വീണ്ടും പ്രണയിക്കാനുള്ള അപേക്ഷ നിഷ്ക്കരുണം തള്ളിയ മുന് കാമുകിയോട് പ്രതികാരം തീര്ക്കാന് സംഗീതജ്ഞന് ഫേസ്ബുക്ക് ലൈവ് നല്കി കാമുകിയുടെ കണ്മുന്നില് മണ്ണെണ്ണയൊഴിച്ച് സ്വയം തീകൊളുത്തി. ടെന്നീസില് നടന്ന സംഭവത്തില് ജെര്ഡ് മക്ലിമോര് എന്ന 33 കാരനാണ് മരണത്തിന് കീഴടങ്ങിയത്. മുന് കാമുകി ജോലി ചെയ്യുന്ന ബാറിന് മുന്നില് നടു റോഡില് ഇരുന്ന് മണ്ണെണ്ണയൊഴിക്കുന്നതും തീ കൊളുത്തുന്നതുമെല്ലാം ശരിയാഴ്ച രാത്രി ഫേസ്ബുക്കില് ലൈവായി നല്കി.
മുമ്പ് പല തവണ ഗാര്ഹിക പീഡനത്തിന് പിടിയലായിട്ടുള്ള മക്ളിമോര് രണ്ടു മിനിറ്റ് നീളുന്ന വീഡിയോയില് മണ്ണെണ്ണയില് കുളിക്കുന്നതും അതിന് ശേഷം എഴുന്നേറ്റ് ഏതാനും ദൂരം നടക്കുന്നതും പിന്നീട് ഓടി വരുന്നതും തീ കൊളുത്തുന്നതുമെല്ലാം വീഡിയോയിലുണ്ട്. ബാറില് സൗണ്ട് എഞ്ചിനീയറായി ജോലി ചെയ്തിരുന്ന അലീസാ മൂറാണ് ഇയാളുടെ മുന് കാമുകി. മക്ളിമോര് തീ പിടിച്ച് കത്തിയമരുമ്പോള് അടുത്തു നില്ക്കുന്നവര് തുണിയും മറ്റുമിട്ട് തീ കെടുത്താന് ശ്രമിക്കുകയും ചെയ്യുന്നുണ്ട്. ആദ്യം ആള്ക്കാര് കരുതിയത് വെറും തമായാണെന്നായിരുന്നു.
സ്വയം കൊളുത്തുന്നതിന് മുമ്പ് മക്ളിമോര് മൂറിനെ സമീപിക്കുകയും ഗുഡ്ബൈ എന്നോ മറ്റോ പറയുകയും ചെയ്തു. പിന്നീട് താന് മണ്ണെണ്ണയില് കുളിച്ചു നില്ക്കുകയാണെന്ന് കാണിക്കാന് വിരല് കൊണ്ട് മണ്ണെണ്ണ വടിച്ച് കാണിക്കുകയും ചെയ്യുന്നുണ്ട്. പിന്നീട് തെരുവില് റോഡ് ക്രോസ് ചെയ്യുകയും അതിന് ശേഷം അലീസ പുറത്തേക്ക് നടന്നു വരുമ്പോള് പെട്ടെന്ന് ഓടിയെത്തി തീ കൊളുത്തുകയുമായിരുന്നു. ഇതിന് ശേഷം അലീസയെ പിടിക്കാന് എത്തുകയും ചെയ്യുന്നുണ്ട്. എന്നാല് ഉള്ളിലേക്ക് കയറിയ മൂര് വാതില് അടച്ചു രക്ഷപ്പെട്ടു.
പ്രണയകാലത്ത് പോലും മൂറിനെ മക്ലിമോര് നന്നായി ഉപദ്രവിക്കുമായിരുന്നു. ഇതേ തുടര്ന്ന് മൂര് ഇയാളില് നിന്നും അകലം പാലിക്കുകയും ചെയ്തിരുന്നു. ഒരിക്കല് കൊല്ലുമെന്ന് ഭീഷണി മുഴക്കിയ മക്ളിമോര് 2016 ആഗസ്റ്റില് കാമുകിയെ ശ്വാസം മുട്ടിച്ചു കൊല്ലാന് ശ്രമിച്ചതിന് അറസ്റ്റിലാകുകയും ചെയ്തിരുന്നു. ഈ വര്ഷം ഏപ്രിലില് ഗാര്ഹിക പീഡനത്തിന് ജയില് ശിക്ഷ വരെ അനുഭവിച്ച മക്ളിമോര് തന്നെ ശല്യം ചെയ്യരുതെന്ന് മൂര് പല തവണ പറഞ്ഞിട്ടും പലപ്പോഴും ലംഘിച്ചു കൊണ്ടിരുന്നു.
