തിരുവനന്തപുരം: ഏറെ കാത്തിരുന്ന ശേഷം ഇന്നലെ പുതിയ വി.ഡി.എസ് സര്ക്കാര് അധികാരമേറ്റ സത്യപ്രതിജ്ഞാ ചടങ്ങ് 'വന്ദേമാതര' ത്തിന്റെ പേരില് വിവാദമാകുന്നു. ചടങ്ങില് ദേശീയ ഗീതം ആലപിച്ചതില് സമ്പൂര്ണ്ണമായി ആലപിച്ചതാണ് വിവാദമായിരിക്കുന്നത്. സിപിഐഎം എംഎല്എ മുഹമ്മദ് റിയാസും പിന്നാലെ എസ്എഫ്ഐയും ഗുരുതര ആരോപണരവുമായി രംഗത്ത് വന്നു.
വന്ദേമാതരം ചടങ്ങില് ആലപിച്ചതിലൂടെ കോണ്ഗ്രസ് സംഘപരിവാര് അജണ്ഡയാണ് നടപ്പാക്കുന്നത് എന്നാണ് ആരോപിച്ചിരിക്കുന്നത്. സത്യപ്രതിജ്ഞ പോലൊരു ചടങ്ങില് മുഴുവന് ആലപിച്ചത് എന്തിനാണെന്നത് സംശയത്തിന് ഇടയാക്കുന്നു എന്നാണ് മുഹമ്മദ് റിയാസ് പറഞ്ഞിരിക്കുന്നത്. വന്ദേമാതരത്തിലെ ഹിന്ദുദൈവങ്ങളുടെ പേര് പറഞ്ഞുള്ള വരികള് മതേതരത്വത്തിന് പുറത്ത് നില്ക്കുന്നു എന്നാണ് ആക്ഷേപം. സാധാരണ വന്ദേമാതരത്തിന്റെ ആദ്യ രണ്ടുചരണങ്ങള് മാത്രമാണ് ദേശീയഗാനത്തിന്റെ പ്രാധാന്യത്തോടെ കോണ്ഗ്രസ് അംഗീകരിച്ചിരുന്നത്. പൂര്ണരൂപത്തി ലുള്ള ആലാപനത്തെ ഇടതുപക്ഷ പാര്ട്ടികളും എതിര്ത്താണ് നില്ക്കുന്നത്.
കഴിഞ്ഞ സര്ക്കാരിന്റെ കാര്യത്തില് ഭാരതാംബയുടെ ചിത്രത്തിന്റെ കാര്യത്തില് എല്ഡിഎഫ് സര്ക്കാരും ഗവര്ണറും തമ്മിലുള്ള പോര് വലിയ വിവാദമായിരുന്നു. ഇതില് ഗവര്ണര്ക്കെതിരേയുള്ള നിലപാടാണ് നിലവിലെ മുഖ്യമന്ത്രി വി.ഡി. സതീശനും എടുത്തിരുന്നത്്. എന്നാല് ഇപ്പോള് ആര്എസ്എസ് അജണ്ഡ നടപ്പാക്കുന്നു എന്നാണ് എസ്എഫ്ഐയുടേയും വിമര്ശനം. ഹിന്ദുദേവതകളുടെ പേര് അതേപടി പരാമര്ശിക്കുന്ന പാട്ട് സെക്കുലര് വേദിയില് ആലപിക്കാന് കഴിയുമോ എന്നാണ് ചോദിക്കുന്നത്. അതേസമയം വന്ദേമാതരത്തിന്റെ ഏതുഭാഗമാണ് സിപിഐഎമ്മിനെ അലോസരപ്പെടുത്തുന്നതെന്ന് വ്യക്തമാക്കാന് ബിജെപി എംഎല്എ വി. മുരളീധരനും ആവശ്യപ്പെട്ടു.
നേരത്തേ ദേശീയഗീതമായ വന്ദേമാതരം പൂര്ണമായി ആലപിച്ചത് തമിഴ്നാട്ടില് വിജയ് സര്ക്കാരിന്റെ സത്യപ്രതിജ്ഞയ്ക്കും വിവാദമുണ്ടാക്കി. അതേസമയം വന്ദേമാതരം രാഷ്ട്രപതി, ഉപരാഷ്ട്രപതി, ഗവര്ണര് തുടങ്ങിയവര് പങ്കെടുക്കുന്ന ചടങ്ങുകളിലും ഔദ്യോഗികപരിപാടികളിലും ആറുചരണങ്ങളോടെ പൂര്ണരൂപത്തില് ആലപിക്കണമെന്നാണ് കേന്ദ്രസര്ക്കാര് ഉത്തരവ്. വന്ദേമാതരത്തിന്റെ 150-ാം വാര്ഷികത്തോടനുബന്ധിച്ച് പൂര്ണരൂപം ദേശീയഗാനത്തിനുമുന്പ് ആലപിക്കാനും ആ സമയം എല്ലാവരും എഴുന്നേറ്റുനില്ക്കണമെന്നും കേന്ദ്ര ആഭ്യന്തരമന്ത്രാലയത്തിന്റെ ഉത്തരവ്. കോണ്ഗ്രസ് നയിക്കുന്ന യു.ഡി.എഫ്. സര്ക്കാരിന്റെ സത്യപ്രതിജ്ഞാച്ചടങ്ങില് ഇടതുനേതാക്കളുടെയും സാന്നിധ്യത്തില് കേന്ദ്രസര്ക്കാരിന്റെ ഉത്തരവനുസരിച്ച് ദേശീയഗീതം ആലപിക്കാന് സംസ്ഥാനവും നിര്ബന്ധിതമായി.
സത്യപ്രതിജ്ഞാച്ചടങ്ങില് വന്ദേമാതരം മുഴുവനായും ആലപിച്ചതില് ആശങ്കരേഖപ്പെടുത്തി സി.പി.എം. സംസ്ഥാന സെക്രട്ടേറിയറ്റ് അംഗവും മുന് മന്ത്രിയുമായ പി.എ. മുഹമ്മദ് റിയാസ് ഫേസ്ബുക്കില് കുറിപ്പിട്ടിരുന്നു. സുപ്രീംകോടതിയുടെ നിരീക്ഷണപ്രകാരം, വന്ദേമാതരം ആലപിക്കണമെന്ന കേന്ദ്രസര്ക്കാര് നിര്ദേശം സംസ്ഥാനങ്ങള്ക്ക് 'അഡൈ്വസറി' മാത്രമാണ്. അത് നിര്ബന്ധമല്ലെന്നും അനുസരിക്കാത്തതിന് ഒരു ശിക്ഷാനടപടിയുമില്ലെന്നും വ്യക്തമാക്കിയിട്ടുമുണ്ട്. ചടങ്ങില് ലോക്ഭവന്റെ ഭാഗത്തുനിന്നുവന്ന പല നിര്ദേശങ്ങളും തിരുത്താന് കാണിച്ച ഇടപെടല് വന്ദേമാതരത്തിന്റെ വിഷയത്തില് ഉണ്ടാവണമായിരുന്നു' എന്നാണ് കുറിപ്പ്.
