മലപ്പുറം: മലപ്പുറത്ത് ബന്ധുക്കളായ പെണ്കുട്ടികളുടേത് ഉള്പ്പടെയുള്ള ചിത്രങ്ങള് മോര്ഫ് ചെയ്ത് ടെലഗ്രാമില് വില്പ്പന നടത്തിയ കേസില് പ്രതി നിതിന് മോഹന്ദാസ് അറസ്റ്റില്. വള്ളിക്കുന്ന് അരിയല്ലൂര് സ്വദേശി നിതിന് മോഹന്ദാസിനെ പരപ്പനങ്ങാടി പോലീസ് ആണ് അറസ്റ്റ് ചെയ്തത്. സംഭവത്തില് കൂടുതല് ഡിജിറ്റല് തെളിവുകള് ശേഖരിക്കുകയാണ് പോലീസ്. ടെലഗ്രാമിനോടും വിവരങ്ങള് തേടിയിരുന്നു.
രാമനാട്ടുകര സ്വദേശിയുടെ പരാതിയിലാണ് അറസ്റ്റ്. പെണ്കുട്ടികളുടെ ഇന്സ്റ്റാഗ്രാം അക്കൗണ്ടില് കയറി ചിത്രങ്ങള് എടുത്തു മോര്ഫ് ചെയ്ത് വില്പ്പന നടത്തുന്നതാണ് പ്രതിയുടെ രീതി. അഞ്ച് വയസ് മുതലുള്ള കുട്ടികള് മുതല് 40 വയസ്സ് പ്രായമുള്ളവരുടെ ചിത്രങ്ങള് വരെ പ്രതി ദുരുപയോഗം ചെയ്തതായാണ് വിവരം. പണം വാങ്ങി വിവിധ ടെലഗ്രാം ഗ്രൂപ്പുകളിലൂടെ വിറ്റുവെന്നാണ് പരാതി. പ്രതി മൂന്ന് ടെലഗ്രാം ഗ്രൂപ്പുകള് രൂപീകരിച്ചാണ് ചിത്രങ്ങള് പ്രചരിപ്പിക്കുന്നത്. ടെലഗ്രാം അക്കൗണ്ട് രൂപീകരിച്ചിട്ട് 3 വര്ഷത്തോളമായി. ഇസ്റ്റഗ്രാം ഗ്രൂപ്പുകള് വഴിയും ചിത്രങ്ങള് പ്രചരിപ്പിച്ചിരുന്നു. 11 നമ്പറുകള് ഉപയോഗിച്ചാണ് അക്കൗണ്ടുകള് രൂപീകരിച്ചത്.
ഇന്സ്റ്റഗ്രാം പ്രൊഫൈലുകളില് നിന്ന് ഫോട്ടോ ഡൗണ്ലോഡ് ചെയ്താണ് മോര്ഫ് ചെയ്യുന്നതെന്നാണ് ആരോപണം. ചിത്രങ്ങള് മോര്ഫ് ചെയ്ത് അശ്ലീല കണ്ടന്റുകള് ഉള്പ്പെടുത്തിയാണ് പ്രചരിപ്പിക്കുന്നത്. ഫോട്ടോ വില്പനക്ക് പുറമെ എക്സ്ചേഞ്ചിങ്ങും നടക്കുന്നുന്നുണ്ടെന്നാണ് പരാതിയില് പറയുന്നത്. യുവാവ് പെണ്കുട്ടികള്ക്ക് വാട്സപ്പിലും ഇന്സ്റ്റഗ്രാമിലും ലൈംഗിക ചുവയോടുള്ള സന്ദേശങ്ങള് അയക്കുകയും, ഫോട്ടോകളും ദൃശ്യങ്ങളും പങ്കുവെക്കുകയും ചെയ്തതായാണ് യുവതികള് പറയുന്നത്.
