കഴിഞ്ഞ വർഷം കൂട്ടുകാരുടെ അവഗണന; ഇത്തവണ സൗഹൃദ ദിനത്തിൽ കുരുന്നിന് ലഭിച്ചത് കൈനിറയെ സമ്മാനങ്ങൾ

കഴിഞ്ഞ വർഷം സൗഹൃദ ദിനത്തിൽ കൂട്ടുകാരാരും ഫ്രണ്ട്ഷിപ്പ് ബാൻഡ് നൽകാത്തതിനാൽ സങ്കടത്തിലായ കൊച്ചുപെൺകുട്ടിക്ക് ഈ വർഷം ലഭിച്ച മനോഹരമായ സമ്മാനവും അതിനെത്തുടർന്നുള്ള മനോഹരമായ നിമിഷങ്ങളുമാണ് ഇപ്പോൾ സമൂഹമാധ്യമങ്ങളിൽ ലക്ഷക്കണക്കിന് ആളുകളുടെ മനംകവർന്നിരിക്കുന്നത്. കുട്ടികളുടെ നിഷ്കളങ്കമായ സങ്കടങ്ങളും സന്തോഷങ്ങളും ഒപ്പിയെടുത്ത ഈ വീഡിയോ നിമിഷനേരം കൊണ്ടാണ് വൈറലായി മാറിയത്.

കഴിഞ്ഞ വർഷത്തെ സൗഹൃദ ദിനത്തിൽ തനിക്ക് യാതൊരുവിധ ഫ്രണ്ട്ഷിപ്പ് ബാൻഡുകളും ലഭിച്ചില്ലെന്ന് പറഞ്ഞ് ആ കുട്ടി അന്ന് ഏറെ വിഷമിച്ചിരുന്നു. എന്നാൽ ഈ വർഷം ആ സങ്കടങ്ങളെല്ലാം മാറിമറിയുന്ന കാഴ്ചയാണ് ഉണ്ടായത്. അപ്രതീക്ഷിതമായി നിരവധി സമ്മാനങ്ങളും ഫ്രണ്ട്ഷിപ്പ് ബാൻഡുകളും സ്നേഹപ്രകടനങ്ങളുമായി കുട്ടിയുടെ സുഹൃത്തുക്കളും ചുറ്റുമുള്ളവരും എത്തിയതോടെ ആ കൊച്ചുപെൺകുട്ടിയുടെ മുഖത്ത് വിരിഞ്ഞ സന്തോഷം കാണികളുടെയും കണ്ണ് നനയിക്കുന്നതായിരുന്നു.

കുട്ടിയുടെ അച്ഛനോട് ഓടിയെത്തി "അച്ഛാ, എനിക്ക് എന്തുമാത്രം ഫ്രണ്ട്ഷിപ്പ് ബാൻഡുകൾ കിട്ടി എന്ന് അറിയാമോ?" എന്ന് സന്തോഷത്തോടെ ചോദിക്കുന്ന ​ വീഡിയോ സോഷ്യൽ മീഡിയയിൽ വലിയ തരംഗമാണ് സൃഷ്ടിച്ചിരിക്കുന്നത്. സ്നേഹവും സൗഹൃദവും എന്താണെന്ന് കാണിത്തരുന്ന ഈ ദൃശ്യങ്ങൾ നിരവധി പേരാണ് പങ്കുവെച്ചിരിക്കുന്നത്. കുട്ടികളുടെ ചെറിയ സന്തോഷങ്ങളിൽ പോലും പങ്കുചേരുന്ന മാതാപിതാക്കളുടെയും കൂട്ടുകാരുടെയും കരുതലിനെ പ്രശംസിച്ചുകൊണ്ട് നിരവധി പേരാണ് കമന്റുകളുമായി എത്തിയിരിക്കുന്നത്.