ന്യൂഡല്ഹി: ജാര്ഖണ്ഡ് ഗവര്ണര് ദ്രൗപതി മുര്മു എന്.ഡി.എയുടെ രാഷ്ട്രപതി സ്ഥാനര്ത്ഥി ആയേക്കും. ദേശീയ മാധ്യമങ്ങളാണ് ഇക്കാര്യം റിപ്പോര്ട്ട് ചെയ്തത്. വാര്ത്ത ശരിയായാല് ആദിവാസി വിഭാഗത്തില് നിന്നുള്ള ആദ്യ രാഷ്ട്രപതി സ്ഥാനാര്ത്ഥിയാകും അവര്. ജാര്ഖണ്ഡിലെ ആദ്യ വനിതാ ഗവര്ണറായ ദ്രൗപതി മുര്മു 2015 മെയ് 18നാണ് ഗവര്ണറായി ചുമതലയേറ്റത്.
ഒഡീഷയില് നിന്നുള്ള നേതാവായ ദ്രൗപതി മുര്മു രണ്ട് തവണ എം.എല്.എ ആയിരുന്നു. ബി.ജെ.പിയുടെ മയൂര്ബഞ്ച് ജില്ലാ ഘടകം പ്രസിഡന്റ് ആയും അവര് പ്രവര്ത്തിച്ചിട്ടുണ്ട്. ബിജു ജനതാദള്-ബി.ജെ.പി സര്ക്കാരില് നവീന് പട്നായിക് മന്ത്രിസഭയിലും അംഗമായിരുന്നു. കൗണ്സിലായി 1997ലാണ് ദ്രൗപതി മര്മു തന്റെ രാഷ്ട്രീയ ജീവിതം തുടങ്ങിയത്.
രാഷ്ട്രപതി പ്രണബ് മുഖര്ജിയുടെ കാലാവധി ജൂലൈ 25ന് അവസാനിക്കും. ദ്രൗപതി മുര്മുവിന് പുറമെ ലോക്സഭാ സ്പീക്കര് സുമിത്ര മഹാജന്, വിദേശകാര്യ മന്ത്രി സുഷമ സ്വരാജ്, കേന്ദ്രമന്ത്രി വെങ്കയ്യ നായിഡു എന്നിവരുടെ പേരുകളും സജീവ പരിഗണനയിലുണ്ട്.
