ആലപ്പുഴ: മുണ്ടിനീര് വ്യാപിക്കുന്ന പശ്ചാത്തലത്തില് ആലപ്പുഴയിലെ തുമ്പോളി എസ്എന്വി എല്പി സ്കൂളിന് 21 ദിവസത്തേക്ക് അവധി. ജില്ലാകളക്ടറാണ് ഇതുസംബന്ധിച്ച് ഉത്തരവിറക്കിയത്. സ്കൂളിലെ കുട്ടികള്ക്കിടയില് മുണ്ടിനീര് സ്ഥിരീകരിച്ച സാഹചര്യത്തിലാണ് അവധി.
രോഗം കൂടുതല് കുട്ടികളിലേക്ക് വ്യാപിക്കാതിരിക്കാനായി ഇന്കുബേഷന് കാലയളവായ 21 ദിവസം സ്കൂളിന് അവധി നല്കണമെന്ന് ജില്ലാ മെഡിക്കല് ഓഫീസര് റിപ്പോര്ട്ട് സമര്പ്പിച്ചിരുന്നു. ഇതേ തുടര്ന്നാണ് ജൂലൈ ഒന്ന് മുതല് 21 ദിവസത്തേക്ക് മുന്കാലപ്രാബല്യത്തോടെ അവധി അനുവദിച്ച് ജില്ലാ കളക്ടര് ഉത്തരവിട്ടത്.
