മലയാളികള്ക്കേറെ സുപരിചിതയാണ് ശരണ്യ ശശി. പത്ത് വർഷത്തോളം ക്യാൻസറിനോട് പോരാടിയാണ് സീരിയൽ-സിനിമ താരമായി ശ്രദ്ധിക്കപ്പെട്ട ശരണ്യ ഈ ലോകത്തോട് വിട പറഞ്ഞത്. 2021 ഓഗസ്റ്റ് ഒമ്പതിനാണ് ട്യൂമര് ബാധിതയായി താരം മരണപ്പെടുന്നത്.
വെറും ഇരുപത്തിയഞ്ച് വയസ് മാത്രം പ്രായമുള്ളപ്പോഴാണ് തലവേദനയുടെ രൂപത്തിൽ കാൻസർ നടിക്ക് പിടിപെടുന്നത്. പിന്നീട് അങ്ങോട്ട് വേദനകളുടെ കാലമായിരുന്നു. പതിനൊന്നോളം സർജറികൾക്ക് പത്ത് വർഷത്തിനിടയിൽ ശരണ്യ വിധേയയായി. രോഗം തിരിച്ചറിഞ്ഞ നിമിഷം മുതൽ ശരണ്യയ്ക്കും കുടുംബത്തിനും സാമ്പത്തികമായും മാനസികമായും പിന്തുണ നൽകി ഒപ്പം നിന്നിരുന്നത് നടി സീമ ജി. നായരായിരുന്നു.
സഹപ്രവർത്തക എന്നതിലുപരി സ്വന്തം കുടുംബാംഗത്തെപ്പോലെയായിരുന്നു ശരണ്യയെ കരുതിയിരുന്നത്. ഇപ്പോഴിതാ ശരണ്യയുടെ ഓര്മദിനത്തില് സീമ ജി നായര് പങ്കുവച്ച വൈകാരിക കുറിപ്പ് ശ്രദ്ധ നേടുകയാണ്.
വെറും ഇരുപത്തിയഞ്ച് വയസ് മാത്രം പ്രായമുള്ളപ്പോഴാണ് തലവേദനയുടെ രൂപത്തിൽ കാൻസർ നടിക്ക് പിടിപെടുന്നത്. പിന്നീട് അങ്ങോട്ട് വേദനകളുടെ കാലമായിരുന്നു. പതിനൊന്നോളം സർജറികൾക്ക് പത്ത് വർഷത്തിനിടയിൽ ശരണ്യ വിധേയയായി. രോഗം തിരിച്ചറിഞ്ഞ നിമിഷം മുതൽ ശരണ്യയ്ക്കും കുടുംബത്തിനും സാമ്പത്തികമായും മാനസികമായും പിന്തുണ നൽകി ഒപ്പം നിന്നിരുന്നത് നടി സീമ ജി. നായരായിരുന്നു.
സഹപ്രവർത്തക എന്നതിലുപരി സ്വന്തം കുടുംബാംഗത്തെപ്പോലെയായിരുന്നു ശരണ്യയെ കരുതിയിരുന്നത്. ഇപ്പോഴിതാ ശരണ്യയുടെ ഓര്മദിനത്തില് സീമ ജി നായര് പങ്കുവച്ച വൈകാരിക കുറിപ്പ് ശ്രദ്ധ നേടുകയാണ്.
'' ഇന്നെനിക്കു ശുഭദിനമല്ല.. എന്റെ ശരണ്യ ഞങ്ങളെ വിട്ടുപിരിഞ്ഞിട്ട് അഞ്ചു സംവത്സരങ്ങള്.. ഓര്മകള്ക്ക് മരണമില്ല, അപ്പോള് നിന്റെ ഓര്മ്മകള്ക്കും മരണമില്ല, നിന്നെ ഓര്ക്കാത്ത, നിന്റെ പേര് ഉച്ഛരിക്കാതെ ഒരു ദിവസം പോലും എന്റെ ജീവിതത്തില് കടന്നുപോകുന്നില്ല.. എന്നെ എപ്പോളും അത്ഭുതപെടുത്തുന്ന കാര്യമാണിത്, എന്റെ സുഖത്തിലും, ദുഖത്തിലും നീ എന്നെ ഇപ്പോള് ചേര്ത്തുപിടിക്കുന്നുവെന്ന് എനിക്ക് പലപ്പോളും തോന്നിയിട്ടുണ്ട്.. എന്തൊക്കെ എഴുതിയാലും, പറഞ്ഞാലും നീ കൂടെ ഇല്ലെന്ന ശാശ്വത സത്യം ഉള്കൊള്ളാന് മനസ്സ് ഇപ്പോളും മടിക്കുമ്പോലെ '', സീമ ജി നായര് സമൂഹമാധ്യമങ്ങളില് കുറിച്ചു.
Comments