ചുരുങ്ങിയ കാലം കൊണ്ട് മലയാള സിനിമയിലെ മുന്നിര യുവ നായികമാരിലേക്ക് വളര്ന്ന നായികയാണ് ദുര്ഗ കൃഷ്ണ. നര്ത്തകി കൂടിയായ ദുര്ഗ പൃഥ്വിരാജിന്റെ നായികയായി വിമാനം എന്ന ചിത്രത്തിലെ നായികവേഷത്തിലൂടെയാണ് മലയാളസിനിമയില് തുടക്കംകുറിച്ചത്. പിന്നീട് പ്രേതം, ലൗ ആക്ഷന് ഡ്രാമ, കുട്ടിമാമ, ഉടല്, കണ്ഫഷന് ഓഫ് കുക്കൂസ് മോഹന്ലാല് ചിത്രം റാം തുടങ്ങി ഒട്ടനവധി ഹിറ്റ് ചിത്രങ്ങളില് താരം അഭിനയിച്ചു.
ഇപ്പോഴിതാ മകള് പ്രകൃതിയ്ക്കൊപ്പമുളള മനോഹര ചിത്രങ്ങള് പങ്കുവച്ചിരിക്കുകയാണ് താരം. മകളോടൊപ്പമുളള യാത്രയില് നിന്നുളള ക്യൂട്ട് ചിത്രങ്ങളാണ് ദുര്ഗ പങ്കിട്ടത്. '' എന്റെ ഒരു അംശം നിന്നിലുണ്ടെന്ന അനുഗ്രഹത്തോടെ, ഞാന് കാണാന് ആഗ്രഹിച്ച സ്വപ്നങ്ങളൊക്കെയാണ് ഇപ്പോള് നിന്റെ കണ്ണുകള് കാണുന്നത്. നിന്റെ കണ്ണുകളിലൂടെ ഈ ലോകത്തെ നോക്കിക്കണ്ടാണ് ഞാന് ജീവിക്കുന്നത്. കണ്മണി, ഞാന് നിന്നെ ഒരുപാട് സ്നേഹിക്കുന്നു'', ചിത്രങ്ങള്ക്കൊപ്പം താരം കുറിച്ചു.
കഴിഞ്ഞ വര്ഷം നവംബറിലാണ് ദുര്ഗ കൃഷ്ണയ്ക്കും നിര്മാതാവും ബിസിനസുകാരനുമായ അര്ജുന് രവീന്ദ്രനും പെണ്കുഞ്ഞ് പിറന്നത്. പ്രകൃതി ദുര്ഗ അര്ജുന് എന്നാണ് മകളുടെ മുഴുവന് പേര്. 2021 ഏപ്രിലില് ആയിരുന്നു ദുര്ഗയുടെയും അര്ജുന്റെയും വിവാഹം.
