അറ്റ്ലാന്റ: ലോകകപ്പ് കിരീടം നിലനിര്ത്തുമെന്ന ദൃഢനിശ്ചയവുമായി അര്ജന്റീന പോരാട്ടം തുടരുന്നു. അറ്റ്ലാന്റ സ്റ്റേഡിയത്തില് ഇന്ത്യന് സമയം വൈകിട്ട് 9.30 മുതല് നടക്കുന്ന പ്രീ ക്വാര്ട്ടറില് ഈജിപ്തിനെയാണ് അവര് നേരിടുക.
അര്ജന്റീനയും ഈജിപ്തും തമ്മില് ഒരു തവണ മാത്രമാണ് ഏറ്റുമുട്ടിയത്. 2008 മാര്ച്ച് 26 നു നടന്ന സൗഹൃദ മത്സരത്തില് അര്ജന്റീന 2-0 ത്തിനു ജയിച്ചു. ആദ്യമായാണ് ഇരുവരും ലോകകപ്പില് ഏറ്റുമുട്ടുന്നത്. ജെ ഗ്രൂപ്പിലെ ജേതാക്കളായാണ് അര്ജന്റീന നോക്കൗട്ടിലെത്തിയത്. ജി ഗ്രൂപ്പിലെ രണ്ടാം സ്ഥാനക്കാരായിരുന്നു ഈജിപ്ത്. കേപ് വെര്ദെയ്ക്കെതിരേ നടന്ന നോക്കൗട്ടില് മാത്രമാണ് അവര് പതറിയത്്. സെല്ഫ് ഗോളിന്റെ ബലത്തിലായിരുന്നു (3-2) അര്ജന്റീന ജയിച്ചു കയറിയത്. ഈ ലോകകപ്പില് ഇതുവരെ ഏഴ് ഗോളുകളടിച്ച ലയണല് മെസിയാണ് അവരുടെ പ്രധാന താരം.
ഓസ്ട്രേലിയയെ പെനാല്റ്റി ഷൂട്ടൗട്ടില് തോല്പ്പിച്ചാണ് ഈജിപ്ത് നോക്കൗട്ട് കടന്നത്. ഷൂട്ടൗട്ടില് ഗോളടിച്ച മുഹമ്മദ് സലയുടെ കാലിനു പരുക്കുണ്ടെങ്കിലും സാരമല്ലെന്നത് ആശ്വാസമാണ്. പ്രതിരോധത്തിലാണ് ശരിയായ ആശങ്ക. അഹ്മ്മദ് ഫതൗവിന്റെ അഭാവം കൂടാതെ അബ്ദെല്മോനവും ഹാഫിസും പരുക്കിന്റെ ഭാവത്തിലാണ്. തുടരെ എട്ട് ലോകകപ്പ് മത്സരങ്ങളില് ഗോളടിച്ച മെസി തകര്പ്പന് ഫോമിലാണ്. മെസിയും സംഘവും കഴിഞ്ഞ 11 മത്സരങ്ങളിലും കുറഞ്ഞത് ഒരു ഗോളെങ്കിലും അടിച്ചു.
