മലയാളികള്ക്ക് ഏറെ പ്രിയപ്പെട്ട സംവിധായകനാണ് പ്രിയദര്ശന്. മോഹന്ലാല്- പ്രിയദര്ശന് കൂട്ടുകെട്ടില് പിറന്ന ചിത്രങ്ങളെല്ലാം തന്നെ വലിയ ഹിറ്റുകളായിരുന്നു. എന്നാല് തന് വിജയിക്കുമെന്ന് കരുതിയ ചില ചിത്രങ്ങള് പരാജയപ്പെട്ടുവെന്നും അതേസമയം തനിക്ക് ആത്മവിശ്വാസം ഇല്ലാതിരുന്ന സിനിമകള് വലിയ വിജയമായി മാറിയെന്നും തുറന്നു പറയുകയാണ് പ്രിയദര്ശന്. ക്യു സ്റ്റുഡിയോയുടെ ടോക്ക് ഷോയില് സംസാരിക്കുകയായിരുന്നു അദ്ദേഹം.
ഞാന് ഒരു സിനിമയും പ്ലാന് ചെയ്യാറില്ല അതെല്ലാം സംഭവിക്കുന്നതാണ്. അത് റീമേക്ക് ആണോന്നോ ഒറിജിനല് ആണെന്നോ ആലോചിക്കാറില്ല. ഇഷ്ടപ്പെടുന്ന ഒരു കഥ ചെയ്യുന്നു എന്ന് മാത്രം. എനിക്ക് ഏറ്റവും കൂടുതല് കോണ്ഫിഡന്റ് ആയ മിഥുനം, മുകുന്ദേട്ടാ സുമിത്ര വിളിക്കുന്നു പോലെയുള്ള സിനിമകള് ഓടിയിട്ടില്ല. പക്ഷേ ഏറ്റവും സംശയിച്ചെടുത്ത സിനിമയാണ് തേന്മാവിന് കൊമ്പത്ത്, അത് വര്ക്കായി. അപ്പോള് സിനിമയില് എന്ത് വര്ക്ക് ആകും ഇല്ലെന്ന് എനിക്ക് ഇന്നും അറിയില്ല', പ്രിയദര്ശന്റെ വാക്കുകള്.
മരക്കാര് അറബിക്കടലിന്റെ സിംഹം ആണ് മോഹന്ലാല്-പ്രിയദര്ശന് കൂട്ടുകെട്ടില് പുറത്തുവന്ന അവസാന ചിത്രം. അതേസമയം തന്റെ 100ാമത്തെ സിനിമ മോഹന്ലാലിനൊപ്പം ചെയ്യാനുളള ഒരുക്കത്തിലാണ് പ്രിയദര്ശന് ഇപ്പോള്.
ഭൂത് ബംഗ്ലാ ആണ് അവസാനം പുറത്തുവന്ന പ്രിയദര്ശന് ചിത്രം. അക്ഷയ് കുമാര് ആണ് സിനിമയിലെ നായകന്. ചിത്രം അക്ഷയ് കുമാര്, ശോഭ കപൂര്, ഏക്ത കപൂര് എന്നിവര് ചേര്ന്നാണ് നിര്മിച്ചത്.
