ആലപ്പുഴ: മൂലം വള്ളംകളി അവധി വിവാദത്തില്‍ പ്രതിഷേധിച്ച് മുഖ്യമന്ത്രി വി ഡി സതീശന്റെ കോലം കത്തിച്ചു. മൂലം ജലോത്സവം ഫാന്‍സ് ക്ലബിന്റെ നേതൃത്വത്തിലാണ് ചമ്പക്കുളത്ത് മുഖ്യമന്ത്രിയുടെ കോലം കത്തിച്ചത്. മുഖ്യമന്ത്രി കുട്ടനാട് എംഎല്‍എ റെജി ചെറിയാനെ അപമാനിച്ചെന്നാരോപിച്ചായിരുന്നു പ്രതിഷേധം.
വള്ളംകളി പ്രേമികളെ അവഹേളിക്കുന്ന രീതിയിലായിരുന്നു മുഖ്യമന്ത്രിയുടെ പ്രതികരണമെന്നും പ്രതിഷേധക്കാർ ആരോപിച്ചു. ചമ്പക്കുളം മൂലം വള്ളംകളി എക്‌സിക്യൂട്ടീവ് കമ്മിറ്റി അംഗം കെ ജി അരുണ്‍കുമാര്‍, മുന്‍ എംഎല്‍എ കെ കെ ഷാജു എന്നിവരാണ് പ്രതിഷേധത്തിന് നേതൃത്വം നല്‍കിയത്. മുഖ്യമന്ത്രിയുടേത് ധിക്കാരപൂര്‍വമായ സമീപനമാണെന്നും കുട്ടനാടന്‍ ജനതയെ മുഴുവര്‍ ഇതിലൂടെ അപമാനിച്ചെന്നും പ്രതിഷേധക്കാര്‍ പറഞ്ഞു. മുഖ്യമന്ത്രി പരസ്യമായി മാപ്പ് പറയണമെന്നാണ് മൂലം ജലോത്സവം ഫാന്‍സ് ക്ലബിന്റെ ആവശ്യം.
Comments