തമിഴ്നാട് മുഖ്യമന്ത്രി സി. ജോസഫ് വിജയ്ക്കൊപ്പമുളള കൂടിക്കാഴ്ചയുടെ ചിത്രം പങ്കുവച്ച് നടി സിമ്രാന്. കുടുംബത്തോടൊപ്പമാണ് സിമ്രാന് വിജയ്യെ സന്ദര്ശിച്ചത്. വര്ഷങ്ങള്ക്ക് ശേഷം വിജയ്യെ നേരിട്ട് കാണാന് കഴിഞ്ഞതിന്റെ സന്തോഷം പങ്കുവച്ച സിമ്രാന് അദ്ദേഹത്തിന് ആശംസകളും നേര്ന്നു. സിമ്രാന്റെ ഭര്ത്താവ് ദീപക് ബഗ്ഗ, മക്കളായ അദീപ് ബഗ്ഗ, ആദിത് ബഗ്ഗ എന്നിവരെയും ചിത്രങ്ങളില് കാണാം.
'' ഒരുമിച്ച് സ്ക്രീന് പങ്കിട്ടതിന് വര്ഷങ്ങള്ക്ക് ശേഷം എന്റെ കുടുംബത്തോടൊപ്പം ബഹു ശ്രീ വിജയ് അവര്കളെ നേരില് കാണാന് സാധിച്ചതില് വലിയ സന്തോഷമുണ്ട്. അനേകം ആളുകള്ക്ക് അദ്ദേഹത്തെ പ്രിയങ്കരനാക്കി മാറ്റിയ ആ ഊഷ്മളതയും വിനയവും ആത്മാര്ത്ഥതയും ഇന്നും അതുപോലെ തന്നെയുണ്ട്. നമ്മുടെ സംസ്ഥാനത്തിന്റെ പുരോഗതിക്കായുള്ള അദ്ദേഹത്തിന്റെ അഭിനിവേശവും കാഴ്ചപ്പാടും പ്രചോദനാത്മകമാണ്. തമിഴ്നാടിനെ മുന്നോട്ട് നയിക്കുന്ന അദ്ദേഹത്തിന് എന്റെ എല്ലാവിധ ആശംസകളും നേരുന്നു'', ചിത്രങ്ങള്ക്കൊപ്പം സിമ്രാന് കുറിച്ചു. സിമ്രാന്റെ പോസ്റ്റിന് താഴെ നിരവധി ആരാധകരാണ് സ്നേഹം അറിയിച്ച് എത്തുന്നത്.
തമിഴ് സിനിമയിലെ ഒരുകാലത്തെ ഹിറ്റ് ജോഡികളായിരുന്നു വിജയ്യും സിമ്രാനും. ഇരുവരും ഒരുമിച്ചെത്തിയ ' പ്രിയമാനവളെ' , ' തുളളാത മനവും തുളളും' തുടങ്ങിയ ചിത്രങ്ങളെല്ലാം വലിയ വിജയമായിരുന്നു.
