തിരുവനന്തപുരത്ത് ടിപ്പർ തട്ടി സ്കൂട്ടർ യാത്രികന് ദാരുണാന്ത്യം

തിരുവനന്തപുരം. ഉച്ചക്ക് ഒരു മണിക്കാണ് സംഭവം. തീരദേശ പാതയിൽ മരിയനാട് ഗ്രൗണ്ടിന് സമീപമാണ് സംഭവം.മംഗലപുരം ഇടവിളാകം സ്വദേശി സാജു (58) ആണ് മരിച്ചത്.

സാജു സഞ്ചരിച്ച സ്കൂട്ടർ ഇടതുഭാ​ഗത്തേക്ക് തിരിക്കുമ്പോൾ പെരുമാതുറ ഭാഗത്തേക്ക് പോയ ടിപ്പറിന്റെ പിൻഭാഗം തട്ടി റോഡിലേക്ക് വീണു. ഉടൻതന്നെ പുത്തൻതോപ്പ് ആരോഗ്യ കേന്ദ്രത്തിൽ എത്തിച്ചെങ്കിലും മരിച്ചു. മൃതദേഹം മെഡിക്കൽ കോളേജ് മോർച്ചറിയിലേക്ക് മാറ്റി. കഠിനംകുളം പൊലീസ് അന്വേഷണം തുടങ്ങി. ഇതേ രീതിൽ ഇന്നലെ കഠിനംകുളത്ത് കെഎസ്ആർടിസി ബസ് കയറി ഇറങ്ങി യുവതിക്ക് ദാരുണാന്ത്യം സംഭവിച്ചിരുന്നു.