തിരുവനന്തപുരം: ചിറയിന്‍കീഴില്‍ കോണ്‍ഗ്രസിന്റെ പ്രാദേശിക പ്രവര്‍ത്തകരുമായി ഉണ്ടായ വിവാദത്തിന് പിന്നാലെ എംഎല്‍എ രമ്യാ ഹരിദാസിന്റെ പി.എ. വി.വിമല്‍ രാജിക്കത്ത് സമര്‍പ്പിച്ചു. ജോലിഭാരത്തെ തുടര്‍ന്നാണ് രാജിയെന്നാണ് എംഎല്‍എ നല്‍കുന്ന വിശദീകരണം. ഇന്നലെ രാത്രി രാജിക്കത്ത് എംഎല്‍എയുടെ ഓഫീസില്‍ സമര്‍പ്പിച്ചതായിട്ടാണ് വിവരം.
വ്യക്തിപരമായ കാരണെമന്നാണ് വിമല്‍ പാര്‍ട്ടിയെ അറിയിച്ചിരിക്കുന്നത്. പകരം ചിറയിന്‍കീഴ് എംഎല്‍എ യുടെ പി.എ. ആയി മറ്റൊരാളെ ഉടന്‍ നിയോഗിച്ചേക്കും. നേരത്തേ രമ്യയും കോണ്‍ഗ്രസ് പ്രവര്‍ത്തകരും തമ്മില്‍ നടത്തിയ കയ്യാങ്കളില്‍ പാര്‍ട്ടിക്ക് വലിയ നാണക്കേട് ഉണ്ടായിരുന്നു. ഇതിന് പിന്നാലെ നടന്ന തദ്ദേശ ഉപതെരഞ്ഞെടുപ്പില്‍ ചിറയിന്‍കീഴില്‍ പാര്‍ട്ടി വന്‍ തോല്‍വി ഏറ്റുവാങ്ങിയിരുന്നു.
പാര്‍ട്ടിയുടെ അച്ചടക്കനടപടിയില്‍ രമ്യയ്ക്ക് താക്കീത് നല്‍കുകയും പാളയം പ്രദീപ് ഉള്‍പ്പെടെ രണ്ടുപേരെ പുറത്താക്കിയിരുന്നു. സര്‍വീസ് സംഘടനയുടെ നേതാവ് കൂടെയാണ് രാജിവെച്ച വിമല്‍. അടുത്തിടെ രമ്യാഹരിദാസ് നിരന്തരം വിവാദത്തില്‍ പെടുന്നുണ്ട്. പുതിയ കെഎസ്ആര്‍ടിസി ബസ് സര്‍വീസ് ഉദ്ഘാടനം ചെയ്തതുമായി ബന്ധപ്പെട്ടതാണ് ഏറ്റവും പുതിയ വിവാദം. രമ്യാഹരിദാസ് പരിപാടിക്ക് എത്താതിരുന്നതിനെ തുടര്‍ന്ന് മന്ത്രി ബിന്ദു കൃഷ്ണയുടെ ഭര്‍ത്താവ് ആണ് ഉദ്ഘാടനം ചെയ്തത്. ചിറയിന്‍കീഴിലാണ് സംഭവം.
Comments