പാന് മാസാല, ഗുട്ഖ പരസ്യങ്ങളില് നിന്ന് വിട്ടുനില്ക്കാനുളള തീരുമാനത്തെക്കുറിച്ച് തുറന്നുപറഞ്ഞ് നടന് സണ്ണി ഡിയോള്. താന് പിന്തുണയ്ക്കാത്ത ഉത്പന്നങ്ങള് പ്രചരിപ്പിക്കാന് മനസ്സാക്ഷി അനുവദിക്കാത്തതിനാലാണ് ഇത്തരം ഓഫറുകള് നിരസിച്ചതെന്ന് താരം പറയുന്നു. തനിക്ക് വിശ്വാസമില്ലാത്ത കാര്യങ്ങള് പ്രോത്സാഹിപ്പിക്കാന് ആഗ്രഹിക്കുന്നില്ലെന്നും സണ്ണി ഡിയോള് വ്യക്തമാക്കി. ശുഭങ്കര് മിശ്രയുമായുളള ഒരു പോഡ്കാസറ്റിലാണ് അദ്ദേഹം ഇക്കാര്യം വെളിപ്പെടുത്തിയത്.
'ഞാന് പാന് മസാല പരസ്യങ്ങള് ഒരിക്കലും ചെയ്യില്ല. ഞാന് അങ്ങനെയൊന്നും ചെയ്യില്ല. എനിക്ക് അത്തരം വലിയ ഓഫറുകള് വരാറുണ്ട്. പക്ഷേ ഞാന് അതൊക്കെ നിരസിക്കാറുണ്ട്. എനിക്ക് വിശ്വാസമില്ലാത്ത എന്തെങ്കിലും ഒരു കാര്യം ചെയ്യാന് ഞാന് ആഗ്രഹിക്കുന്നില്ല.എനിക്ക് ഇതൊന്നും വിശ്വസിക്കാന് കഴിയില്ല. പ്രൊമോട്ട് ചെയ്യാന് മാത്രം, ഒരു നല്ല കാര്യമാണ് ഇതെന്ന് എനിക്ക് തോന്നുന്നില്ല. ഞാനിതുപോലെ ഒരുപാട് കാര്യങ്ങള് ഞാന് ചെയ്യാറില്ല. കാരണം എന്റെ മനസാക്ഷി അതിന് അനുവദിക്കുന്നില്ല. എനിക്ക് ശരിയെന്ന് തോന്നുന്ന കാര്യങ്ങള് ഞാന് ചെയ്യുന്നു'. - സണ്ണി ഡിയോള് പറഞ്ഞു.
അമിതാഭ് ബച്ചന്, ഷാരുഖ് ഖാന്, ഹൃത്വിക് റോഷന്, അജയ് ദേവ്ഗണ് തുടങ്ങിയ പ്രമുഖ താരങ്ങള് നിരന്തരം ഇത്തരം പരസ്യങ്ങളില് പ്രത്യക്ഷപ്പെടുമ്പോള് എന്തുകൊണ്ടാണ് താന് അതില് ഇല്ലാത്തത് എന്ന ചോദ്യത്തിനും അദ്ദേഹം മറുപടി നല്കി. 'ഞാന് ഇന്ത്യയെയും രാജ്യത്തിന്റെ തനതായ രീതികളെയും പ്രതിനിധീകരിക്കുമ്പോള്, എങ്ങനെയോ പരസ്യങ്ങള് എന്റെ അടുക്കല് എത്തുന്നില്ല. എന്തുകൊണ്ടാണ് അവ എന്റെ അടുക്കല് വരാത്തതെന്ന് എനിക്ക് അറിയില്ല. മുന്പ് സിനിമകള് വരാത്തതു പോലെ, പരസ്യങ്ങളുടെ കാര്യത്തിലും എനിക്കത് അറിയില്ല'.- സണ്ണി ഡിയോള് കൂട്ടിച്ചേര്ത്തു.
മഹാരാഷ്ട്ര ഫുഡ് ആന്ഡ് ഡ്രഗ് അഡ്മിനിസ്ട്രേഷന് (എഫ്ഡിഎ) ഷാരുഖ് ഖാന്, അജയ് ദേവ്ഗണ്, ടൈഗര് ഷറോഫ് എന്നിവര്ക്കെതിരെ കാരണം കാണിക്കല് നോട്ടീസ് അയച്ച പശ്ചാത്തലത്തിലാണ് സണ്ണിയുടെ പ്രതികരണം. വിമല് ഏലൈച്ചി എന്ന ഉത്പന്നത്തിന്റെ പരസ്യത്തില് അഭിനയിച്ചതിനാണ് ഇവര്ക്കെതിരെ നടപടി.
അതേസമയം, പ്രീതി സിന്റ, ശബാന ആസ്മി, കരണ് ഡിയോള് , അലി ഫസല് എന്നിവര്ക്കൊപ്പം അഭിനയിച്ച ബത്വാര 1947 എന്ന ചിത്രത്തിലാണ് സണ്ണി ഡിയോള് അവസാനമായി അഭിനയിച്ചത്. നിതേഷ് തിവാരിയുടെ സംവിധാനത്തില് ഒരുക്കുന്ന രാമായണ ആണ് താരത്തിന്റെ പുതിയ ചിത്രം. ചിത്രത്തില് ഹനുമാന്റെ വേഷത്തിലാണ് സണ്ണി ഡിയോള് പ്രേക്ഷകര്ക്ക് മുന്നിലെത്തുക.
'ഞാന് പാന് മസാല പരസ്യങ്ങള് ഒരിക്കലും ചെയ്യില്ല. ഞാന് അങ്ങനെയൊന്നും ചെയ്യില്ല. എനിക്ക് അത്തരം വലിയ ഓഫറുകള് വരാറുണ്ട്. പക്ഷേ ഞാന് അതൊക്കെ നിരസിക്കാറുണ്ട്. എനിക്ക് വിശ്വാസമില്ലാത്ത എന്തെങ്കിലും ഒരു കാര്യം ചെയ്യാന് ഞാന് ആഗ്രഹിക്കുന്നില്ല.എനിക്ക് ഇതൊന്നും വിശ്വസിക്കാന് കഴിയില്ല. പ്രൊമോട്ട് ചെയ്യാന് മാത്രം, ഒരു നല്ല കാര്യമാണ് ഇതെന്ന് എനിക്ക് തോന്നുന്നില്ല. ഞാനിതുപോലെ ഒരുപാട് കാര്യങ്ങള് ഞാന് ചെയ്യാറില്ല. കാരണം എന്റെ മനസാക്ഷി അതിന് അനുവദിക്കുന്നില്ല. എനിക്ക് ശരിയെന്ന് തോന്നുന്ന കാര്യങ്ങള് ഞാന് ചെയ്യുന്നു'. - സണ്ണി ഡിയോള് പറഞ്ഞു.
അമിതാഭ് ബച്ചന്, ഷാരുഖ് ഖാന്, ഹൃത്വിക് റോഷന്, അജയ് ദേവ്ഗണ് തുടങ്ങിയ പ്രമുഖ താരങ്ങള് നിരന്തരം ഇത്തരം പരസ്യങ്ങളില് പ്രത്യക്ഷപ്പെടുമ്പോള് എന്തുകൊണ്ടാണ് താന് അതില് ഇല്ലാത്തത് എന്ന ചോദ്യത്തിനും അദ്ദേഹം മറുപടി നല്കി. 'ഞാന് ഇന്ത്യയെയും രാജ്യത്തിന്റെ തനതായ രീതികളെയും പ്രതിനിധീകരിക്കുമ്പോള്, എങ്ങനെയോ പരസ്യങ്ങള് എന്റെ അടുക്കല് എത്തുന്നില്ല. എന്തുകൊണ്ടാണ് അവ എന്റെ അടുക്കല് വരാത്തതെന്ന് എനിക്ക് അറിയില്ല. മുന്പ് സിനിമകള് വരാത്തതു പോലെ, പരസ്യങ്ങളുടെ കാര്യത്തിലും എനിക്കത് അറിയില്ല'.- സണ്ണി ഡിയോള് കൂട്ടിച്ചേര്ത്തു.
മഹാരാഷ്ട്ര ഫുഡ് ആന്ഡ് ഡ്രഗ് അഡ്മിനിസ്ട്രേഷന് (എഫ്ഡിഎ) ഷാരുഖ് ഖാന്, അജയ് ദേവ്ഗണ്, ടൈഗര് ഷറോഫ് എന്നിവര്ക്കെതിരെ കാരണം കാണിക്കല് നോട്ടീസ് അയച്ച പശ്ചാത്തലത്തിലാണ് സണ്ണിയുടെ പ്രതികരണം. വിമല് ഏലൈച്ചി എന്ന ഉത്പന്നത്തിന്റെ പരസ്യത്തില് അഭിനയിച്ചതിനാണ് ഇവര്ക്കെതിരെ നടപടി.
അതേസമയം, പ്രീതി സിന്റ, ശബാന ആസ്മി, കരണ് ഡിയോള് , അലി ഫസല് എന്നിവര്ക്കൊപ്പം അഭിനയിച്ച ബത്വാര 1947 എന്ന ചിത്രത്തിലാണ് സണ്ണി ഡിയോള് അവസാനമായി അഭിനയിച്ചത്. നിതേഷ് തിവാരിയുടെ സംവിധാനത്തില് ഒരുക്കുന്ന രാമായണ ആണ് താരത്തിന്റെ പുതിയ ചിത്രം. ചിത്രത്തില് ഹനുമാന്റെ വേഷത്തിലാണ് സണ്ണി ഡിയോള് പ്രേക്ഷകര്ക്ക് മുന്നിലെത്തുക.
Comments