കൊച്ചി: നടിയെ തട്ടിക്കൊണ്ടുപോയി ആക്രമിച്ച സംഭവത്തില് പ്രതിയായതിനു പിന്നാലെ കോളിളക്കം സൃഷ്ടിച്ച കൊക്കെയ്ന് കേസില് ദിലീപിനു പങ്കുണ്ടോ എന്നതു സംബന്ധിച്ചും അന്വേഷണം നടന്നേക്കും. കൊക്കെയ്ന് കേസില് തന്നെ കരുവാക്കിയതിനു പിന്നില് ചിലരുണ്ടെന്ന വെളിപ്പെടുത്തലുമായി കേസില് പ്രതിചേര്ക്കപ്പെട്ട നടന് െഷെന് ടോം ചാക്കോ രംഗത്തെത്തിയതോടെയാണു ദിലീപിലേക്കു സംശയത്തിന്റെ മുന നീളുന്നത്.
അടുത്തിടെ ഒരു വാരികയ്ക്കു നല്കിയ അഭിമുഖത്തിലാണ് കേസില് തന്നെ ചിലര് കരുവാക്കിയതാണെന്നു െഷെന് ആരോപിച്ചത്. '' മാധ്യമങ്ങളിലൂടെ പുറത്തുവന്ന കഥയൊന്നുമല്ല അന്നു സംഭവിച്ചത്. ഇപ്പോഴത്തെ ചില സംഭവങ്ങള് പോലെ ആരെയാ വിശ്വസിക്കുക എന്നൊരു സംശയം തോന്നാം.
കേസ് നടക്കുകയാണ്. കേസിന്റെ അവസാനം സത്യമെന്തെന്ന് എല്ലാവരും അറിയും. ഞാനുമായി ആര്ക്കും ഒരു പ്രശ്നവുമില്ലായിരുന്നു. അതുകൊണ്ട് എന്നെ കുടുക്കിയാതാണെന്ന് പറയാനാവില്ല. വേറെ എന്തൊക്കെയോ പൊതുജനത്തില്നിന്നു മറയ്ക്കാന് വേണ്ടി എന്നെ കരുവാക്കുകയായിരുന്നു എന്നെനിക്ക് പിന്നീട് തോന്നിയിട്ടുണ്ട്.
അതിനുള്ള സൂചനകളും കിട്ടിയിട്ടുണ്ട്. ആര്ക്കു വേണ്ടിയാണോ അത് ചെയ്തത് അതിന്റെ ഫലം അവര്ക്കു കിട്ടിയിട്ടുണ്ട്. കിട്ടിയവര് അതു മനസിലാക്കിക്കൊള്ളട്ടെ. അവരുടെ െകെയിലിരിപ്പിന്റെ ഫലം അവര് അനുഭവിക്കുന്നുവെന്നേയുള്ളൂ.''-അഭിമുഖത്തില് െഷെന് ടോം ചാക്കോ പറഞ്ഞു.
'ഇതിഹാസ' എന്ന ചിത്രത്തിലൂടെ നായക പദവിയിലേക്ക് ഉയര്ന്ന താരമാണ് െഷെന് ടോം ചാക്കോ. ദീര്ഘകാലം സിനിമയുടെ പിന്നില് പ്രവര്ത്തിച്ച ശേഷമായിരുന്നു അഭിനയത്തിലേക്ക് െഷെനിന്റെ കടന്നുവരവ്. എന്നാല് അഭിനയിച്ചതിനു പിന്നാലെ കൊക്കെയ്ന് കേസില് നടന് പിടിയിലായി. പിന്നീട് ശ്രദ്ധേയമായ നായകവേഷങ്ങളൊന്നും കിട്ടിയതുമില്ല.
