ചെങ്ങന്നൂർ: പമ്പ നദിയിൽ കുളിക്കാനിറങ്ങിയ എൻജിനീയറിങ് കോളജ് വിദ്യാർഥി ഒഴുക്കിൽപ്പെട്ടു. വിദ്യാർഥിയുടെ മൃതദേഹം കണ്ടെത്തി. ചെങ്ങന്നൂർ ഐഎച്ച്ആർഡി എൻജിനീയറിങ് കോളജ് രണ്ടാം വർഷ വിദ്യാർഥി മണിമല സ്വദേശി ജോയൽ (20) ആണ് മരിച്ചത്.
വെള്ളിയാഴ്ച വൈകിട്ട് 6 മണിയോടെ പമ്പ നദിയിൽ മംഗലം പാറക്കടവിൽ മൂന്നു സുഹൃത്തുക്കളോടൊപ്പം കുളിക്കാനിറങ്ങിയ ജോയൽ നീന്തുന്നതിനിടയിൽ ഒഴുക്കിൽപ്പെടുകയായിരുന്നു. കാണാതായ സ്ഥലത്ത് നിന്ന് 50 മീറ്റർ അകലെയാണ് ഇന്നു രാവിലെ നദിയിൽ മൃതദേഹം കണ്ടെത്തിയത്.
