പത്തനംതിട്ട: സസ്പെഷന് നടപടി ഔദ്യോഗികമായി അറിയിക്കുമ്പോള് അടുത്ത ഘട്ടം ആലോചിക്കുമെന്ന നിലപാടില് മുന് ദേവസം ബോര്ഡ് പ്രസിഡന്റും സി.പി.എം. നേതാവുമായിരുന്ന എ. പത്മകുമാര്. ഇക്കാര്യത്തില് പാര്ട്ടിയില് തന്നെ അനുകൂലിക്കുന്ന മുതിര്ന്ന നേതാക്കളുമായി അദ്ദേഹം ആശയവിനിമയം നടത്തിയതായും സൂചന.
പാര്ട്ടി നടപടി മാധ്യമങ്ങളില് കൂടിയാണ് അറിഞ്ഞത്. നടപടിക്ക് പാര്ട്ടിയുടേതായ നടപടിക്രമങ്ങളുണ്ടെന്നും അദ്ദേഹം നേരത്തെ പറഞ്ഞിരുന്നു. കഴിഞ്ഞ ദിവസം ചേര്ന്ന ജില്ലാ കമ്മറ്റിയില് സംസ്ഥാന നേതൃത്വം തയാറാക്കിയ തിരക്കഥ അവതരിപ്പിക്കുകയായിരുന്നു. പുറത്താക്കലിനായി കാത്തുനിന്നവര്ക്ക് സസ്പെന്ഷന് കൊണ്ട് അതോടെ തൃപ്തിയടയേണ്ടി വന്നു. ആത്മകഥ എഴുതുന്നതില് ഭയമില്ലെന്നു പറയുന്നവരിലേക്ക് പായാവുന്ന അമ്പുകള് പത്മകുമാറിന്റെ കൈവശം ഉണ്ടെന്നാണ് ഇതെല്ലാം സൂചിപ്പിക്കുന്നത്.
യുവതീപ്രവേശ വിഷയത്തില് തന്നെ ചതിക്കുകയായിരുന്നെന്ന് പത്മകുമാര് പറയുന്നത് ഇതിന്റെ ഭാഗമാണ്. അക്കാലത്ത് അന്നത്തെ മുഖ്യമന്ത്രിയുടെ ഓഫീസിലിലുണ്ടായിരുന്ന ഉന്നതനിലേക്ക് പലരും വിരല് ചൂണ്ടുന്നു. ദേവസ്വം ബോര്ഡ് പ്രസിഡന്റായിരിക്കെ ആരില് നിന്നെല്ലാം നിര്ദേശം വന്നെന്നും അതില് ഉന്നതന്റെ പങ്ക് തെളിയിക്കാന് കഴിയുന്ന വസ്തുതകള് ഉണ്ടെന്നുമാണ് പത്മകുമാറിന്റെ വാദം.
സ്വര്ണക്കൊള്ള വിവാദത്തിലും ഇത് തന്നെയാണ് സംഭവിച്ചത്. ദേവസം ബോര്ഡ് മിനിട്സ് തിരുത്തിയതുവരെ ഇതിന്റെ ഭാഗമായാണെന്നും അദ്ദേഹം പലരോടും പറഞ്ഞിട്ടുണ്ട്. ഇതെല്ലം രേഖ ആകുമ്പോള് മാത്രമേ വസ്തുത അറിയാന് കഴിയൂ. ഇതിനിടെ, ആത്മകഥ തയാറാക്കാന് മുന്നിരയിലുള്ള പ്രസാധകരടക്കം പലരും പത്മകുമാറിനെ സമീപിച്ചിട്ടുണ്ട്.
എക്കാലത്തും പിണറായി വിജയന് ഒപ്പം നിന്ന നേതാവായിരുന്നു എ. പത്മകുമാര്. വി.എസ് അച്യുതാനന്ദന്റെ തട്ടകമായിരുന്ന പത്തനംതിട്ടയെ മറുപക്ഷത്തേക്ക് എത്തിച്ചതിലും അദ്ദേഹത്തിനു പങ്കുണ്ട്. ഇതിന്റെയെല്ലാം പ്രത്യുപകാരമായിരുന്നു എല്.ഡി എഫ്. അധികാരത്തില് വന്നപ്പോള് ആദ്യം സഹകരണ ഗ്യാരണ്ടി ബോര്ഡ് ചെയര്മാന് പദവിയും പിന്നീട് ദേവസം ബോര്ഡ് പ്രസിഡന്റ് സ്ഥാനവും. എന്നാല്, യുവതീപ്രവേശ വിഷയത്തില് സംസ്ഥാന നേതൃത്വവുമായി അകലുകയും ഭക്തരുടെ നിലപാടിനൊപ്പം നില്ക്കുകയും ചെയ്തതോടെ വിള്ളലുണ്ടായി.
രണ്ടാം വട്ടവും പ്രസിഡന്റ് സ്ഥാനം അദ്ദേഹം പ്രതീക്ഷിച്ചിരുന്നു. പക്ഷേ, തന്റെ കീഴില് ജോലി ചെയ്തിരുന്ന ആളെ പ്രസിഡന്റ് ആക്കി. അക്കാലത്ത് അദ്ദേഹം തന്റെ അനിഷ്ടം അടുപ്പക്കാരോട് തുറന്ന് പറഞ്ഞിരുന്നു. ഇതിനു പിന്നിലും ഉന്നതന്റെ പങ്ക് അദ്ദേഹം വെളിപ്പെടുത്തി.ടക്കുന്നുണ്ടെന്നുമാണ് ടിനിയുടെ ആരോപണം.
