കൊച്ചി: തിരക്കഥയിലെ വരികൾക്കപ്പുറം സ്വന്തം കൈയൊപ്പ് ചാർത്തിയ കോമഡി നമ്പറുകളിലൂടെ പതിറ്റാണ്ടുകളോളം മലയാളികളെ ചിരിപ്പിക്കുകയും ചിന്തിപ്പിക്കുകയും ചെയ്ത ജനപ്രിയ നടൻ സലിംകുമാർ ഇനി ഓർമ്മ. സിനിമയും രാഷ്ട്രീയവും രോഗപീഡകളുമില്ലാത്ത ലോകത്തേക്ക് അദ്ദേഹം യാത്രയായി.
പെറ്റമ്മ കൗസല്യയുടെ സരസമായ ഭാഷണശൈലിയാണ് തനിക്ക് തമാശകൾ പറയാനുള്ള ഏറ്റവും വലിയ പ്രചോദനമെന്ന് സലിംകുമാർ പലപ്പോഴും ഓർത്തെടുത്തിട്ടുണ്ട്. അതേസമയം, കടുത്ത ആരോഗ്യപ്രതിസന്ധികളിൽ നിന്ന് തന്നെ ജീവിതത്തിലേക്ക് മടക്കിക്കൊണ്ടുവന്നത് മാതാ അമൃതാനന്ദമയി ആണെന്നും അദ്ദേഹം തുറന്നുപറഞ്ഞിരുന്നു.
അമൃതാനന്ദമയിയുമായുള്ള ആത്മബന്ധത്തെക്കുറിച്ച് തന്റെ സ്വതസിദ്ധമായ ഹാസ്യശൈലിയിൽ അദ്ദേഹം പറഞ്ഞ വാക്കുകൾ ഏറെ ശ്രദ്ധേയമായിരുന്നു:"എന്റെ ഡീസൽ തീരുമ്പോഴാണ് ഓരോ തവണയും ഞാൻ അമ്മയെ കാണാൻ വരുന്നത്. മാനസികമായ വ്യഥ അനുഭവിക്കുന്ന സമയത്ത് അമ്മയെ കണ്ട് ഡീസലടിച്ച് മടങ്ങും. അമ്മ എവിടെയായിരുന്നാലും പോയിക്കണ്ട് നിറഞ്ഞ മനസ്സോടെയാണ് തിരികെ വരാറുള്ളത്. ഈ നിൽക്കുന്ന സലിംകുമാർ ഇങ്ങനെ ഞെളിഞ്ഞ് നിന്ന് സംസാരിക്കാൻ ഒരേയൊരു കാരണക്കാരിയേയുള്ളൂ, അത് അമ്മയാണ്."
കൊച്ചിയിലെ അമൃത ആശുപത്രിയിൽ വെച്ചായിരുന്നു അദ്ദേഹം കരൾ മാറ്റിവെക്കൽ ശസ്ത്രക്രിയയ്ക്ക് വിധേയനായത്. ആ ചികിത്സാകാലത്താണ് അമൃതാനന്ദമയിയെ അടുത്തറിയാനും സംസാരിക്കാനും സാധിച്ചതെന്നും ഇരുട്ടിൽ നിന്ന് തന്റെ കുടുംബത്തെ വെളിച്ചത്തിലേക്ക് നയിച്ചത് അവരാണെന്നും അദ്ദേഹം വിശ്വസിച്ചിരുന്നു. മരണം വരെ അമ്മയുടെ മകനായി ജീവിക്കണമെന്ന അദ്ദേഹത്തിന്റെ ആഗ്രഹം ഒടുവിൽ അറംപറ്റിയതുപോലെയായി.
നേരത്തെ കടുത്ത കരൾ രോഗബാധിതനായപ്പോൾ, അത് അമിതമായ മദ്യപാനം മൂലമാണെന്ന് പലരും തെറ്റായ പ്രചാരണങ്ങൾ നടത്തിയിരുന്നു. എന്നാൽ തനിക്കുണ്ടായത് മദ്യപാനം മൂലമുള്ള ലിവർ സിറോസിസ് അല്ലെന്നും പാരമ്പര്യമായി ലഭിച്ച രോഗമാണെന്നും അദ്ദേഹം പച്ചയായി തുറന്നുപറഞ്ഞു. ഒരു ചായ പോലും കുടിക്കാത്ത തന്റെ സഹോദരനും ഇതേ അസുഖമായിരുന്നു എന്ന വസ്തുത ചൂണ്ടിക്കാട്ടിയാണ് അന്ന് അദ്ദേഹം വിമർശകരുടെ വായടപ്പിച്ചത്.
വെള്ളിത്തിരയിൽ ചിരിയുടെ മാലപ്പടക്കം തീർക്കുമ്പോഴും, യഥാർത്ഥ ജീവിതത്തിൽ ശരികളും തെറ്റുകളും തുറന്നുപറയാൻ മടിക്കാത്ത പച്ചയായ ഒരു മനുഷ്യനായിരുന്നു സലിംകുമാർ. സിനിമയ്ക്കൊപ്പം തന്നെ, തനിക്ക് വ്യക്തമായ രാഷ്ട്രീയപക്ഷമുണ്ടെന്ന് ഭയമില്ലാതെ വിളിച്ചുപറഞ്ഞ നിലപാടുകളുള്ള ആ കലാകാരന്റെ വിയോഗം മലയാള ചലച്ചിത്ര ലോകത്തിനും ആരാധകർക്കും നികത്താനാവാത്ത നഷ്ടമാണ്.
പെറ്റമ്മ കൗസല്യയുടെ സരസമായ ഭാഷണശൈലിയാണ് തനിക്ക് തമാശകൾ പറയാനുള്ള ഏറ്റവും വലിയ പ്രചോദനമെന്ന് സലിംകുമാർ പലപ്പോഴും ഓർത്തെടുത്തിട്ടുണ്ട്. അതേസമയം, കടുത്ത ആരോഗ്യപ്രതിസന്ധികളിൽ നിന്ന് തന്നെ ജീവിതത്തിലേക്ക് മടക്കിക്കൊണ്ടുവന്നത് മാതാ അമൃതാനന്ദമയി ആണെന്നും അദ്ദേഹം തുറന്നുപറഞ്ഞിരുന്നു.
അമൃതാനന്ദമയിയുമായുള്ള ആത്മബന്ധത്തെക്കുറിച്ച് തന്റെ സ്വതസിദ്ധമായ ഹാസ്യശൈലിയിൽ അദ്ദേഹം പറഞ്ഞ വാക്കുകൾ ഏറെ ശ്രദ്ധേയമായിരുന്നു:"എന്റെ ഡീസൽ തീരുമ്പോഴാണ് ഓരോ തവണയും ഞാൻ അമ്മയെ കാണാൻ വരുന്നത്. മാനസികമായ വ്യഥ അനുഭവിക്കുന്ന സമയത്ത് അമ്മയെ കണ്ട് ഡീസലടിച്ച് മടങ്ങും. അമ്മ എവിടെയായിരുന്നാലും പോയിക്കണ്ട് നിറഞ്ഞ മനസ്സോടെയാണ് തിരികെ വരാറുള്ളത്. ഈ നിൽക്കുന്ന സലിംകുമാർ ഇങ്ങനെ ഞെളിഞ്ഞ് നിന്ന് സംസാരിക്കാൻ ഒരേയൊരു കാരണക്കാരിയേയുള്ളൂ, അത് അമ്മയാണ്."
കൊച്ചിയിലെ അമൃത ആശുപത്രിയിൽ വെച്ചായിരുന്നു അദ്ദേഹം കരൾ മാറ്റിവെക്കൽ ശസ്ത്രക്രിയയ്ക്ക് വിധേയനായത്. ആ ചികിത്സാകാലത്താണ് അമൃതാനന്ദമയിയെ അടുത്തറിയാനും സംസാരിക്കാനും സാധിച്ചതെന്നും ഇരുട്ടിൽ നിന്ന് തന്റെ കുടുംബത്തെ വെളിച്ചത്തിലേക്ക് നയിച്ചത് അവരാണെന്നും അദ്ദേഹം വിശ്വസിച്ചിരുന്നു. മരണം വരെ അമ്മയുടെ മകനായി ജീവിക്കണമെന്ന അദ്ദേഹത്തിന്റെ ആഗ്രഹം ഒടുവിൽ അറംപറ്റിയതുപോലെയായി.
നേരത്തെ കടുത്ത കരൾ രോഗബാധിതനായപ്പോൾ, അത് അമിതമായ മദ്യപാനം മൂലമാണെന്ന് പലരും തെറ്റായ പ്രചാരണങ്ങൾ നടത്തിയിരുന്നു. എന്നാൽ തനിക്കുണ്ടായത് മദ്യപാനം മൂലമുള്ള ലിവർ സിറോസിസ് അല്ലെന്നും പാരമ്പര്യമായി ലഭിച്ച രോഗമാണെന്നും അദ്ദേഹം പച്ചയായി തുറന്നുപറഞ്ഞു. ഒരു ചായ പോലും കുടിക്കാത്ത തന്റെ സഹോദരനും ഇതേ അസുഖമായിരുന്നു എന്ന വസ്തുത ചൂണ്ടിക്കാട്ടിയാണ് അന്ന് അദ്ദേഹം വിമർശകരുടെ വായടപ്പിച്ചത്.
വെള്ളിത്തിരയിൽ ചിരിയുടെ മാലപ്പടക്കം തീർക്കുമ്പോഴും, യഥാർത്ഥ ജീവിതത്തിൽ ശരികളും തെറ്റുകളും തുറന്നുപറയാൻ മടിക്കാത്ത പച്ചയായ ഒരു മനുഷ്യനായിരുന്നു സലിംകുമാർ. സിനിമയ്ക്കൊപ്പം തന്നെ, തനിക്ക് വ്യക്തമായ രാഷ്ട്രീയപക്ഷമുണ്ടെന്ന് ഭയമില്ലാതെ വിളിച്ചുപറഞ്ഞ നിലപാടുകളുള്ള ആ കലാകാരന്റെ വിയോഗം മലയാള ചലച്ചിത്ര ലോകത്തിനും ആരാധകർക്കും നികത്താനാവാത്ത നഷ്ടമാണ്.
Comments