പ്രധാനമന്ത്രി നരേന്ദ്ര മോദിക്ക് ജന്മദിനാശംസകള്‍ നേര്‍ന്ന് കേന്ദ്രമന്ത്രിയും നടനുമായ സുരേഷ് ഗോപി. പ്രധാനമന്ത്രിയുടെ എഴുപത്തിയാറാം ജന്മദിനമാണിന്ന്.
''പ്രിയപ്പെട്ട പ്രധാനമന്ത്രി ശ്രീ നരേന്ദ്ര മോദിജിക്ക് ഹൃദയം നിറഞ്ഞ ജന്മദിനാശംസകള്‍! 2001 ഒക്ടോബര്‍ 7-ന് ഗുജറാത്ത് മുഖ്യമന്ത്രിയായി സത്യപ്രതിജ്ഞ ചെയ്തതോടെ ആരംഭിച്ച ഭരണനേതൃത്വത്തിന്റെ 25-ാം വര്‍ഷത്തിലേക്കുള്ള യാത്രയും അദ്ദേഹം പൂര്‍ത്തിയാക്കുകയാണ്.
വികസിത ഭാരതം എന്ന സ്വപ്നത്തിലേക്കുള്ള യാത്രയില്‍ അങ്ങയുടെ നേതൃത്വത്തിന് ഇനിയും കൂടുതല്‍ കരുത്തും ഊര്‍ജവും ലഭിക്കട്ടെ. ആരോഗ്യവും ആയുരാരോഗ്യവും നല്‍കി അങ്ങയെ അനുഗ്രഹിക്കട്ടെ എന്ന് പ്രാര്‍ത്ഥിക്കുന്നു. ജന്മദിനാശംസകള്‍ മോദിജി! '', സുരേഷ് ഗോപി സമൂഹമാധ്യമങ്ങളില്‍ കുറിച്ചു.
നടന്‍ മമ്മൂട്ടിയും പ്രധാനമന്ത്രിക്ക് ആശംസകള്‍ നേര്‍ന്ന് എത്തി. '' ബഹുമാനപ്പെട്ട പ്രധാനമന്ത്രി ശ്രീ നരേന്ദ്ര മോദിജിക്ക് ജന്മദിനാശംസകള്‍'', എന്നാണ് മമ്മൂട്ടിയുടെ വാക്കുകള്‍.
Comments