ആനന്ദം എന്ന ഒറ്റ ചിത്രത്തിലൂടെ പ്രേക്ഷകരുടെ ഹൃദയം കീഴക്കിടക്കിയ നടിയാണ് അനര്ക്കലി മരയ്ക്കാര്. അഭിനയത്തിനു പുറമെ മികച്ചൊരു ഗായിക കൂടിയാണ് താരം. ഇപ്പോഴിതാ അനാര്ക്കലി മരയ്ക്കാര് സമൂഹമാധ്യമങ്ങളില് പങ്കുവച്ച ഒരു കുറിപ്പാണ് ശ്രദ്ധേയമാകുന്നത്. കഴിഞ്ഞ 20 വര്ഷമായി താന് ജീവിച്ച വീടിനോട് വൈകാരികമായി വിടപറഞ്ഞുകൊണ്ട് അനാര്ക്കലി പങ്കുവച്ച പോസ്റ്റാണ് വൈറലാവുന്നത്. തനിക്ക് ഒരുപാട് സന്തോഷകരമായ ഓര്മ്മകള് സമ്മാനിച്ച ഒരിടമല്ലായിരുന്നു ഇതെന്നും, ജീവിതത്തിലെ ഏറ്റവും കഠിനമായ ദിവസങ്ങളില് ഭൂരിഭാഗവും ആ ചുവരുകള്ക്കുളളിലാണ് കഴിഞ്ഞുപോയതെന്നും അനാര്ക്കലി കുറിച്ചു.
"ഇന്നലെ ഞങ്ങൾ 20 വർഷമായി ഞാൻ താമസിച്ചിരുന്ന വീടിനോട് യാത്രപറഞ്ഞു.
സത്യം പറഞ്ഞാൽ, എനിക്ക് ഒരുപാട് സന്തോഷകരമായ ഓർമ്മകൾ നൽകിയ ഒരു സ്ഥലമായിരുന്നില്ല അത്. എന്റെ ജീവിതത്തിലെ ഏറ്റവും കഠിനമായ ദിവസങ്ങളിൽ ഭൂരിഭാഗവും ആ ചുവരുകൾക്കുള്ളിലാണ് കഴിഞ്ഞുപോയത്. ഒരുപാട് കാലമായി ഇവിടെ നിന്ന് എപ്പോഴാണ് ഇറങ്ങാൻ കഴിയുക എന്ന് ഞാൻ കാത്തിരിക്കുകയായിരുന്നു. അതുകൊണ്ട് തന്നെ, വിടപറയുന്നത് വളരെ എളുപ്പമായിരിക്കും എന്നാണ് ഞാൻ കരുതിയത്.
പക്ഷേ, അത് എളുപ്പമായിരുന്നില്ല.
ചിലപ്പോൾ ഞാൻ വളർന്നത് അവിടെയായതുകൊണ്ടാകാം. അല്ലെങ്കിൽ എന്റെ എല്ലാ പ്രായത്തിലുമുള്ള മാറ്റങ്ങൾക്കും ആ വീട് സാക്ഷിയായതുകൊണ്ടാകാം. അതുമല്ലെങ്കിൽ, ചില സ്ഥലങ്ങൾ അവിടെ എന്തൊക്കെയാണ് സംഭവിച്ചത് എന്നതിനെ ബാധിക്കാതെ എപ്പോഴും നമ്മുടെ മനസ്സിൽ തങ്ങിനിൽക്കുന്നത് കൊണ്ടാകാം.
എനിക്ക് ഇപ്പോൾ എന്താണ് ഫീൽ ചെയ്യുന്നത് എന്ന് മനസ്സിലാക്കാൻ ഞാൻ ഇപ്പോഴും ശ്രമിച്ചുകൊണ്ടിരിക്കുകയാണ്.
പ്രിയപ്പെട്ട ഹോം, വിട, എന്നെ ഞാനാക്കി മാറ്റിയതിന് നന്ദി," അനാർക്കലിയുടെ വാക്കുകള്.
