രണ്ടാം വിവാഹവാർഷികദിനത്തിൽ ഭർത്താവ് ശ്രീജുവിന് ആശംസകൾ നേർന്ന് ഹൃദയസ്പർശിയായ കുറിപ്പ് പങ്കുവെച്ച് നടി മീര നന്ദൻ. ശ്രീജുവിനെ പങ്കാളിയായി കിട്ടിയതിൽ താൻ ഏറെ കൃതജ്ഞതയുള്ളവളാണെന്നും, അവൻ ഒപ്പമുള്ളപ്പോൾ ജീവിതം കൂടുതൽ പ്രകാശപൂർണ്ണമാണെന്നും മീര കുറിച്ചു. ശ്രീജുവിനൊപ്പമുള്ള മനോഹരമായ ചിത്രങ്ങളും താരം കുറിപ്പിനൊപ്പം പങ്കുവെച്ചിട്ടുണ്ട്.
"എന്റെ ജീവിതപങ്കാളിയായി നിന്നെ കിട്ടിയതിൽ ഞാൻ എത്രമാത്രം കൃതജ്ഞതയുള്ളവളാണെന്ന് ഞാൻ ഓരോ ദിവസവും ഓർക്കാറുണ്ട്. നീ എന്റെ ജീവിതത്തെ ഏറെ പ്രകാശപൂർണ്ണമാക്കുന്നു. നീ എന്നെ പറ്റിക്കുന്ന (പ്രങ്ക് ചെയ്യുന്ന) ഓരോ കാര്യങ്ങളും ലോകത്തിന് കാണിച്ചു കൊടുക്കാൻ പറ്റിയിരുന്നെങ്കിൽ എന്ന് ഞാൻ ആത്മാർത്ഥമായി ആഗ്രഹിച്ചു പോകാറുണ്ട്! നിന്റെ കൂടെ ഒരു നിമിഷം പോലും വിരസത തോന്നില്ല... എപ്പോഴും ചിരിയും തമാശയും ഒരുപാട് മനോഹരമായ ഓർമ്മകളും മാത്രമാണ്.
തന്റെ ഉള്ളിലെ കുസൃതി നിറഞ്ഞ സ്വഭാവത്തെ പുറത്തെടുത്തതിനും സാധാരണ ദിവസങ്ങളെപ്പോലും സവിശേഷമാക്കിയതിനും താരം ഭര്ത്താവിന് നന്ദി പറയുന്നുണ്ട്. വാക്കുകള്ക്ക് പ്രകടിപ്പിക്കാന് കഴിയുന്നതിലും അപ്പുറമാണ് തനിക്ക് ശ്രീജുവിനോടുള്ള സ്നേഹമെന്നും, ഇനിയുള്ള വര്ഷങ്ങളിലും ഇതേ ചിരിയും പ്രങ്കുകളും സ്നേഹവുമായി ഒന്നിച്ച് മുന്നോട്ട് പോകാമെന്നും താരം ആശംസിക്കുന്നു. 'ഹാപ്പി ആനിവേഴ്സറി, എന്റെ സ്നേഹമേ.. എന്നായിരുന്നു മീരയുടെ വാക്കുകള്.
2024 ജൂൺ 29 നായിരുന്നു മീര നന്ദനും ശ്രീജുവും വിവാഹിതരായത്. ഗുരുവായൂരിൽ വെച്ചു നടന്ന വിവാഹത്തിന് ശേഷം സിനിമാ മേഖലയിലെ സുഹൃത്തുക്കൾക്കായി വിവാഹ വിരുന്നും ഒരുക്കിയിരുന്നു. മെഹന്ദി, ഹൽദി, സംഗീത് ആഘോഷങ്ങളോടെ ഏറെ മാധ്യമശ്രദ്ധ നേടിയ വിവാഹമായിരുന്നു ഇവരുടേത്. ലണ്ടനിൽ ചാർട്ടേഡ് അക്കൗണ്ടന്റായി ജോലി ചെയ്യുകയാണ് ശ്രീജു. പ്രിയതാരത്തിനും ഭർത്താവിനും ആശംസകളുമായി നിരവധി ആരാധകരും സുഹൃത്തുക്കളുമാണ് കമന്റ് ബോക്സിൽ എത്തുന്നത്.
