മലയാള സീരിയല് പ്രേക്ഷകര്ക്ക്സുപരിചിതയായ താരമാണ് അര്ച്ചന സുശീലന്. എന്റെ മാനസപുത്രി എന്ന സീരിയലിലെ പ്രതിനായിക വേഷത്തിലൂടെ മലയാളികളുടെ പ്രിയങ്കരിയായി മാറിയ താരമാണ് അര്ച്ചന. ഗ്ലോറിയെന്ന താരത്തിന്റെ കഥാപാത്രം ഏറെ ജനശ്രദ്ധ നേടിയതാണ്. പിന്നീട് പല സീരിയലുകളിലും സിനിമകളിലും താരം അഭിനയിച്ചു. സോഷ്യല് മീഡിയയില് നിറഞ്ഞു നില്ക്കുന്ന താരം വിവാഹത്തോടെ അഭിനയത്തില് നിന്ന് ഇടവേളയെടുത്തിരിക്കുകയാണ്.
ഇപ്പോള് അമ്മയ്ക്ക് പിറന്നാള് ആശംസകള് അറിയിച്ച് അര്ച്ചന സുശീലന് പങ്കുവച്ച കുറിപ്പ് ശ്രദ്ധേയമാകുകയാണ്. '' ഹാപ്പി ബര്ത്ത്ഡേ അമ്മ.
അമ്മയുടെ ജീവിതത്തിലെ മനോഹരമായ ഒരു പുതിയ വര്ഷത്തിലേക്ക് ആശംസകള്. ഞങ്ങളോടുള്ള അമ്മയുടെ അതിരറ്റ സ്നേഹത്തിനും കരുത്തിനും, ഞങ്ങള്ക്ക് വേണ്ടി ചെയ്യുന്ന എല്ലാ കാര്യങ്ങള്ക്കും നന്ദി. ഈ വര്ഷം അമ്മയ്ക്ക് നല്ല ആരോഗ്യവും സന്തോഷവും അര്ഹിക്കുന്ന എല്ലാ അനുഗ്രഹങ്ങളും നല്കട്ടെയെന്ന് ഞാന് പ്രാര്ത്ഥിക്കുന്നു.അമ്മയെ ഞാന് ഒരുപാട് സ്നേഹിക്കുന്നു. ഏറ്റവും മനോഹരമായ ഒരു ജന്മദിനം ആശംസിക്കുന്നു'', എന്നാണ് അമ്മയ്ക്കൊപ്പമുളള ചിത്രങ്ങള് പങ്കിട്ട് താരം കുറിച്ചത്. അര്ച്ചന പങ്കുവച്ച പോസ്റ്റിന് താഴെയായി നിരവധിപ്പേര് അമ്മയ്ക്ക് പിറന്നാള് ആശംസകളുമായി എത്തി.
മലയാളത്തിന് പുറമെ തമിഴ് സീരിയലുകളിലും അര്ച്ചന അഭിനയിച്ചിട്ടുണ്ട്. വടക്കേ ഇന്ത്യയില് ജനിച്ചു വളര്ന്ന അര്ച്ചന മോഡലിംഗിലൂടെയാണ് അഭിനയത്തിലേക്ക് എത്തിയത്. ടെലിവിഷന് സീരിയലുകളില് വില്ലത്തി വേഷം ചെയ്യുന്ന അഭിനേത്രികളില് അര്ച്ചനയോളം സ്വീകാര്യത ലഭിച്ച മറ്റൊരാളുണ്ടാവില്ല. പിന്നീട് ബിഗ് ബോസ് മലയാളത്തില് മത്സരാര്ത്ഥിയായി എത്തിയും അര്ച്ചന പ്രേക്ഷകമനസ്സിലിടം നേടി.
