തമിഴ്നാട് മുഖ്യമന്ത്രി സി. ജോസഫ് വിജയ് യുമായുള്ള കൂടിക്കാഴ്ചയ്ക്ക് പിന്നാലെ ഹൃദയം തൊടുന്ന കുറിപ്പുമായി നടി രമ്യ സുബ്രഹ്മണ്യൻ. ജീവിതവും പദവികളും ചരിത്രവുമെല്ലാം മാറിയിട്ടും വിജയ് എന്ന വ്യക്തിക്ക് യാതൊരു മാറ്റവും വന്നിട്ടില്ലെന്നും, അത് തന്നെയാണ് അദ്ദേഹത്തിന്റെ ഏറ്റവും വലിയ കരുത്തെന്നുമാണ് വിജയ്ക്കൊപ്പമുള്ള ചിത്രം പങ്കുവെച്ചുകൊണ്ട് രമ്യ സോഷ്യൽ മീഡിയയിൽ കുറിച്ചത്. മുഖ്യമന്ത്രിയായി 40 ദിവസങ്ങൾ പൂർത്തിയാക്കിയ വിജയ് യെ അഭിനന്ദിച്ച താരം, വൈകിയ വേളയിൽ അദ്ദേഹത്തിന് ജന്മദിനാശംസകൾ നേരുകയും ചെയ്തു.
"ആറു മാസം മുമ്പ് മലേഷ്യയിൽ വെച്ച് അദ്ദേഹത്തിന്റെ വിടവാങ്ങൽ ചിത്രത്തിന്റെ പരിപാടി ഞാൻ അവതരിപ്പിച്ചു. കഴിഞ്ഞ ദിവസം വൈകുന്നേരം ഞാൻ നമ്മുടെ മുഖ്യമന്ത്രിയെ കണ്ടു. പദവികളും ജീവിതവും ചരിത്രവും എല്ലാം മാറി, പക്ഷേ അദ്ദേഹം മാറിയിട്ടില്ല. ഒരുപക്ഷേ അത് തന്നെയാണ് അദ്ദേഹത്തിന്റെ ഏറ്റവും വലിയ കരുത്തും.
കഴിഞ്ഞ രണ്ട് പതിറ്റാണ്ടോളമായി ഈ പ്രതിഭാസത്തെ എനിക്കറിയാം. എനിക്ക് എപ്പോഴും ഒരൊറ്റ കാര്യമേ തോന്നിയിട്ടുള്ളൂ, ഞാൻ കണ്ടുമുട്ടിയ മറ്റാരെപ്പോലെയുമല്ല അദ്ദേഹം. അദ്ദേഹത്തിന്റെ താരപദവി കൊണ്ടല്ല അത്, മറിച്ച് എങ്ങനെയാണെന്നറിയില്ല, അദ്ദേഹം ഏതൊരു മുറിയിലായിരിക്കുമ്പോഴും അവിടെയുള്ള മറ്റുള്ളവർക്ക് തന്നെക്കാൾ പ്രാധാന്യമുണ്ടെന്ന് തോന്നിപ്പിക്കാൻ അദ്ദേഹത്തിന് കഴിയുന്നു എന്നത് കൊണ്ടാണ്.
അദ്ദേഹം കാര്യങ്ങൾ ഓർത്തുവെക്കുന്നു, ശ്രദ്ധിച്ചു കേൾക്കുന്നു, കരുതൽ കാണിക്കുന്നു. നമ്മളെക്കുറിച്ച് അന്വേഷിക്കുകയും നമുക്ക് പ്രത്യാശ നൽകുകയും ചെയ്യുന്നു. സൗമ്യതയ്ക്ക് എപ്പോഴും വില കൽപ്പിക്കാത്ത ഒരു ലോകത്തിലെ യഥാർത്ഥ മാന്യനാണ് അദ്ദേഹം.
ഇന്ന് മുഖ്യമന്ത്രിയായിരിക്കുമ്പോൾ പോലും ഞങ്ങളുടെ ആ വൈബ് പഴയതുപോലെ തന്നെയായിരുന്നു. അതേ ചിരികൾ, അതേ കംഫർട്ട്, അതേ സ്നേഹം. അല്പം വൈകിയാണെങ്കിലും ഹൃദയം നിറഞ്ഞ സ്നേഹത്തോടും നന്ദിയോടും പ്രാർത്ഥനകളോടും കൂടി... ജന്മദിനാശംസകൾ, എന്റെ പ്രിയപ്പെട്ട മുഖ്യമന്ത്രി സി. ജോസഫ് വിജയ്!
ഒപ്പം തമിഴ്നാടിനെ നയിച്ചുകൊണ്ട് 40 ദിവസങ്ങൾ പൂർത്തിയാക്കിയതിന് അഭിനന്ദനങ്ങൾ. നിങ്ങൾ എപ്പോഴും ഏറ്റവും നന്നായി ചെയ്യുന്നത് തന്നെ തുടർന്നും ചെയ്യാൻ നിങ്ങൾക്ക് കഴിയട്ടെ ,ആളുകളിൽ പ്രത്യാശ നിറയ്ക്കുക. മറ്റുള്ളവരോട് നിങ്ങൾ എപ്പോഴും കാണിച്ച അത്രയും കാരുണ്യം ഈ പ്രപഞ്ചം നിങ്ങളോടും കാണിക്കട്ടെ." എന്നാണ് രമ്യ കുറിച്ചത്.
