'' കേരളം ആയാലും തമിഴ്‌നാട് ആയാലും സെന്റിമെന്റസ് മാത്രം നോക്കി പലരും സര്‍ക്കാര്‍ ജോലിക്കാരാകുന്നു'' ; വിമര്‍ശിച്ച് സന്തോഷ് പണ്ഡിറ്റ്

കരൂര്‍ ദുരന്തത്തില്‍ മരിച്ചവരുടെ കുടുംബാംഗങ്ങള്‍ക്ക് സര്‍ക്കാര്‍ ജോലി നല്‍കിയ നിയമന ഉത്തരവ് റദ്ദാക്കിയ ഹൈക്കോടതി ഉത്തരവിനെ അനുകൂലിച്ച് സന്തോഷ് പണ്ഡിറ്റ്. കഷ്ടപ്പെട്ട് പഠിച്ചു PSC കിട്ടി നിയമനം പ്രതീക്ഷിക്കുന്ന യുവതീ യുവാക്കള്‍ക്ക് ജോലി കൊടുക്കാതെ, ആരാധന മൂത്തു നടനെ കാണാന്‍ വന്നു തിരക്കില്‍ മരിച്ചവരുടെ ബന്ധുക്കള്‍ക്ക് ജോലി കൊടുക്കുന്നത് ശരിയാണോ എന്നാണ് സന്തോഷ് പണ്ഡിറ്റ് ചോദിക്കുന്നത്. കേരളം ആയാലും തമിഴ്‌നാട് ആയാലും ഇങ്ങനെ സെന്റിമെന്റ്‌സ് മാത്രം നോക്കി പലരും സര്‍ക്കാര്‍ ജോലിക്കാരാകുമ്പോള്‍ ആ PSC എഴുതി കാത്തിരിക്കുന്നവര്‍ സെക്രട്ടറിയേറ്റിനു മുന്‍പില്‍ മണ്ണ് വാരി തിന്നുന്നു കഷ്ട്ം എന്നാണ് സന്തോഷ് പണ്ഡിറ്റ് ഫേസ്ബുക്കില്‍ കുറിച്ചത്.

സന്തോഷ് പണ്ഡിറ്റിന്റെ വാക്കുകളിലേക്ക്:

''കഷ്ടപ്പെട്ട് പഠിച്ചു, PSC കിട്ടി നിയമനം പ്രതീക്ഷിക്കുന്ന യുവതീ യുവാക്കൾക്ക് ജോലി കൊടുക്കാതെ, ആരാധന മൂത്തു നടനെ കാണാൻ വന്നു തിരക്കിൽ മരിച്ചവരുടെ ബന്ധുക്കൾക്ക് ജോലി കൊടുക്കുന്നത് ശരിയാണോ? നിലവിൽ അവർക്കു 40 ലക്ഷം രൂപ സർക്കാർ ഖജനാവിൽ നിന്നും കൊടുത്തിട്ടുണ്ട്..
എന്നാൽ ജീവിക്കാൻ ജോലിക്ക് പോയി പടക്കം നിർമ്മാണശാല തീ പിടിച്ചതിന് മരിച്ചവർക്കും, മറ്റു അപകടം ഉണ്ടായി മരിച്ച ആൾക്കും രണ്ട് ലക്ഷം രൂപയാണ് കൊടുക്കുന്നത്. ഈ ലോജിക് വെച്ചാണെങ്കിൽ ഏത് രീതിയിൽ അപകടം സംഭവിച്ചു മരിച്ചവർക്കും സർക്കാർ ജോലി കൊടുക്കേണ്ടി വരില്ലേ?
ഓപ്പറേഷൻ ഇടയിൽ വയറ്റിൽ കത്രിക കുടുങ്ങി പോയാൽ അതിനു ഉത്തരവാദിയായ ഡോക്ടറിൽ നിന്നും വലിയ തുക നഷ്ടപരിഹാരം കൊടുക്കുന്നതല്ലേ ഭംഗി? കേരളം ആയാലും തമിഴ്നാട് ആയാലും ഇങ്ങനെ sentiments മാത്രം നോക്കി പലരും സർക്കാർ ജോലിക്കാരാകുമ്പോൾ ആ psc എഴുതി കാത്തിരിക്കുന്നവർ സെക്രട്ടറിയേറ്റിനു മുൻപിൽ മണ്ണ് വാരി തിന്നുന്നു..കഷ്ടം.''