അർദ്ധരാത്രിയിൽ മുംബൈയിലെ മറൈൻ ഡ്രൈവിലൂടെ തനിച്ച് നടക്കുമ്പോൾ തനിക്ക് അനുഭവപ്പെട്ട സുരക്ഷയെക്കുറിച്ച് ഒരു യുവതി പങ്കുവെച്ച വീഡിയോ സോഷ്യൽ മീഡിയയിൽ വൈറലാകുന്നു. ലോകത്തിലെ പല നഗരങ്ങളിലും രാത്രിയിൽ സ്ത്രീകളും പുരുഷന്മാരും പുറത്തിറങ്ങാൻ ഭയക്കുമ്പോൾ, മുംബൈയിൽ താൻ എത്രത്തോളം സുരക്ഷിതയാണെന്ന് അവർ വീഡിയോയിലൂടെ ലോകത്തോട് വിളിച്ചുപറയുന്നു. ഈ വീഡിയോ ഇതിനകം തന്നെ ആയിരക്കണക്കിന് ആളുകളാണ് കണ്ടുകഴിഞ്ഞത്.
രാത്രി ഒരു മണി കഴിഞ്ഞിട്ടും മറൈൻ ഡ്രൈവിലും പരിസരങ്ങളിലും ആളുകൾ സജീവമാണെന്നും, ആർക്കും ഭയമില്ലാതെ നടക്കാൻ സാധിക്കുന്ന അന്തരീക്ഷമാണെന്നും യുവതി ചൂണ്ടിക്കാട്ടുന്നു. പോലീസിന്റെ സജീവ സാന്നിധ്യവും നഗരത്തിന്റെ പ്രത്യേകതയും സുരക്ഷിതമായ ഒരു അന്തരീക്ഷം ഒരുക്കുന്നതിൽ വലിയ പങ്കുവഹിക്കുന്നുണ്ട്. മുംബൈ നഗരത്തിന്റെ ഈ പ്രത്യേകതയിൽ തനിക്ക് വലിയ അഭിമാനമുണ്ടെന്നും അവർ വ്യക്തമാക്കുന്നു.
നിരവധി ആളുകളാണ് ഈ വീഡിയോയെ അഭിനന്ദിച്ച് കമന്റുകളുമായി രംഗത്തെത്തുന്നത്. രാത്രിയിൽ പോലും ജീവൻ തുടിക്കുന്ന നഗരമാണ് മുംബൈയെന്നും, സ്ത്രീകൾക്ക് ഏറ്റവും സുരക്ഷിതമായ ഇന്ത്യൻ നഗരങ്ങളിൽ ഒന്നാണിതെന്നും പലരും അഭിപ്രായപ്പെടുന്നു. തങ്ങളുടെ സ്വന്തം അനുഭവങ്ങളും പലരും പങ്കുവെക്കുന്നുണ്ട്. മുംബൈയോടുള്ള സ്നേഹവും ബഹുമാനവും വെളിപ്പെടുത്തുന്നതായിരുന്നു ഭൂരിഭാഗം പ്രതികരണങ്ങളും.
ഒരു നഗരത്തിന്റെ സുരക്ഷയും അവിടെയുള്ള ആളുകളുടെ സ്വാതന്ത്ര്യവും തമ്മിലുള്ള ബന്ധത്തെക്കുറിച്ചുള്ള ചർച്ചകൾക്കും ഈ വീഡിയോ കാരണമായി. സുരക്ഷിതമായ ഒരു ചുറ്റുപാടിൽ ജീവിക്കാൻ കഴിയുക എന്നത് വലിയൊരു ഭാഗ്യമാണെന്നും, മുംബൈ നഗരം എന്നും മാതൃകയാണെന്നും ആളുകൾ പറയുന്നു. എന്തായാലും മുംബൈയുടെ ഈ രാത്രി ദൃശ്യങ്ങൾ സമൂഹമാധ്യമങ്ങളിൽ ഇപ്പോൾ വലിയ ചർച്ചയായി മാറിക്കഴിഞ്ഞു.
