ബോളിവുഡ് താരറാണിമാരെ കടത്തിവെട്ടുന്ന താരസുന്ദരികൾ ഇന്ന് തെന്നിന്ത്യയി നിരവധിയാണ്, അക്കൂട്ടത്തില് പ്രധാനിയാണ് സമാന്ത റൂത്ത് പ്രഭു. വെള്ളിത്തിരയില് ശക്തമായ പ്രകടനങ്ങളും കഥാപാത്രങ്ങളും നല്കുക മാത്രമല്ല വ്യക്തി ജീവിതത്തിലെ പ്രതിസന്ധികളെയും സമ്മര്ദ്ദങ്ങളെയും പോരാടി തോല്പ്പിക്കുകയും ചെയ്ത താരം കൂടിയാണ് സമാന്ത. നാഗചൈതന്യയുമായുള്ള വിവാഹമോചനത്തിലൂടെയുണ്ടായ മാനസിക സമ്മര്ദ്ദവും പിന്നീട് വന്ന മയോസൈറ്റിസ് എന്ന രോഗത്തെയും സമാന്ത ആത്മധൈര്യത്തോടെ നേരിട്ടു.
ഇക്കഴിഞ്ഞ വര്ഷം സമാന്ത ചലച്ചിത്ര നിർമ്മാതാവ് രാജ് നിദിമോരുവിനെ വിവാഹം ചെയ്തു. ‘ദി ഫാമിലി മാൻ 2’, ‘സിറ്റാഡെൽ: ഹണി ബണ്ണി’ എന്നീ പ്രോജക്റ്റുകളിൽ ഒരുമിച്ച് പ്രവർത്തിച്ചപ്പോഴുണ്ടായ സൗഹൃദവും പരസ്പരമുള്ള മനസ്സിലാക്കലുമാണ് രാജിനെ സമാന്ത ജീവിതത്തിലേക്ക് കൂട്ടാനുള്ള കാരണം. സോഷ്യല് മീഡിയയിലും സജീവമാണ് താരം. തന്റെ പുതിയ വിശേഷങ്ങളും ഫോട്ടോഷൂട്ടുകളും താരം അതിലൂടെ പങ്കിടാറുണ്ട്.
ഇപ്പോഴിതാ ഗ്ലാമര് ഹോട്ട് ലുക്കിലുള്ള തന്റെ പുതിയ ചിത്രങ്ങള് പങ്കിടുകയാണ് താരം. ഐവറി അവന്റ് ഗാര്ഡ് ബ്രൈഡല് ഗൗണിലാണ് സമാന്ത ഹോട്ട് ലുക്കില് തിളങ്ങുന്നത്. ബീഡ്സ് വര്ക്കുള്ള സ്ലീവ്ലെസ് സ്കൂപ്പ് നെക്ക് ബോഡീസിനൊപ്പം ഹൈസ്ലിറ്റ് ഫ്ലോര് ലെംഗ്ത് ബോഡി ഫിറ്റിംഗ് ബീഡ്സ് സ്കര്ട്ടാണ് താരം ധരിച്ചിരിക്കുന്നത്. അള്ട്രാ ഗ്ലാമര് ലുക്കിലുള്ള താരത്തിന്റെ പുതിയ ചിത്രങ്ങള് ഏറ്റെടുക്കുകയാണ് ആരാധകര്. നിരവധി സഹതാരങ്ങളും സമാന്തയുടെ ഹോട്ട് ലുക്കിനെ പ്രശംസിച്ച് കമന്റുകള് കുറിക്കുന്നുണ്ട്. ‘വൗ....അതിശയിപ്പിക്കുന്നതിനേക്കാള് സുന്ദര’മെന്ന് തമന്ന ഭാട്ടിയയും, സ്റ്റണ്ണിംഗ് എന്ന് ഭൂമി പെഡ്നേക്കറും, ഹാര്ട്ട് ഇമോജി നല്കി അമല പോളും കമന്റ് ബോക്സില് എത്തി.
