iQOO Z11 Lite 5G ഫോണിന്റെ പുതിയ റാം, സ്റ്റോറേജ് പതിപ്പ് ഇന്ത്യയില്‍ അവതരിപ്പിച്ചു. കഴിഞ്ഞ ജൂലൈയില്‍ രാജ്യത്ത് പുറത്തിറക്കിയ Z11 സീരീസ് സ്മാര്‍ട്ട്ഫോണ്‍ ആദ്യം മൂന്ന് റാം, സ്റ്റോറേജ് ഓപ്ഷനുകളിലാണ് ലഭ്യമായിരുന്നത്. പുതിയ iQOO Z11 Lite 5G വേരിയന്റ് നിലവില്‍ ആമസോണ്‍ ഇന്ത്യ (Amazon India) വഴി ലഭ്യമാണ്. മീഡിയടെക് ഡൈമന്‍സിറ്റി 6300 (MediaTek Dimensity 6300) ചിപ്സെറ്റില്‍ പ്രവര്‍ത്തിക്കുന്ന ഈ ഫോണിന് 6.74 ഇഞ്ച് ഡിസ്പ്ലേയാണുള്ളത്. 50 മെഗാപിക്‌സല്‍ പ്രൈമറി റിയര്‍ ക്യാമറയും, 44W ചാര്‍ജിംഗ് പിന്തുണയുള്ള 6,500mAh ബാറ്ററിയുമാണ് iQOO Z11 Lite 5G-യില്‍ ഉള്ളത്.
iQOO Z11 Lite 5G: ഇന്ത്യയിലെ വിലയും ലഭ്യതയും
iQOO Z11 Lite 5G ഇപ്പോള്‍ പുതിയ 4GB RAM + 64GB സ്റ്റോറേജ് വേരിയന്റിലും ലഭ്യമാണ്. ആമസോണ്‍ ഇന്ത്യയില്‍ 17,499 രൂപയ്ക്കാണ് ഇത് ലിസ്റ്റ് ചെയ്തിരിക്കുന്നത്. എന്നാല്‍ വരാനിരിക്കുന്ന 'ആമസോണ്‍ ഗ്രേറ്റ് ഇന്ത്യന്‍ ഫെസ്റ്റിവല്‍ സെയിലില്‍' (Amazon Great Indian Festival Sale) 15,999 രൂപയ്ക്ക് ഇത് സ്വന്തമാക്കാമെന്ന് പ്ലാറ്റ്ഫോമിലെ പ്രൊമോഷണല്‍ ബാനര്‍ വ്യക്തമാക്കുന്നു.
പുതിയ 4GB RAM, 64GB സ്റ്റോറേജ് വേരിയന്റ് iQOO ഇന്ത്യയുടെ ഔദ്യോഗിക വെബ്സൈറ്റില്‍ ഇതുവരെ ഉള്‍പ്പെടുത്തിയിട്ടില്ല. ഈ പുതിയ പതിപ്പ് ആമസോണ്‍ ഇന്ത്യയില്‍ മാത്രമായി പരിമിതപ്പെടുത്തുമോ എന്ന കാര്യത്തില്‍ കമ്പനി സ്ഥിരീകരണം നല്‍കിയിട്ടില്ല.
ജൂലൈയില്‍ ഇന്ത്യയില്‍ പുറത്തിറങ്ങിയ iQOO Z11 Lite 5G-യുടെ 4GB + 128GB, 6GB + 128GB, 6GB + 256GB റാം/സ്റ്റോറേജ് പതിപ്പുകള്‍ക്ക് യഥാക്രമം 19,499 രൂപ, 21,499 രൂപ, 24,499 രൂപ എന്നിങ്ങനെയായിരുന്നു വില. പുതിയ വേരിയന്റ് അവതരിപ്പിച്ചതോടെ കുറഞ്ഞ സ്റ്റോറേജ് ഓപ്ഷനും ഉപഭോക്താക്കള്‍ക്ക് ലഭ്യമാകുകയാണ്.
iQOO Z11 Lite 5G: സവിശേഷതകള്‍
120Hz വരെ റിഫ്രഷ് റേറ്റ് നല്‍കുന്ന 6.74 ഇഞ്ച് HD LCD പാനലാണ് iQOO Z11 Lite-ല്‍ ഉള്ളത്. 6nm മീഡിയടെക് ഡൈമന്‍സിറ്റി 6300 SoC പ്രോസസറില്‍ പ്രവര്‍ത്തിക്കുന്ന ഈ ഫോണില്‍ 6GB വരെയുള്ള LPDDR4X റാമും 256GB വരെയുള്ള UFS 2.2 ഇന്‍ബില്‍റ്റ് സ്റ്റോറേജുമുണ്ട്. ക്യാമറകളുടെ കാര്യമെടുത്താല്‍, 50 മെഗാപിക്‌സല്‍ സോണി IMX852 പ്രൈമറി റിയര്‍ ക്യാമറയും 0.08 മെഗാപിക്‌സല്‍ സെക്കന്‍ഡറി സെന്‍സറുമാണ് ഫോണിലുള്ളത്. സെല്‍ഫികള്‍ക്കും വീഡിയോ കോളുകള്‍ക്കുമായി 5 മെഗാപിക്‌സല്‍ ഫ്രണ്ട് ക്യാമറ നല്‍കിയിരിക്കുന്നു. 44W ഫ്‌ലാഷ്ചാര്‍ജ്, റിവേഴ്സ് ചാര്‍ജിംഗ് പിന്തുണയുള്ള 6,500mAh ബാറ്ററിയാണ് ഇതില്‍ ഉള്‍പ്പെടുത്തിയിരിക്കുന്നത്. പൊടിയില്‍ നിന്നും വെള്ളത്തില്‍ നിന്നും സംരക്ഷണം നല്‍കുന്ന IP65 റേറ്റിംഗോട് കൂടിയാണ് ഈ ഫോണ്‍ വരുന്നത്.
Comments