ഇതമിഴ് സിനിമയുടെ തിരക്കഥാ രാജാവും ഇതിഹാസ ചലച്ചിത്ര നിർമ്മാതാവും നടനുമായ കെ. ഭാഗ്യരാജിന്റെ വേർപാടിന്റെ ഞെട്ടലിലാണ് സിനിമലോകവും ആരാധകരും. തമിഴിലെ ഒട്ടേറെ ഹിറ്റ് ചിത്രങ്ങളിൽ അഭിനയിക്കുകയും 25 ഓളം ചിത്രങ്ങൾ സംവിധാനം ചെയ്യുകയും അതിലേറെ ചിത്രങ്ങൾക്കായി തൂലിക ചലിപ്പിക്കുകയും ചെയ്ത ഭാഗ്യരാജിന് മലയാള സിനിമാലോകവുമായും വലിയ ബന്ധമാണുള്ളത്.
സഹതാരങ്ങളും സിനിമാ മേഖലയിലെ പ്രവർത്തകരും ആരാധകരുമടക്കം നിരവധി പേരാണ് ഇതിഹാസ താരത്തിന് ആദരാഞ്ജലികൾ അർപ്പിച്ചു സോഷ്യൽ മീഡിയയിൽ കുറിപ്പുകൾ പങ്കിടുന്നുണ്ട്.
ഇപ്പോഴിതാ ഭാഗ്യരാജിന് അന്തിമോപചാരം അർപ്പിക്കുന്നതിന് എത്തിയപ്പോൾ മാധ്യമപ്രവർത്തകർ തള്ളിക്കയറി ബഹളമുണ്ടാക്കിയതിൽ പ്രകോപിതയാകുന്ന സുഹാസിനി മണിരത്നത്തിന്റെ വീഡിയോയാണ് വൈറൽ ആകുന്നത്. വിലാപയാത്രയും സംസ്കാര ചടങ്ങും നടക്കുമ്പോൾ മാധ്യമ പ്രവർത്തകർ അതിരുകൾ കടന്ന് അനാദരവുള്ള കവറേജ് നടത്തിയപ്പോഴാണ് സുഹാസിനി ക്ഷമ നശിച്ച് ഇടപെട്ടത്. റിപ്പോർട്ടർമാരെയും ഫോട്ടോഗ്രാഫർമാരെയും തള്ളിമാറ്റുകയും ചെയ്തു താരം.
ഒരു ഘട്ടത്തിൽ ‘‘ഞാൻ നിങ്ങൾക്ക് ഒരു ചെരിപ്പ് കൊണ്ട് ഒരു അടി നൽകും...’’ എന്നുവരെ സുഹാസിനി മാധ്യമപ്രവര്ത്തകരോട് പറഞ്ഞു.
സംഭവത്തിന് മുമ്പ്, സുഹാസിനി മാധ്യമങ്ങളോട് വൈകാരികമായി സംസാരിച്ചിരുന്നു. കുറച്ച് ദിവസങ്ങൾക്ക് മുമ്പ്, ഗോവയിൽ നടന്ന നടി ഖുഷ്ബുവിന്റെ മകളുടെ വിവാഹത്തിൽ ഭാഗ്യരാജ് സന്തോഷത്തോടെ പങ്കെടുത്തതായി സുഹാസിനി ഓർമ്മിച്ചു. "പരിപാടിയിലുടനീളം അദ്ദേഹം സന്തോഷവാനും പുഞ്ചിരിച്ചും ആയിരുന്നു. എന്നാൽ പ്രഭാത നടത്തത്തിന് ശേഷം നെഞ്ചുവേദന അനുഭവിച്ചതിനെ തുടർന്ന് ശനിയാഴ്ച അദ്ദേഹത്തിന് മാരകമായ ഹൃദയാഘാതം സംഭവിച്ചു...ഭാഗ്യരാജ് സാറിന് നമുക്ക് അന്തിമോപചാരം അർപ്പിക്കാം...’’ സുഹാസിനി പറഞ്ഞു.
തമിഴിലെ ഒട്ടേറെ ഹിറ്റ് ചിത്രങ്ങളിൽ അഭിനയിക്കുകയും 25 ഓളം ചിത്രങ്ങൾ സംവിധാനം ചെയ്യുകയും അതിലേറെ ചിത്രങ്ങൾക്കായി തൂലിക ചലിപ്പിക്കുകയും ചെയ്ത ഭാഗ്യരാജിന് മലയാള സിനിമലോകവുമായും നല്ല അടുപ്പമാണ്. ദിലീപിനെ നായകനാക്കി സന്ധ്യാ മോഹൻ സംവിധാനം ചെയ്ത് 2012-ൽ പുറത്തിറങ്ങിയ മിസ്റ്റർ മരുമകൻ എന്ന ചിത്രത്തിലൂടെ മലയാള സിനിമയിൽ അരങ്ങേറ്റം കുറിച്ച താരം യഥാർത്ഥ ജീവിതത്തിൽ മലയാളത്തിന്റെ മിസ്റ്റർ മരുമകൻ എന്ന വിളിപ്പേരിനു അർഹൻ തന്നെയാണ്. മോഹൻലാലിന്റെ ആദ്യ സിനിമയായ 'മഞ്ഞിൽ വിരിഞ്ഞ പൂക്കളി'ൽ നായികയായിരുന്ന നടി പൂർണിമാ ജയറാമിനെയാണ് ഭാഗ്യരാജ് വിവാഹം ചെയ്തത്.
തമിഴ് സിനിമയിലെ അഭിനയത്തിന് പേരുകേട്ട ഇതിഹാസ ചലച്ചിത്ര നിർമ്മാതാവ് ഭാരതിരാജയുടെ മരണത്തിന് ഏതാനും ദിവസങ്ങൾക്ക് ശേഷമാണ് ചലച്ചിത്ര നിർമ്മാതാവിന്റെ വിയോഗം. 16 വയതിനിലെ എന്ന സിനിമയിൽ ഭാരതിരാജയുടെ സഹായിയായിട്ടാണ് ഭാഗ്യരാജ് തന്റെ കരിയർ ആരംഭിച്ചത്.
