ജീവിതകാലം മുഴുവൻ സമ്പാദിച്ച പണം ഒരാൾക്ക് ഉപയോഗിക്കാൻ പോലും കഴിയാതെ പോയാൽ എന്തായിരിക്കും അവസ്ഥ? കർണാടകയിലെ മാണ്ഡ്യയിൽ നിന്നുള്ള ഹൂർ ഉന്നീസയുടെ മരണത്തിന് പിന്നാലെ പുറത്തുവന്ന കാഴ്ചയാണ് ഇപ്പോൾ സമൂഹമാധ്യമങ്ങളിൽ ചർച്ചയാകുന്നത്. വർഷങ്ങളായി യാചന നടത്തി ജീവിച്ചിരുന്ന 68 കാരിയുടെ വാടകവീട്ടിൽ നിന്ന് നിരവധി ചാക്കുകളിൽ നിറച്ച പണവും നാണയങ്ങളും കണ്ടെത്തുകയായിരുന്നു.
മരണത്തിന് ശേഷം നാട്ടുകാർ വീട്ടിൽ പരിശോധന നടത്തിയപ്പോഴാണ് കാഴ്ച കണ്ട് അമ്പരന്നത്. 10, 20, 50 രൂപയുടെ നോട്ടുകൾക്കൊപ്പം ആയിരക്കണക്കിന് നാണയങ്ങളുമാണ് ചാക്കുകളിൽ നിറച്ചിരുന്നത്. 30-ലേറെ ചാക്കുകളിലായി സൂക്ഷിച്ചിരുന്ന പണം എണ്ണിത്തുടങ്ങിയപ്പോൾ ആദ്യഘട്ടത്തിൽ തന്നെ ഏകദേശം 8 മുതൽ 9 ലക്ഷം രൂപ വരെ കണ്ടെത്തി. എന്നാൽ ബാക്കിയുള്ള ചാക്കുകളിലെ പണം കൂടി എണ്ണിയാൽ ആകെ തുക 30 ലക്ഷം രൂപയിലധികമാകാമെന്നായിരുന്നു പ്രാഥമിക വിലയിരുത്തൽ.
ഹൂർ സഹോദരിയോടൊപ്പമായിരുന്നു വാടകവീട്ടിൽ താമസിച്ചിരുന്നത്. ഏകദേശം രണ്ട് വർഷം മുൻപ് സഹോദരി മരിച്ചതിന് ശേഷം ഹൂർ ഒറ്റയ്ക്കായിരുന്നു കഴിഞ്ഞിരുന്നത്. വിവാഹം കഴിക്കാതിരുന്ന ഇരുവരും വർഷങ്ങളായി യാചനയിലൂടെയായിരുന്നു ജീവിതം മുന്നോട്ടുകൊണ്ടുപോയിരുന്നത്. ലളിതമായ ജീവിതം നയിച്ചിരുന്ന ഹൂറിന്റെ വീട്ടിൽ ഇത്രയധികം പണം കണ്ടെത്തിയത് നാട്ടുകാരെ അമ്പരപ്പിച്ചു.
മരണശേഷം കണ്ടെത്തിയ പണത്തിന്റെ കൃത്യമായ തുക സംബന്ധിച്ച് വിവിധ റിപ്പോർട്ടുകളിൽ വ്യത്യസ്ത കണക്കുകളാണ് പുറത്തുവന്നത്. പണം എണ്ണി പൂർത്തിയാക്കിയതിന് ശേഷം അത് ഹൂറിന്റെ സഹോദരന്മാർക്ക് കൈമാറിയതായി റിപ്പോർട്ടുകളുണ്ട്. വർഷങ്ങളോളം കഷ്ടപ്പെട്ട് സ്വരുക്കൂട്ടിയ പണം ഒടുവിൽ ഉപയോഗിക്കാനാകാതെ അവശേഷിച്ച സംഭവമാണ് ഇപ്പോൾ വൈറലാകുന്നത്. ‘സമ്പാദിച്ചു, പക്ഷേ ഉപയോഗിക്കാൻ കഴിഞ്ഞില്ല’ എന്ന വിരോധാഭാസമാണ് ഈ സംഭവത്തെ സോഷ്യൽ മീഡിയയിലെ ചർച്ചാവിഷയമാക്കുന്നത്.
മരണത്തിന് ശേഷം നാട്ടുകാർ വീട്ടിൽ പരിശോധന നടത്തിയപ്പോഴാണ് കാഴ്ച കണ്ട് അമ്പരന്നത്. 10, 20, 50 രൂപയുടെ നോട്ടുകൾക്കൊപ്പം ആയിരക്കണക്കിന് നാണയങ്ങളുമാണ് ചാക്കുകളിൽ നിറച്ചിരുന്നത്. 30-ലേറെ ചാക്കുകളിലായി സൂക്ഷിച്ചിരുന്ന പണം എണ്ണിത്തുടങ്ങിയപ്പോൾ ആദ്യഘട്ടത്തിൽ തന്നെ ഏകദേശം 8 മുതൽ 9 ലക്ഷം രൂപ വരെ കണ്ടെത്തി. എന്നാൽ ബാക്കിയുള്ള ചാക്കുകളിലെ പണം കൂടി എണ്ണിയാൽ ആകെ തുക 30 ലക്ഷം രൂപയിലധികമാകാമെന്നായിരുന്നു പ്രാഥമിക വിലയിരുത്തൽ.
ഹൂർ സഹോദരിയോടൊപ്പമായിരുന്നു വാടകവീട്ടിൽ താമസിച്ചിരുന്നത്. ഏകദേശം രണ്ട് വർഷം മുൻപ് സഹോദരി മരിച്ചതിന് ശേഷം ഹൂർ ഒറ്റയ്ക്കായിരുന്നു കഴിഞ്ഞിരുന്നത്. വിവാഹം കഴിക്കാതിരുന്ന ഇരുവരും വർഷങ്ങളായി യാചനയിലൂടെയായിരുന്നു ജീവിതം മുന്നോട്ടുകൊണ്ടുപോയിരുന്നത്. ലളിതമായ ജീവിതം നയിച്ചിരുന്ന ഹൂറിന്റെ വീട്ടിൽ ഇത്രയധികം പണം കണ്ടെത്തിയത് നാട്ടുകാരെ അമ്പരപ്പിച്ചു.
മരണശേഷം കണ്ടെത്തിയ പണത്തിന്റെ കൃത്യമായ തുക സംബന്ധിച്ച് വിവിധ റിപ്പോർട്ടുകളിൽ വ്യത്യസ്ത കണക്കുകളാണ് പുറത്തുവന്നത്. പണം എണ്ണി പൂർത്തിയാക്കിയതിന് ശേഷം അത് ഹൂറിന്റെ സഹോദരന്മാർക്ക് കൈമാറിയതായി റിപ്പോർട്ടുകളുണ്ട്. വർഷങ്ങളോളം കഷ്ടപ്പെട്ട് സ്വരുക്കൂട്ടിയ പണം ഒടുവിൽ ഉപയോഗിക്കാനാകാതെ അവശേഷിച്ച സംഭവമാണ് ഇപ്പോൾ വൈറലാകുന്നത്. ‘സമ്പാദിച്ചു, പക്ഷേ ഉപയോഗിക്കാൻ കഴിഞ്ഞില്ല’ എന്ന വിരോധാഭാസമാണ് ഈ സംഭവത്തെ സോഷ്യൽ മീഡിയയിലെ ചർച്ചാവിഷയമാക്കുന്നത്.
Comments