വടക്കന് കാബൂളില് നിന്നും മുന് ജിഹാദി കമാന്റ്ര് ഷോമാലി തട്ടിക്കൊണ്ടു പോകുമ്പോള് അവന് വെറും 14 വയസ്സേ പ്രായമായിട്ടുള്ളൂ. നിരവധി പാര്ട്ടികളില് ലൈംഗികചുവയുള്ള സംസാരങ്ങള് കൊണ്ട് രസിക്കുന്ന മദ്ധ്യവയസ്ക്കര്ക്ക് ഇടയില് മേക്കപ്പ് ചെയ്ത് വ്യാജമാറിടവും നിതംബവും വെച്ചു കെട്ടി സുന്ദരിയായി ഒരുങ്ങി അറിയാവുന്ന ശരീര വഴക്കത്തില് നൃത്തം ചവിട്ടിട്ടിയിട്ടുണ്ട്. എല്ലാം കഴിയുമ്പോള് മദ്ധ്യവയസ്ക്കരുടെ കാമ ചേഷ്ടകള്ക്ക് പെണ്വേഷം കെട്ടി നിന്നു കൊടുക്കുകയും ചെയ്യേണ്ടി വരും. ഈ പയ്യനെപ്പോലെ അനേകം ജവാദ് മാര്ക്കാണ് അഫ്ഗാനില് ബച്ചാബാസിയുടെ ഇരുണ്ട ഇടങ്ങളിലേക്ക് തള്ളപ്പെടേണ്ടി വന്നിട്ടുള്ളത്.
അഫ്ഗാനിലെ പണക്കാര്ക്കിടയില് അധികമാരും അറിയാത്ത നിഗൂഡ ആചാരങ്ങളില് ഒന്നായ 'ബച്ചാബാസി' യുടെ ഇരയാണ് അവന്. ഒരര്ത്ഥത്തില് പറഞ്ഞാല് പെണ്വേഷം കെട്ടിയ ആണ് പണക്കാരനായ യജമാനന് കിടക്കയില് വഴങ്ങിക്കൊടുക്കേണ്ടി വരുന്ന ആചാരം. പാര്ട്ടികളിലെ കെട്ടിയാടലുകള്ക്കിടയില് ആര്ക്കെങ്കിലും കാമം തോന്നിയാല് ഈ കൗമാരക്കാരനെ ബലാത്സംഗത്തിന് ഇരയാക്കും. രാഷ്ട്രീയക്കാരായ അധികാരി വര്ഗ്ഗങ്ങളും കമാന്റര്മാരുമായ യുദ്ധപ്രഭുക്കളും പണക്കാരും ലൈംഗികാടിമകളായും അല്ലാതെയും ഒക്കെ ഉപയോഗിക്കപ്പെടുന്ന പത്തിനും 18 നും ഇടയില് പ്രായക്കാരായ കുട്ടികളെയാണ് അഫ്ഗാനില് 'ബച്ചാസ്' എന്നറിയപ്പെടുന്നത്.
സ്വവര്ഗ്ഗരതി നിഷിദ്ധമാണെങ്കിലും ഇസ്ളാമില് നിരോധിക്കപ്പെട്ടതായിട്ടും ഇപ്പോഴും വ്യാപകമായി ഈ സംസ്ക്കാരം അഫ്ഗാനിസ്ഥാന്റെ വിവിധ ഇടങ്ങളില് പാലിക്കപ്പെടുന്നു. 'സ്ത്രീകള് കുട്ടികളെ പോറ്റാനും, ആണ്കുട്ടികള് സന്തോഷത്തിനും' എന്ന ഒരു ചൊല്ല് പോലും അഫ്ഗാനിസ്ഥാനിലുണ്ട്. കുട്ടികളില് നിന്നും നിഷ്ക്കളങ്കമായ ബാല്യവും വര്ണ്ണങ്ങള്ക്ക് ഒപ്പം കഴിയേണ്ട കൗമാരവും നുള്ളിപ്പറിച്ച് അവരെ കടുത്ത വിഷാദത്തിലേക്കും അക്രമവാസനയിലേക്കും ആത്മവിശ്വാസമില്ലായ്മയിലേക്കും പകയിലേക്കും നിഷ്ഠൂര മനശ്ശാസ്ത്ത്രിലേക്കും നയിക്കുന്ന ഈ സംസ്ക്കാരം അഫ്ഗാനിസ്ഥാന്റെ കിഴക്ക്-തെക്ക് പ്രവിശ്യകളിലും പഷ്തൂണുകളുടെ ചില പ്രാന്ത പ്രദേശത്തും താജിക്കുകള്ക്ക് പ്രാമുഖ്യമുള്ള വടക്കന് ഭാഗങ്ങളിലും വ്യാപകമാണ്. പെണ്ഭ്രൂണഹത്യ വ്യാപകമായ അഫ്ഗാനില് സ്ത്രീ സംസര്ഗ്ഗം പുരുഷന്മാര്ക്ക് വേണ്ടത്ര കിട്ടാത്ത സാഹചര്യമാണ് ബച്ചാ ബാസിയിലേക്ക് നയിക്കുന്നതെന്നാണ് പുരോഗമന വാദികള് പറയുന്നത്. നാലു വര്ഷം മുമ്പാണ് ജാവേദിനെ അവന്റെ യജമാനന് തട്ടിക്കൊണ്ടു പോയത്. പിന്നീട് ലൈംഗികാടിമയാക്കി. അതിന് ശേഷം മറ്റൊരാള്ക്ക് വിലയ്ക്ക് വിറ്റു. എന്നാല് ഒരു രാത്രിയില് അവന് അതിഥികളെ സന്തോപ്പിക്കാന് നിയോഗിതായ പാര്ട്ടിയില് ഉടലെടുത്ത കോലാഹലത്തിനിടയില് അവിടെ നിന്നും ഓടി രക്ഷപ്പെട്ടു. പക്ഷേ വിദ്യാഭ്യാസമോ അറിവോ കിട്ടിയിട്ടില്ലാത്ത അയാള്ക്ക് ജീവനോപാധിയായ നൃത്തം മാത്രമേ അറിയുമായിരുന്നുള്ളു. രണ്ടു തവണ രക്ഷപെടാന് ഇയാള് നടത്തിയ ശ്രമങ്ങളും ഹെല്മണ്ടിലെ നാദ് അലി ജില്ലയിലെ പോലീസ് ഔട്ട് പോസ്റ്റില് അവസാനിച്ചു. ഇതിന്റെ ഫലം ക്രൂരമായ മര്ദ്ദനമായിരുന്നു.
ഒരിക്കല് രക്ഷപ്പെട്ടു കഴിഞ്ഞാല് പിന്നെ ഇവര് ഒരിക്കലും തിരിച്ചുവീട്ടിലേക്ക് മടങ്ങാറില്ല. വീണ്ടും തട്ടിക്കൊണ്ടു പോകലിനിരയാകുമോ എന്ന ഭയമാണ് കാരണം. അവന് വേണ്ടി കമാന്റര് വീണ്ടും വരുമോ എന്ന ഭയത്തെ തുടര്ന്ന് മാതാപിതാക്കളും സഹോദരങ്ങളുമെല്ലാം അവിടെ നിന്നും പാലായനം ചെയ്തു. പാര്ട്ടിയില് തന്റെ പയ്യനാണ് കൂടുതല് സുന്ദരനെന്നും തന്റെ പയ്യനാണ് കൂടുതല് മികച്ച നര്ത്തകന് എന്നും മറ്റും പറഞ്ഞ് ഉടമകള് മത്സരിക്കാറുണ്ടെന്നും ഇത്തരം ആള്ക്കാരില് നിന്നും രക്ഷപ്പെടാനുള്ള ഏകവഴി താലിബാന് ഭീകര സംഘടനയില് ചേരുകയാണെന്നും മറ്റാരു ബച്ചാബാസി പറയുന്നു. വീട്ടുകാര് തിരിച്ചു സ്വീകരിച്ച മറ്റൊരു പയ്യനെ കുടുംബം ഡോക്ടറെ കൊണ്ടു കാണിച്ചിരുന്നു. പരിശോധന നടത്തിയപ്പോള് ഇയാള് പല തവണ ബലാത്സംഗത്തിന് ഇരയായിട്ടുണ്ടെന്നും തുന്നലുകള് വേണ്ടി വരുമെന്നും പറഞ്ഞപ്പോള് ഇക്കാര്യം പുറത്തുവിടരുതെന്നും മകനെ രക്ഷിക്കണമെന്നും മാതാപിതാക്കള് ഡോക്ടറുടെ കാലു പിടിച്ചു.
നിയമം വേണ്ടത്ര ഫലപ്രദമാകാത്തതും അഴിമതിയും നിരക്ഷരതയും ദാരിദ്ര്യവും സുരക്ഷിതത്വമില്ലായ്മയും തീവ്രവാദികളുടെ നിലനില്പ്പുമെല്ലാം ഈ ആചാരത്തിന് വ്യാപനം കൂട്ടുന്നു. ബലാത്സംഗവും മുതിര്ന്ന പുരുഷനും കൊച്ചുകുട്ടിയും തമ്മിലുള്ള സ്വവര്ഗ്ഗ പ്രണയവും അഫ്ഗാനിസ്ഥാന് ക്രിമിനല് നിയമത്തിന് കീഴിലാണ് വരുന്നതെങ്കിലും ബച്ചാബാസിയെ ഇല്ലാതാക്കാന് കാര്യങ്ങള് ഉണ്ടായില്ല. തട്ടിക്കൊണ്ടു പോകലിന് ഇരയായാണ് കുട്ടികള് ഇതിലേക്ക് എത്തുന്നത്. ചിലപ്പോള് കടുത്ത ദാരിദ്ര്യം കൊണ്ടു കുടുംബം തന്നെ കുട്ടികളെ പീഡകര്ക്ക് വില്ക്കും. ഈ ദുരാചാരങ്ങള് താലിബാനിലേക്കുള്ള കുട്ടികളുടെ ഒഴുക്കും കൂട്ടിയിട്ടുണ്ട്. ഈ വര്ഷമാണ് അഫ്ഗാന് ബച്ചാ ബാസി ക്രിമിനല് കുറ്റമാക്കിയത്. വധശിക്ഷയാണ് പ്രസിഡന്റ് അഷ്റഫ് ഗാനി മുന്നോട്ട് വെച്ച ശിക്ഷ. എന്നാല് ഫെബ്രുവരിയില് ഒട്ടനേകം ബച്ചാബാസി പാര്ട്ടികളില് പോലീസ് റെയ്ഡ് നടത്തിയെങ്കിലും പിടിച്ചത് നൃത്തം ചെയ്ത കുട്ടികളെയായിരുന്നു. സംഘടകരും ദുരുപയോഗം ചെയ്തവരും രക്ഷപ്പെട്ടു. പ്രതികള് സമുന്നതരാണെങ്കില് ഒരു നിയമവും നടപ്പാകുകയില്ല. പോലീസുമായുള്ള ബന്ധം, സ്വാധീനം, കൈക്കൂലി എന്നിവയെല്ലാം പ്രതികള്ക്ക് എളുപ്പം ഊരിപ്പോകാന് സാഹചര്യം ഒരുക്കും.
ഒരിടത്തു നിന്നും നീതി കിട്ടാതാകുമ്പോള് സുരക്ഷയ്ക്കായി പിന്നീട് കുട്ടികള്ക്ക് ഏക വഴി താലിബാനില് ചേരുക എന്നതായി മാറും. 1996 മുതല് 2000 വരെയുള്ള താലിബാന് നിയമത്തിന് കീഴില് ബച്ചാബാസി നിരോധിക്കപ്പെട്ടിരുന്നു. എന്നാല് താലിബാന് ക്ഷയിച്ചതോടെ എല്ലാം പഴയപടിയായി. കഴിഞ്ഞ വര്ഷം നൂറുകണക്കിന് പോലീസുകാരെ ബച്ചാ ബാസികളെ കൊണ്ട് കൊല്ലിക്കാന് താലിബാന് സഹായം ചെയ്തു കൊടുത്തത് സുരക്ഷാസേനയിലെ ഉദ്യോഗസ്ഥര് തന്നെയായിരുന്നു. നാറ്റോയ്ക്ക് കീഴിലുള്ള അഫ്ഗാന് സേന ബച്ചബാസിയെ ഇല്ലാതാക്കാനുള്ള ശ്രമം തുടങ്ങിയിട്ടുണ്ട്. 2015 ല് 60 ബില്യണ് ഡോളറാണ് അമേരിക്ക ഇതിനായി മുടക്കിയത്. താലിബാന് പോലെയുള്ള തീവ്രവാദികള്ക്കും ബച്ചാബാസി ഒരു പരിധി വരെ ഗുണകരമാണ്. 1990 കളില് താലിബാന് സേനയെ കാബൂളില് ഭണത്തിലേക്ക് നയിച്ചത് ഇതായിരുന്നു.
