഹചര്യങ്ങളില് അത് മരണത്തിലേക്കും നയിച്ചേക്കാം. തണ്ണിമത്തനിലെ ഉയര്ന്ന ജലാംശവും പഞ്ചസാരയുടെ അളവും ബാക്ടീരിയകള്ക്ക് വേഗത്തില് വളരാന് അനുയോജ്യമായ സാഹചര്യം ഒരുക്കുമെന്നാണ് അവര് പറയുന്നത്.
മധുരം കൂട്ടാനായി തണ്ണിമത്തനില് പഞ്ചസാരലായനിയോ ഗ്ളൂക്കോസോ കുത്തിവെയ്ക്കുന്നതായി റിപ്പോര്ട്ടുകളുണ്ട്. ഇങ്ങിനെ ചെയ്യുന്നത് ബാക്ടീരിയകളുടെ വളര്ച്ച ഇരട്ടിയാക്കാന് കാരണമാകും. ഡയറ്റീഷ്യന് ഡോ. അര്ച്ചന ബത്രയുടെ അഭിപ്രായത്തില് സാല്മെണല്ല, ലിസ്റ്റീരിയോസിസ്, ഇ. കോളി തുടങ്ങിയ ബാക്ടീരിയകള് തണ്ണിമത്തനില് കലരുന്നത് അപകടകരമാണ്.
ഇവ മൂലം കഠിനമായ നിര്ജ്ജലീകരണവും രക്തത്തിലെ അണുബാധ, അല്ലെങ്കില് ആന്തരീക അവയവങ്ങളുടെ പ്രവര്ത്തനം തകരാറിലാക്കുക തുടങ്ങിയ പ്രശ്നങ്ങള് ഉണ്ടാകാം. കൃത്യസമയത്ത് ചികിത്സലഭിച്ചില്ലെങ്കില് അണുബാധ മാരകമായേക്കും.
