സീറ്റില്: ലോകകപ്പിലെ അപരാജിത പടയോട്ടം ഒടുവില് ബല്ജിയത്തിന് മുന്നില് അവസാനിപ്പിച്ച് സഹ ആതിഥേയരായ അമേരിക്കയും ലോകകപ്പിന്റെ പടിയിറങ്ങി. ഒന്നിനെതിരേ നാലു ഗോളുകള്ക്കായിരുന്നു അമേരിക്കയുടെ തോല്വി. പ്രീക്വാര്ട്ടര് കടന്ന ബെല്ജിയം ക്വാര്ട്ടറില് സ്പാനിഷ് കരുത്തിനെതിരേ പോരാടും. ഒമ്പതാം മിനിറ്റിലും 33 ാം മിനിറ്റിലും ഇരട്ടഗോളുകള് നേടിയ ഡീ കെറ്റലീറിന്റെ മികവായിരുന്നു ബെല്ജിയത്തിന്റെ പ്രധാന കരുത്ത്. രണ്ടാം പകുതിയില് വനകനും ലാക്കൂക്കുവും പട്ടിക പൂര്ത്തിയാക്കി.
ല്മാനിലൂടെ ആദ്യപകുതിയില് നേടിയ ഒരു ഗോള് മാത്രമായിരുന്നു അമേരിക്കയുടെ അക്കൗണ്ടില് എഴുതപ്പെട്ടത്. കെവിന് ഡി ബ്രൂയ്നെ, ജെറമി ഡോകു, റൊമേലു ലുക്കാക്കു എന്നിങ്ങനെ ബെല്ജിയത്തിന്റെ നവതലമുറയിലെ സൂപ്പര്താരങ്ങളെയെല്ലാം ബഞ്ചിലിരുത്തി വലിയ തീരുമാനങ്ങള് എടുത്തുകൊണ്ടായിരുന്നു പരിശീലകന് റൂഡി ഗാര്ഷ്യ ടീമിനെ ഇറക്കിയത്. ഈ നീക്കങ്ങള് ഫലം കാണുകയും ചെയ്തു.
കളിയുടെ ഒമ്പതാം മിനിറ്റില് തന്നെ ബല്ജിയം സിയാറ്റില് കാണികളെ നിശബ്ദരാക്കി. മൈതാനത്തിന്റെ മധ്യത്തില് നിന്നും ഉയര്ന്നു വന്ന പന്ത് ലിയാന്ഡ്രോ ട്രൊസാര്ഡ് ബോക്സിലേക്ക് എത്തിക്കാന് ശ്രമിച്ചെങ്കിലും യുണൈറ്റഡ് സ്റ്റേറ്റ്സ് പ്രതിരോധത്തിന് അത് ക്ലിയര് ചെയ്യാന് കഴിഞ്ഞില്ല. ബോക്സിനുള്ളില് ഉയര്ന്നുവന്ന പന്ത് ഒടുവില് ചാള്സ് ഡി കെറ്റലെയറിന് ലഭിച്ചു, അദ്ദേഹം എളുപ്പത്തില് വലയിലെത്തിച്ചു.
ഇതിന് 31 ാം മിനിറ്റില് അമേരിക്ക മറുപടി പറഞ്ഞു. മാലിക് ടില്മാന് എടുത്ത മനോഹരവും കൃത്യവുമായ ഒരു ഷോട്ട് കളിക്കാരന്റെ ദേഹത്ത് തട്ടി ദിശ മാറിയതിനാല് തിബോ കോര്ട്ടുവയ്ക്ക് തടയാനായില്ല. രണ്ടുമിനിറ്റ് കഴിഞ്ഞപ്പോള് ബെല്ജിയം വീണ്ടും ലീഡ് എടുത്തു. ലിയാന്ഡ്രോ ട്രൊസാര്ഡിനെ ബൈലൈനിലേക്ക് എത്താന് അനുവദിച്ച അമേരിക്കന് പ്രതിരോധനിരയ്ക്ക് കനത്ത പിഴ നല്കേണ്ടി വന്നു. അദ്ദേഹം നല്കിയ മികച്ചൊരു ക്രോസ്സ് ടിം റീമിനെ മറികടന്ന് ചാള്സ് ഡി കെറ്റലെയര് ഹെഡ്ഡറിലൂടെ വലയിലെത്തിച്ചു.
രണ്ടാം പകുതിയില് ഹാന്സ് വനാകന്റെ ഗോളുമെത്തി. മാറ്റ് ഫ്രീസ് തന്റെ പെനാല്റ്റി ബോക്സില് നിന്ന് നേരെ പുറത്തേക്ക് വന്ന് പന്ത് ക്ലിയര് ചെയ്യാന് ശ്രമിച്ചെങ്കിലും അത് മിസ്സായി. അത് വന്നു വീണതാകട്ടെ ഹാന്സ് വനാകെന്റെ കാല്ക്കലിലേക്കും. അദ്ദേഹത്തിന്റെ ഷോട്ട് വലയില് കയറി. കളിയുടെ അവസാന ഇഞ്ചുറിടൈമില് നാലാം ഗോളും അമേരിക്കന് പോസ്റ്റിലേക്ക് കയറി. പകരക്കാരനായി വന്ന റുമാലു ലൂക്കാക്കുവിന്റേതായിരുന്നു ഗോള്. അമേരിക്കന് ബോക്സില് ക്രിസ് റിച്ചാര്ഡ്സ് അടിച്ചു തെറിപ്പിച്ച പന്ത് എത്തിയത് റൊമേലു ലുക്കാക്കുവിന്റെ മുന്നില്. വലതുകാല് കൊണ്ടുള്ള മികച്ചൊരു ഫിനിഷിംഗ്.
മൈതാനത്തിന്റെ ഇടതുവശത്ത് ക്രിസ് റിച്ചാര്ഡ്സ് പന്ത് കൈകാര്യം ചെയ്യുന്നതില് വരുത്തിയ മറ്റൊരു അശ്രദ്ധമായ പിഴവ് ഒടുവില് പന്ത് നഷ്ടപ്പെടുന്നതിലേക്ക് നയിച്ചു. അത് കിട്ടിയ റൊമേലു ലുക്കാക്കുവിന് ലക്ഷ്യം പിഴച്ചില്ല. അദ്ദേഹം കൃത്യമായി അത് വലയിലെത്തിച്ചു.
